Ndɛ Nga Nyanmiɛn I Nuan Ijɔfuɛ Oze Kannin'n 2:20 - NYANMIƐN NDƐ'N 1998

²⁰ N ´yo man min sran mun be nin nnɛn mun, nin anunman mun, ɔ nin nnɛn nga be cuɛn bé wun ase'n be ´di anuansɛ. N ´saci mɛn'n nun ta nin tokofi'm be kwlaa, afin alɛ kunlɛ'n ´wie. Kpɛkuun min sran'm be kwlaa bé wun ´tɔ be fɔuun.

Ndɛ Nga Nyanmiɛn I Nuan Ijɔfuɛ Oze Kannin'n 2:20 ပူးပေါင်းရင်းမြစ်များ

Bo Bolɛ 9:10

nin nnɛn kwlaa nga be o amun wun yɛ'm be kwlaa, i anunman o, i klɔ nnɛn o, i blo nnɛn o, be kwlaa, be nga be fin mmeli'n nun fiteli'n, ɔ nin asiɛ'n su nnɛn nga be wa ba kasiɛn'n be ngba.

Ezai 2:4

Ɔ wa yo nvle-nvle'm be jɔlɛ difuɛ, yɛ ɔ ´yo sran kpanngban be afiɛn siesiefuɛ. Be wa fa be tokofi mun be ´bo tokpo, yɛ be ´fa be cua mun be ´yo wlɔsɔ. Nvle kun su fa-man alɛ wlɛ-mɛn i nvle uflɛ sin kun. Be su suan-man alɛ dilɛ'n kun.

Ezai 62:4

Be su flɛ-man wɔ kɛ klɔ Bɔ B'a Niɛn-mɛn i Nyrun Kun. Be su flɛ-mɛn ɔ mɛn'n kɛ Lika Srolo kun. Sanngɛ be ´flɛ wɔ kɛ Klɔ Bɔ i Wun Yo Min Fɛ'n. Be ´flɛ wɔ mɛn'n kɛ Bla Bɔ Lɛ Bian. Afin ɔ́ wun ´yo Anannganman i fɛ, yɛ sɛ n kwla ´se'n, wɔ asiɛ'n ɔ ´nyan bian.

Zeremi 24:7

M ´man be ngwlɛlɛ man be si kɛ min yɛ n ti Anannganman nin-ɔn. Sɛ b'a nian-man bɛ nin fama nan be ba min wun mlɔnmlɔn'n, be wa yo min sran yɛ n kusu n ´yo be Nyanmiɛn.

Zeremi 30:10

Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Zeremi 32:41

Kɛ n ´di be nɛnnɛn'n, n ´di i nin aklunjuɛ. N ´tu n klun yo kwlaa nga n ko yo nan b'a taka kpa mɛn nga nun'n.› »

Zeremi 9:24

Anannganman'n waan: «Cɛn wie wa ju bɔ e nin be nga be wla be klɛn liɛ'n be wunnɛn nun ngbɛn'n e ´nyɛn i,

Ezekiɛl 16:62

Yɛ n ´flan aenguɛ nga e nin wɔ e trali'n nun, yɛ a wa si jrɛiin kɛ min yɛ n ti Anannganman nin-ɔn .

Ezekiɛl 16:8

N sinnin ɔ́ wun lɛ, n ´nian-an, a si yasua-a ɔ yo ye yɛ n fali min tralɛ dan'n n katali ɔ́ wun-ɔn, b'a wun-man ɔ́ wun kplɛn'n kun. N tali nda kɛ n su kpɔci-man wɔ e nin wɔ e trali aenguɛ. Kpɛkuun yɛ a yoli min liɛ-ɔ.› » Anannganman Nyanmiɛn'n yɛ ɔ kan sɔ-ɔ.

Ezekiɛl 34:25

«E nin min bua mun e ´tra aenguɛ b'ɔ ti aunjuɛ aenguɛ. N ´fuan mɛn'n i nun blo nnɛn'm be kwlaa. Min bua mun be ´tran aawlɛ'n nun lɔ, be klun kaan sa su ti-man be. Be ´la bo'n i afiɛn lɔ .

Ezekiɛl 34:27

Blo waka'm be ´su mma, yɛ asiɛ'n man be ´nyan like. Sran kun ɔ ´tran mɛn'n nun-ɔn, i klun su titi-mɛn i. Kɛ n wa bu be kɔmin su waka'm be nun bɔ n ´de be be nga be wlali be kanga nun'n bé sa nun'n, yɛ be wa si jrɛiin kɛ min yɛ ti Anannganman nin-ɔn.

Ezekiɛl 38:23

N wa yi min dan bɔ n ti nin min nzuɛn b'ɔ nin klɔ sran liɛ ti-man kun'n be nglo. N ´yi mín wun nglo nvle kpanngban be nyrun, yɛ be wa si jrɛiin kɛ min yɛ n ti Anannganman nin-ɔn.»

