Ndɛ Nga Nyanmiɛn I Nuan Ijɔfuɛ Oze Kannin'n 2:18 - NYANMIƐN NDƐ'N 1998

¹⁸ Anannganman'n waan: «I cɛn sɔ nun'n, ɔ ´flɛ min kɛ: ‹Min wun.› Ɔ su flɛ-man min kɛ: ‹Baal min Min kun.›

Ndɛ Nga Nyanmiɛn I Nuan Ijɔfuɛ Oze Kannin'n 2:18 ပူးပေါင်းရင်းမြစ်များ

Zɔb I Nyrɛnnɛn Wunlɛ 5:22

Bé bo ninnge sacilɛ'n nin awe'n be ´kle wɔ srilɛ. A su sro-man bo'n nun nnɛn tɛtɛ mun.

Zɔb I Nyrɛnnɛn Wunlɛ 5:23

Yɛbuɛ nga be to be yi i fie'm be su'n, be su saci-man like ɔ fie'm be su. Yɛ bo'n nun nnɛn'm bé nin wɔ ´tran fɔun.

Jue Mun 148:10

blo nnɛn mun o, klɔ nnɛn mun amun kwlaa, nnɛn nga an nanti be ku'n su mun o, yɛ anunman bɔ amun tu sin mun o,

Jue Mun 23:2

Ɔ man n de wunmiɛn lika bɔ ijre nɔnman o lɛ'n nun. Nzue ba bɔ be nuan ti fɔun'n, lɛ yɛ ɔ fa min kɔ-ɔ.

Jue Mun 46:9

Amun `bla be wa nian sa nga Anannganman yo'n, amun `nian sa sroesroe ng'ɔ yo i asiɛ'n su'n.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:4

Ɔ wa yo nvle-nvle'm be jɔlɛ difuɛ, yɛ ɔ ´yo sran kpanngban be afiɛn siesiefuɛ. Be wa fa be tokofi mun be ´bo tokpo, yɛ be ´fa be cua mun be ´yo wlɔsɔ. Nvle kun su fa-man alɛ wlɛ-mɛn i nvle uflɛ sin kun. Be su suan-man alɛ dilɛ'n kun.

Ezai 26:1

I cɛn sɔ nun'n, be ´to jue ng'ɔ o yɛ'n Zida mɛn'n nun. Be ´se kɛ: «E lɛ klɔ kun bɔ be sili i wun'n kpa. Anannganman i delɛ b'ɔ de ye'n, ɔ ti kɛ talɛ nnyɔn sa yɛ be si klɔ'n i wun-ɔn.

Ezai 32:18

I nvle'n nunfuɛ'm be wa tran aunjuɛ lika kun nun. Be ´tran lika bɔ be klun titi-man be lɛ'n nun. Be ´tran kan lɛ ti diin'n nun.

Ezai 54:5

Afin sɛ e ´kwla se'n, sran ng'ɔ yili amun'n yɛ ɔ ti amun wun nin-ɔn. I dunman'n yɛlɛ Anannganman b'ɔ sie mɛn wunmuan'n. Sran ng'ɔ kpɔ amun ti'n, yɛlɛ Izraɛl Nyanmiɛn'n. Be flɛ i kɛ asiɛ wunmuan'n i Nyanmiɛn.

Ezai 65:25

Blo alua nin bua'n be ´didi likawlɛ, asɔmɔli'n ɔ ´di ijre kɛ nannin sa, wuo'n kusu, ndutre yɛ ɔ ´di-ɔ. Be su yo-man sa tɛ, yɛ be su saci-man like min oka'n su.» Anannganman'n yɛ ɔ se sɔ-ɔ.

Zeremi 23:6

I blɛ su Zidafuɛ'm be ´nyan be ti, Izraɛlfuɛ'm be ´di alaje. Be wa flɛ i kɛ: ‹Anannganman'n ti e ti ndɛ kanfuɛ .›

Zeremi 30:10

Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Zeremi 33:16

I blɛ sɔ nun'n, Zida nvle'n ´fite nun. Zerizalɛm klɔ'n ɔ ´nyan manndran. Ɔ man be wa flɛ Zerizalɛm kɛ: Anannganman'n Ti E Ti Ndɛ Kanfuɛ.›

Ezekiɛl 34:25

«E nin min bua mun e ´tra aenguɛ b'ɔ ti aunjuɛ aenguɛ. N ´fuan mɛn'n i nun blo nnɛn'm be kwlaa. Min bua mun be ´tran aawlɛ'n nun lɔ, be klun kaan sa su ti-man be. Be ´la bo'n i afiɛn lɔ .

Ezekiɛl 39:1

Anannganman seli min kɛ yoo: «Klɔ sran, kan min nuan ndɛ kekle nga kle Gɔg. Se kɛ: ‹Gɔg, wɔ bɔ a ti Mesɛk nin Tibal be famiɛn dan'n, e nin wɔ e lɛ i.

Zakari 14:4

I sɔ blɛ nun'n, ɔ ´jran Olivie Oka b'ɔ o Zerizalɛm wun lɛ wia afiliɛ lika liɛ'n nun lɔ'n su. Kpɛkuun Olivie Oka'n ´kpaci i afiɛn. Be wun kongo kun ɔ ´fɛ i wia afiliɛ lɔ lika'n nun ɔ ´to i ti wia atɔliɛ lɔ lika'n nun. Oka'n i bue kun ´kɔ nglo lɔ lika'n nun, i bue kun ´kɔ ngua lɔ lika'n nun .

Zakari 14:9

Anannganman'n yɛ ɔ ´sie mɛn wunmuan nin-ɔn. I kunngba yɛ ɔ ´yo Nyanmiɛn bɔ sran'm be kwlaa be su i-ɔ. I kunngba yɛ sran'm be kwlaa be ´bo i dunman-an.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Zakari 3:10

Kɛ cɛn sɔ'n ko ju'n, amun `flɛflɛ amun wiengu yɛ amun ´tran amun vinyi fie nin amun figie fie'm be nun fɔuun .» Anannganman b'ɔ sie mɛn wunmuan'n yɛ ɔ kan sɔ-ɔ.

Zakari 9:10

Ɔ ´yi alɛ kakaklolo mun Efraim lɔ. Ɔ ´yi alɛ kunlɛ ta mun, ɔ ´kan fɔundi ndɛ kle mɛnmɛnfuɛ mun. Kɛ ɔ fɛ i jenvie ng'ɔ ti njin nzue klakla'n i nuan b'ɔ ´fa ju Mediterane jenvie'n nuan'n, yɛ kɛ ɔ fɛ i Efrat nzue ba'n nuan b'ɔ ´fa ju asiɛ'n i awieliɛ lɔ'n, i yɛ ɔ ´sie-ɔ .