Ndɛ Nga Nyanmiɛn I Nuan Ijɔfuɛ Oze Kannin'n 2:2 - NYANMIƐN NDƐ'N 1998

² Zidafuɛ'm be nin Izraɛlfuɛ'm be wa yo nvle kunngba kɛ laa'n sa. Kpɛkuun bé bo ´yo kun be ´fa be nun sran kunngba kɛ i yɛ ɔ `sie be-ɔ. Yɛ be ´tu be bo mɛn'n nun, afin Zizreɛl i cɛn'n ɔ ´yo cɛn dan kpa .

Ndɛ Nga Nyanmiɛn I Nuan Ijɔfuɛ Oze Kannin'n 2:2 ပူးပေါင်းရင်းမြစ်များ

Ezai 11:12

Ɔ ´kplan nzɔliɛ kun fa man nvle-nvle mun. Ɔ wa flɛflɛ Izraɛlfuɛ nga be kannin bé bo bé mɛn nun'n. Ɔ wa tian Zidafuɛ nga be bo sanndili asiɛ'n i bue nnan'n su'n be nuan.

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Ezai 58:1

Anannganman wan yoo: «Kpan kpanlɛ kpa, nán mian wɔ alowa'n!» Kpan kekle kɛ nnɛn wɛ bɔ be fita nun b'ɔ tɛ kekle'n sa, kan min nvle nunfuɛ'm bé sa tɛ'm bɔ be yo'n kle be, kan Zakɔb i osu'n nunfuɛ'm bé sa'm bɔ be yo'n kle be.

Zeremi 19:3

Se kɛ: ‹Zida famiɛn mun nin Zerizalɛm klɔ'n sufuɛ mun, an `tie ndɛ bɔ Anannganman'n kan'n. Anannganman b'ɔ sie mɛn wunmuan'n, Izraɛl Nyanmiɛn'n wan yoo: An `nian, n wa fa nyrɛnnɛn sa kun n ´yi i lika nga su. Nyrɛnnɛn sa sɔ'n, sran kwlaa nga be kɛn i ndɛ kle i'n, ɔ kpiti kpli.

Zeremi 2:2

«Ko se Zerizalɛmfuɛ'm be kɛ: ‹Anannganman'n waan: Mantanlɛ nga kɛ amun tɛ yo kɛ talua sa'n amun nin min mantannin'n, klolɛ nga amun fa kloli min kɛ be fa klo bla bɔ b'a jɛ i uflɛ sa'n b'ɔ man an suli min su aawlɛ flɛnnɛn, bɔ be kwla di-man nun fie'n i nun'n, mín wla o su.

Zeremi 3:1

Anannganman'n usa kɛ: «?Sɛ sran kun yrɛ i yi'n nan bla'n jaso ko ja bian uflɛ'n, kɛ ɔ o lɛ'n, yasua klikli'n kwla sɛ i sin ja bla sɔ'n ekun? ?Sɛ ɔ yo sɔ'n, nán tete yɛ ɔ'a bo i mɛn'n nun-ɔn? Sɛ n ´kwla se'n, a ko bo tekle'n lele, kpɛkuun a sa wɔ sin a ba min jalɛ ekun.

Zeremi 3:13

Ɔ man i ti'n, di ɔ́ sa tɛ'n i nanwlɛ: Nyin kekle nga a yoli i min Anannganman ɔ Nyanmiɛn'n min su'n, kan. A wanndi ɔli nvle uflɛ'm be amuɛn'm bé sin, a ɔli waka nga be lɛ nnya'n be kwlaa be bo. W'a tie-man min aniɛn'n.› » Anannganman'n yɛ ɔ kan sɔ-ɔ.

Zeremi 3:18

I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Ezekiɛl 16:20

«Ɔ klun ba yasua mun nin ɔ klun ba bla'm bɔ a wuli be mannin min'n, a fa be sɔli be, ɔ waan be `kun be. ?Nan blɔdɛ nga a sili'n, ɔ́ nyin a yi-mɛn i?

