Ndɛ Nga Nyanmiɛn I Nuan Ijɔfuɛ Oze Kannin'n 2:17 - NYANMIƐN NDƐ'N 1998

¹⁷ Kpɛkuun n ´fɛ i vinyi fie mun `mɛn i ekun. N ´yo man Nyrɛnnɛn kongo'n ´kaci i wla ase gualɛ lika. Ɔ wa to jue su min su kɛ i talua nun'n sa. Ɔ ´su min su kɛ blɛ ng'ɔ fin Ezipt ´ba-a, ɔ fa suli min su'n sa .»

Ndɛ Nga Nyanmiɛn I Nuan Ijɔfuɛ Oze Kannin'n 2:17 ပူးပေါင်းရင်းမြစ်များ

Jue Mun 16:4

Be nga be sɔ amuɛn mun'n, be nyrɛnnɛn i su ɔ uka. Be ko tu amuɛn wie mɛn uflɛ'm be nun. Tɛ mmoja nga be guɛ i ase lɛ'n, n yo-man wie. Dunman nga be ´bo be lɛ'n, m bo-man wie.

Ezipt Lɔ Tulɛ'n 15:1

Moiz nin Izraɛlfuɛ'm be toli jue ng'ɔ o yɛ'n be manmannin Anannganman: «N ´to jue m ´manman Anannganman, afin kwlalɛ nga ɔ'a kwla yɛ'n, ɔ lɛ-man wunsu. Ɔ toli nnɛn kpanngɔ'm be nin bé su fufuɛ mun yili jenvie'n nun lɔ.

Ezipt Lɔ Tulɛ'n 23:13

Amun `fa ndɛ nga min Anannganman n kan kle amun'n su kpa. Amun `nian amún wun kpa. Nán amun bo flɛ amuɛn mun kɛ amun srɛ be like, nán be dunman bɔ sa tɛ amún nuan nun mlɔnmlɔn.»

Zeremi 10:11

«An `se be kɛ yoo: ‹Ninnge sɔ'm bɔ nán be yɛ be yili nglo lɔ nin asiɛ'n, be ´nunnun asiɛ'n su. Be su wun-man be kun.› »

Zeremi 2:2

«Ko se Zerizalɛmfuɛ'm be kɛ: ‹Anannganman'n waan: Mantanlɛ nga kɛ amun tɛ yo kɛ talua sa'n amun nin min mantannin'n, klolɛ nga amun fa kloli min kɛ be fa klo bla bɔ b'a jɛ i uflɛ sa'n b'ɔ man an suli min su aawlɛ flɛnnɛn, bɔ be kwla di-man nun fie'n i nun'n, mín wla o su.

Zakari 13:2

«I sɔ blɛ nun'n, n ´yo man amuɛn'm be dunman'n ´nunnun mɛn'n nun, ɔ man be su bo-man be dunman be di-man jɔlɛ kun. Be nga be tɔn bé wun suɛn kɛ be ti min nuan ijɔfuɛ'n, n ´nunnun be. Kpɛkuun amuɛn'm be akunndan bulɛ'n, n ´yi i sran'm bé ti nun.» Anannganman b'ɔ sie mɛn wunmuan'n yɛ ɔ kan sɔ-ɔ.

Zozie 23:7

Nán amun nin nvle nga be tɛ o amun afiɛn'n be sanngan. Nán amun bo be amuɛn'm be dunman'n su be di jɔlɛ. Nán amun fa be dunman'm be ta nda. Nán amun koto bé bo, nan amun sɔ be.

Zozie 7:26

I sin be fali yɛbuɛ kpanngban kpa be guɛli i su kunndunngluun. Yɛbuɛ kwle sɔ'n tɛ o lɛ ndɛ. I sɔ'n ti yɛ be flɛli lɛ lika sɔ'n kɛ Nyrɛnnɛn kongo nin-ɔn. Kɛ ɔ yoli sɔ'n yɛ Anannganman yacili i ya nin-ɔn.