Ndɛ Nga Nyanmiɛn I Nuan Ijɔfuɛ Oze Kannin'n 2:16 - NYANMIƐN NDƐ'N 1998

¹⁶ «I sɔ'n ti n wa lɛkɛ i blɛblɛ n ´fɛ i n ´kɔ aawlɛ flɛnnɛn'n nun lɔ n ´ko kɛn i anwlɛn su ndɛ.

Ndɛ Nga Nyanmiɛn I Nuan Ijɔfuɛ Oze Kannin'n 2:16 ပူးပေါင်းရင်းမြစ်များ

Bo Bolɛ 34:3

Ɔ kloli Zakɔb wa sɔ'n dan, ndɛ ng'ɔ ko kan nan ɔ'a nyɛn i'n, ɔ kan kleli i.

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

Ezai 54:5

Afin sɛ e ´kwla se'n, sran ng'ɔ yili amun'n yɛ ɔ ti amun wun nin-ɔn. I dunman'n yɛlɛ Anannganman b'ɔ sie mɛn wunmuan'n. Sran ng'ɔ kpɔ amun ti'n, yɛlɛ Izraɛl Nyanmiɛn'n. Be flɛ i kɛ asiɛ wunmuan'n i Nyanmiɛn.

Zeremi 3:14

Anannganman'n wan yoo: «Amun b'ɔ amun ti kɛ bian safuɛ'n sa'n mun, an `sa amun sin bla. Afin amun Min'n yɛlɛ min. N ´fa amun nun sran kun klɔ wie'm be su, n ´fa sran nnyɔn awlobo wie'm be nun, n ´fa amun sɔ trilili n sin yia nun yɛ n ´fa amun m ´ba Siɔn.

Ezekiɛl 20:35

N ´fa amun n kɔ aawlɛ flɛnnɛn'n nun mmua lɔ kan sran kun nga'm be nun-man lɛ'n, lɛ yɛ e nin amun e ´kan ndɛ nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 2:7

Bé nin sili tekle. I b'ɔ wuli be'n, i bɔbɔ kuɛkuɛli i wun, afin ɔ ko se kɛ: ‹N ´kɔ min soman'm bé sin, afin sɛ n ´nyan aliɛ n ´di o, sɛ n ´nyan nzue n ´nɔn o, sɛ n ´nyan kondro n ´kla o, sɛ n ´nyan be n ´la su o, sɛ n ´nyan nguɛn n ´kpakpa o, sɛ n ´nyan nzan n ´nɔn o, i kwlaa sɔ'n fin be.›

Jean 3:29

Atɔnvlɛ bla'n ti bian b'ɔ su fa atɔnvlɛ'n i liɛ, sanngɛ bian'n i janvuɛ'n b'ɔ jin lɛ'n, ɔ tie i ndɛ ng'ɔ kan'n, kɛ ɔ ti i nɛn'n, i klun jɔ dan, n kusu kɛ n klun liɛ'n wa jɔ dan sɔ-ɔ .

2 Korɛntfuɛ Mun 11:2

Amun ti n jran Nyanmiɛn nuan n si kwla, yɛlɛ kɛ an ti kɛ talua kun b'ɔ nian si-man bian sa, n trali amun ase man yasua kun bɔ yɛlɛ Krist .

Sa nglô yile 19:7

E klun bɔ ɔ'a jɔ'n ti, man e si able, man e kpan, man e yi i ayɛ, afin Bua Gbanflɛn'n i atɔnvlɛ falɛ'n ɔ'a ju, yɛ i atɔnvlɛ'n ɔ'a fɛfɛ i wun .

Jɔlɛ Difuɛ Mun 19:3

I sin, bla'n i wun'n wa suli i su i sia'm be klɔ lɔ, ɔ kpɛtɛli i yɛ ɔ srɛli i kɛ ɔ bla awlo. Kɛ bian'n ɔ ´kɔ'n, ɔ fɛli i sufuɛ'n nin i aflunmun nnyɔn yɛ be ɔli-ɔ. Bla'n fɛli i ko kleli i si. Kɛ i si wunnin i'n, ɔ sɔli i nun nin aklunjuɛ.

Rit I Wun Ndɛ 2:13

Rit tɛli i su kɛ: «Min min, nɛnnɛn nga a di min yɛ'n ti dan. A kan ndɛ sa man min klun jɔ klanman, kusu e nin wɔ afanniɛn bla'm be wie fi sɛ-man.»