Ndɛ Nga Nyanmiɛn I Nuan Ijɔfuɛ Oze Kannin'n 13:4

«Izraɛlfuɛ mun, kɛ amun ´fin Ezipt lɔ ´ba, m bɔbɔ min Anannganman yɛ n ti amun Nyanmiɛn-ɔn. Amun si-man Nyanmiɛn uflɛ kun san min kunngba cɛ. Defuɛ uflɛ fi nun-man lɛ san min.

Ndɛ Nga Nyanmiɛn I Nuan Ijɔfuɛ Oze Kannin'n 2:19

N ´yo man Baal nin amuɛn kun nga mun be dunman'n ´mlin i nuan nun. Bé wla ´fi be dunman'm be su mlɔnmlɔnmlɔn.

Ndɛ Nga Nyanmiɛn I Nuan Ijɔfuɛ Oze Kannin'n 6:6

Afin n klo aunnvuɛ nga be si sran'n tra tɛ nga be yi be man min'n. Kɛ be si kɛ n ti Nyanmiɛn'n, ɔ jɔ min klun tra tɛ nga be yi-ɔ be yrɛ i nnɛn'n kɔlikɔli'n .»

Saun Yolɛ 26:5

Ɔ man Izraɛl wa'n, kɛ vinyi i mma'n i tilɛ'n ɔ ´ju'n, wuun amun tɛ bo ble'n, yɛ kɛ ɔ ´ju kɛ amun `lua fie uflɛ'm bé su like'n, wuun amun tɛ ti vinyi be su mma mun. Aliɛ'n ɔ ´bobo amun su, yɛ amun ´tran amun mɛn'n nun fɔuun.

Saun Yolɛ 26:6

M ´man amun fɔundi amun mɛn'n nun. Blɛ nga amun ´lafi'n, like fi su wa kle-man amun yalɛ. N ´nunnun nnɛn tɛtɛ mun. Sran fi su fa-man alɛ wlawla-man amún sin.

Mise 4:3

Ɔ wa yo sran kpanngban be jɔlɛ difuɛ. Man i li mɛn dandan kpa'm be tran mmua sɛ, sanngɛ ɔ ´kan be afiɛn ndɛ. Be ´fa be tokofi mun be ´bo sue, be ´fa be cua mun be ´bo wlɔsɔ. Nvle kun su fa-man alɛ wlɛ-mɛn i nvle uflɛ sin kun, be su sɔnnzɔn-man alɛ kunlɛ kun .

Zakari 9:10

Ɔ ´yi alɛ kakaklolo mun Efraim lɔ. Ɔ ´yi alɛ kunlɛ ta mun, ɔ ´kan fɔundi ndɛ kle mɛnmɛnfuɛ mun. Kɛ ɔ fɛ i jenvie ng'ɔ ti njin nzue klakla'n i nuan b'ɔ ´fa ju Mediterane jenvie'n nuan'n, yɛ kɛ ɔ fɛ i Efrat nzue ba'n nuan b'ɔ ´fa ju asiɛ'n i awieliɛ lɔ'n, i yɛ ɔ ´sie-ɔ .

Matthieu 11:27

N Si yɛ ɔ fa like'n kwlaa mannin min-ɔn. Sran fi si-man Nyanmiɛn i Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn i Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si'n kle i'n, be yɛ be si i-ɔ.

JÉSUS-CHRIST I DYASIN FE'N BO LUC KLELI'N 10:22

N Si yɛ ɔ fali like'n kwlaa mannin min-ɔn. Sran fi si-man Nyanmiɛn Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si kle i'n, i yɛ ɔ si i-ɔ.»

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Jean 8:55

Sanngɛ an si-mɛn i, n liɛ'n n si i. Sɛ n se kɛ n si-mɛn i'n, wuun n ti ato buafuɛ kɛ amun sa. Sanngɛ n si i, yɛ n fɛ i ndɛ'n su.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

Hébreu 8:11

Sran fi su kle-mɛn i wiengu like kun, yɛ ɔ kle-man i niaan like kun, ɔ su se-man be kɛ: An mantan Anannganman! Yɛlɛ kɛ kɛ ɔ fin be kanngan'm be nun lele fa ju be kpɛnngbɛn'm be nun'n, be kwlaa be ´si min.

1 Jean 4:6

E liɛ'n, e ti Nyanmiɛn liɛ, ɔ man sran ng'ɔ si Nyanmiɛn'n, ɔ sie i su e ndɛ'n su, sanngɛ sran ng'ɔ ti-mɛn i liɛ'n, ɔ sie-mɛn i su e ndɛ'n su. I sɔ'n nun yɛ e ´si Nyanmiɛn Wawɛ'n i ndɛ'n b'ɔ ti nanwlɛ'n, ɔ nin ndɛ ng'ɔ ti-man nanwlɛ nin-ɔn.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.