Ndɛ Nga Nyanmiɛn I Nuan Ijɔfuɛ Oze Kannin'n 2:11 - NYANMIƐN NDƐ'N 1998

¹¹ I sɔ'n ti, sɛ aliɛ fitelɛ blɛ'n ju'n, n ´yo man ɔ su nyan-man aliɛ. Sɛ ɔ kan nzan kusu-ɔ, nzan'n su kpɛn-man. N ´de mín tannin nin min bɛ'm be kwlaa i sa nun kpɛkuun i wun ´ka ngblɛn.

Ndɛ Nga Nyanmiɛn I Nuan Ijɔfuɛ Oze Kannin'n 2:11 ပူးပေါင်းရင်းမြစ်များ

1 Famiɛn Mun 12:32

Ɔ sieli cɛn kun. I waan anglo mɔcuɛ su'n, kɛ i cɛn blu-nin-nnun ko ju'n, be ´di cɛn, yɛ be ´yo i sɔ tititi. Cɛn dilɛ sɔ'n ti kɛ Zida lɔ liɛ'n sa. I bɔbɔ yili sraka mun. Kɛ ɔ yoli i sɔ Betɛl lɔ-ɔ. Ɔ yili sraka'n mannin nannin ba b'ɔ yoli be'n. Ɔ fali sraka yifuɛ ng'ɔ kpali be'n sieli be Betɛl lɔ.

Zeremi 16:9

Afin Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n i wan yoo: «Nian su, n wa yo man cɛn dilɛ kpankpanlɛ'n nin aklunjuɛ kpanlɛ'n, ɔ nin yasua annzɛ bla nga b'a ja be wun uflɛ uflɛ'n be jue tolɛ'n ɔ wa wie wa lika nga nun amun blɛ su. Amún nyin'n ´ta nun.»

Zeremi 25:10

N ´yo man bo srolɛ'n nin aklunjuɛ jue'n, nin yasua annzɛ bla nga b'a ja be wun uflɛ uflɛ'n be jue tolɛ'n, nin ble silɛ mannzin'n i tɛlɛ'n, ɔ nin kannin mun bɔ be kpaja'n i kwlakwla sɔ'n ´wie.

Zeremi 7:34

N ´yo man Zida klɔ'm be su nin Zerizalɛm akpɔ'm be su bo srolɛ nin aklunjuɛ jue tolɛ'n ɔ ´wie. Gbanflɛn nga b'a ja bla uflɛ uflɛ'n nin talua nga b'a ja bian uflɛ uflɛ'n be jue tolɛ'n ɔ ´wie. Afin mɛn'n ɔ ´wie nunnun.»

Ezekiɛl 26:13

N ´jran amun jue tolɛ mun. Be su ti-man jru bolɛ kun.

Ndɛ Nga Nyanmiɛn I Nuan Ijɔfuɛ Oze Kannin'n 3:4

Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Ndɛ Nga Nyanmiɛn I Nuan Ijɔfuɛ Oze Kannin'n 5:7

Be lakali Anannganman'n. I lakalɛ bɔ be ´lɛkɛ i'n, yɛlɛ gua su ba bɔ be wuli be'n. Ɔ man kusu anglo kunngba nun'n, be mɛn'n nin be ninnge'm be ´saci mlɔnmlɔn.

Saun Yolɛ 26:20

Amun ´kle amún wun yalɛ amun ´di junman ngbɛn: asiɛ'n ´su yo-man like fi ye, yɛ waka'm be su su-man mma.

Amɔs 5:21

Anannganman'n wan yoo: «Min wun wunlɛ ng'ɔ ju i blɛ-ɔ an ba'n, ɔ yo min kain, ɔ yo min tɛ. Amun anyia nga amun yia'n ɔ'a flan min.

Amɔs 8:3

Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

Amɔs 8:5

An ko se kɛ: «Man anglo le kun'n wie sɔ nan e `nyan e ble'n i atɛ yowlɛ. Man wunmiɛn-delɛ-cɛn'n sin ndɛndɛ nan e `tike e tanngannin'm be su!» An kpɛ suliɛ'm be su, an kpɛ jayɛbuɛ'm be su. An mian toe'm be nun be fa di sran'm be lufle.

Naɔm 1:10

B'a yo kɛ owie bɔ b'a to b'a bla be wiengu'n sa, be nɔn nzan lele ɔ'a ti be. Be ´yra kɛ ijre kee kpa'n sa .