Ndɛ Nga Nyanmiɛn I Nuan Ijɔfuɛ Oze Kannin'n 2:19 - NYANMIƐN NDƐ'N 1998

¹⁹ N ´yo man Baal nin amuɛn kun nga mun be dunman'n ´mlin i nuan nun. Bé wla ´fi be dunman'm be su mlɔnmlɔnmlɔn.

Ndɛ Nga Nyanmiɛn I Nuan Ijɔfuɛ Oze Kannin'n 2:19 ပူးပေါင်းရင်းမြစ်များ

Jue Mun 85:10

Nanwlɛ, be nga be sro i'n, ɔ ka kaan-an, ɔ wa uka be, kɛ ɔ ´yo nan i anyrunnyan'n ɔ'a tran e mɛn'n su'n ti.

Ezai 1:27

Zerizalɛm i sa b'ɔ yo i i nuan su'n ti, ɔ ´fite nun. Yɛ i nunfuɛ'm bɔ be kaci be nzuɛn'n, be ´nyan be ti mmla bɔ be fa su'n ti.

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Ezai 54:5

Afin sɛ e ´kwla se'n, sran ng'ɔ yili amun'n yɛ ɔ ti amun wun nin-ɔn. I dunman'n yɛlɛ Anannganman b'ɔ sie mɛn wunmuan'n. Sran ng'ɔ kpɔ amun ti'n, yɛlɛ Izraɛl Nyanmiɛn'n. Be flɛ i kɛ asiɛ wunmuan'n i Nyanmiɛn.

Ezai 54:6

Anannganman ɔ'a fa amun ekun kɛ bla bɔ be yacili i, bɔ i wla ti bowa, kpɛkuun be fɛ i kɛ be ´jɛ i ekun'n sa. Amun Nyanmiɛn'n usa kɛ yoo: «?Be gbanflɛn nun bla'n, be yaci i-ɔ ɔ yo ye?

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Ezekiɛl 16:8

N sinnin ɔ́ wun lɛ, n ´nian-an, a si yasua-a ɔ yo ye yɛ n fali min tralɛ dan'n n katali ɔ́ wun-ɔn, b'a wun-man ɔ́ wun kplɛn'n kun. N tali nda kɛ n su kpɔci-man wɔ e nin wɔ e trali aenguɛ. Kpɛkuun yɛ a yoli min liɛ-ɔ.› » Anannganman Nyanmiɛn'n yɛ ɔ kan sɔ-ɔ.

Ezekiɛl 39:29

N su kaci-man min sin n ko si-man be kun, afin n wa fa min Wawɛ'n m ´man be.» Anannganman Nyanmiɛn yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 14:4

Nán Asirifuɛ'm be yɛ be kwla de ye-ɔ. Nnɛn kpanngɔ nga be fa be kun alɛ'n, e su lafi-man bé su kun. E amuɛn nga e yoli be nin e sa'n, e su flɛ-man be kɛ e Nyanmiɛn kun, afin ɔ kunngba cɛ yɛ a si aika ba'n i aunnvuɛ-ɔ.»

Zakari 13:2

«I sɔ blɛ nun'n, n ´yo man amuɛn'm be dunman'n ´nunnun mɛn'n nun, ɔ man be su bo-man be dunman be di-man jɔlɛ kun. Be nga be tɔn bé wun suɛn kɛ be ti min nuan ijɔfuɛ'n, n ´nunnun be. Kpɛkuun amuɛn'm be akunndan bulɛ'n, n ´yi i sran'm bé ti nun.» Anannganman b'ɔ sie mɛn wunmuan'n yɛ ɔ kan sɔ-ɔ.

Jean 3:29

Atɔnvlɛ bla'n ti bian b'ɔ su fa atɔnvlɛ'n i liɛ, sanngɛ bian'n i janvuɛ'n b'ɔ jin lɛ'n, ɔ tie i ndɛ ng'ɔ kan'n, kɛ ɔ ti i nɛn'n, i klun jɔ dan, n kusu kɛ n klun liɛ'n wa jɔ dan sɔ-ɔ .

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

2 Korɛntfuɛ Mun 11:2

Amun ti n jran Nyanmiɛn nuan n si kwla, yɛlɛ kɛ an ti kɛ talua kun b'ɔ nian si-man bian sa, n trali amun ase man yasua kun bɔ yɛlɛ Krist .

Sa nglô yile 21:2

Yɛ n wunnin Nyanmiɛn klɔ'n, ɔ fin i wun lɔ ɔ su jra. Ɔ ti kɛ atɔnvlɛ bɔ ɔ'a fɛfɛ i wun ɔ su minndɛ i wun'n sa. Klɔ sɔ'n yɛlɛ Zerizalɛm uflɛ'n .