Ezekiɛl 16:25

Klɔ'n nun'n, i sin nan b'a fa atin su'n, san be dun mmua ´wun sraka yiwlɛ lika sɔ'n nga a kplannin be mun. A yoli ɔ klanman'n i finfin, yɛlɛ kɛ a fali ɔ́ wun a mannin sran kwlaa b'ɔ ´sin'n, ɔ blɔdɛ'n yoli dan.

Ezekiɛl 20:4

Klɔ sran, bu be fɔ. Bu be fɔ. Fa be nannan'm be tete sa nga be yoli'n kle be .

Ezekiɛl 23:43

Yɛ n seli mín wun kɛ: ‹Nian bla nga bɔ bian be wun bo kunndɛlɛ ɔ'a wie i kun kɔlikɔli sa'n, ɔ la nun su bo tekle ekun.›

Ezekiɛl 23:45

Sanngɛ yasua kpa'm be wa bu bla sɔ'm be fɔ bian bɔ be kunndɛ i bé wun bo'n nin sran bɔ be kun i'n ti. Yɛlɛ kɛ be ti bian be wun bo kunndɛfuɛ nin sran kunfuɛ.

Ndɛ Nga Nyanmiɛn I Nuan Ijɔfuɛ Oze Kannin'n 1:2

Ndɛ nga Anannganman'n fa wlali Oze nuan'n, i bo bolɛ'n yɛ. Ɔ seli Oze kɛ: «Ko ja tekle bla kun nan a nin i be `wu wlaka ba. Afin min sran nga be o min mɛn'n nun'n, tekle'n yɛ be si-ɔ. Sa ti bɔ n se kɛ be si tekle'n yɛlɛ kɛ, be kacili bé sin be sili min, kpɛkuun amuɛn mun yɛ be sɔ be-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 2:1

Sanngɛ cɛn kun wa ju, Izraɛlfuɛ'm be wa trɛ kaka kpa. Be ka be-ɔ be ko si-man bé nuan. Be ´sɔn kpa kɛ jenvie nuan aunnyan sa. Nyanmiɛn su se-man be kɛ: «Nán min sran yɛlɛ amun kun .» Be ´flɛ be kɛ: «Nyanmiɛn b'ɔ lafi-man'n i mma mun.»

Ndɛ Nga Nyanmiɛn I Nuan Ijɔfuɛ Oze Kannin'n 2:5

Sɛ ɔ ti-mɛn i ti'n, n ´kpɛ i wun kɛ ndɛkɛn yɛ b'a wu i sa, i wun yo ngblɛn. N ´yo man ɔ yo kɛ aawlɛ flɛnnɛn'n sa, ɔ ´kaci kɛ asiɛ bɔ be yo su like-ɔ ɔ yo-man ye'n sa, nzue we ´kun i lele ɔ ´wu.

Ndɛ Nga Nyanmiɛn I Nuan Ijɔfuɛ Oze Kannin'n 4:5

Wia klengle kpa'n nun yɛ ɔ́ ja'n ɔ ´kpla-a, yɛ ɔ niaan'n b'ɔ ti min nuan ijɔfuɛ'n kusu i ja liɛ'n ɔ ´kpla kɔnguɛ. Izraɛl, n ´kun wɔ awuliɛ nin'n.

Mise 2:13

Sran ng'ɔ dun mmua amun nyrun'n, yɛ ɔ ´bo atin nin-ɔn. I fanngan nun man talɛ ng'ɔ si amun wun'n, amun ´kpɛ nun toklo amun ´fite. Amun famiɛn Anannganman yɛ ɔ ´dun mmua amun nyrun-ɔn .»

2 Korɛntfuɛ Mun 5:16

Ɔ man kɛ ɔ fin ndɛ'n, e bu-man sran'm be akunndan kɛ sran'n be fa bu akunndan'n sa kun. Sɛ laa e bu Krist sɔ bɔbɔ'n, siɛn'n e bu-mɛn i sɔ kun.