Ndɛ Nga Nyanmiɛn I Nuan Ijɔfuɛ Oze Kannin'n 14:9 - NYANMIƐN NDƐ'N 1998

⁹ ?Efraimfuɛ mun, nguɛ ti yɛ man amun ko bua amuɛn ndɛ nun-ɔn? M bɔbɔ min n ´tɛ amun srɛlɛ'n su, n ´nian amun su. M bɔbɔ n ti kɛ siprɛs waka bɔ blɛ kwlaa nun i nnya'm be ti ble mlanmlan klanman'n sa. Min fanngan nun ti yɛ amun ninnge'm be ´yo ye-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 14:9 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

Zɔb I Nyrɛnnɛn Wunlɛ 17:9

Man be bɔ be ti sɛsɛ'n, be tran cinnjin atin bɔ be fali'n i su. Man be bɔ be ti saun'n, be tra be anwlɛn.

Jue Mun 107:43

Man sran b'ɔ ti ngwlɛlɛfuɛ'n ɔ bu sa sɔ'm be akunndan kpa nan ɔ wun kɛ Anannganman i klun ti ufue.

Jue Mun 119:128

Wɔ mmla nga a sie be'n, be kwlaa be ti su. Atin ng'ɔ ti gblɛ atin'n, mín nyin ci i.

Jue Mun 119:75

Anannganman, n wun kɛ ndɛ nga a bu be'n, be ti su. Kɛ bɔ a di nanwlɛ tititi'n ti yɛ man a tuli min fɔ-ɔ .

Jue Mun 84:5

Be nga be tran ɔ sua'n nun lɔ'n bɔ be kwla manman wɔ cɛn kwlakwla'n, be liɛ su ti ye!

Jue Mun 84:7

Kɛ be sin sunlɛ kongo nun'n, kpɛkuun Nyanmiɛn kaci i nzue lika, yɛ nzue klikli ng'ɔ tɔ'n ɔ jranjran lika'm be nun.

Nyanndra Mun 10:29

Anannganman sasa sran kpa'n kɛ klɔ bɔ b'a si i wun'n sa. Sanngɛ sran nga sa tɛ'n yɛ be waan be fa man be man be yo'n, ɔ nunnun be.

Nyanndra Mun 16:21

Sran ng'ɔ si akunndan'n, be flɛ i ngwlɛlɛfuɛ. Sran ng'ɔ kan ndɛ amanniɛn su'n ɔ kan ndɛ-ɔ be fa.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Ezai 1:28

I nyin keklefuɛ mun o, i sa tɛ yofuɛ mun o, nyrɛnnɛn'n ´tɔ be kwlaa be su. Be kwlaa nga be yi Anannganman i ase'n, be ´wie nunnun.

Ezai 17:8

Ɔ su kpɛ-mɛn i nyin amuɛn sɔwlɛ nga i bɔbɔ yoli'n be su. Amuɛn b'ɔ fɛli i bɔbɔ sa yoli be'n nin waka b'ɔ takali be'n, ɔ nin ansans yrawlɛ mun, ɔ su fɛ-mɛn i nyin sie-man be su kun.

Ezai 26:7

Sran kpa'n i atin'n ti sein. Anannganman, wɔ bɔ a yo sa i nuan su'n, a siesie sran kpa'n i atin'n mɛn i.

Zeremi 29:12

I blɛ sɔ nun'n, sɛ amun srɛ min'n, n ´yaci amun nun amun ´kɔ. Sɛ amun flɛ min'n, nan an srɛ min'n, n ´ti amun srɛlɛ'n.

Zeremi 9:12

Anannganman'n waan: «Be yili mmla nga n fa mannin be'n i ase'n ti-ɔ. B'a tie-man min aniɛn'n ti-ɔ. B'a nian-man su b'a nanti-man'n ti-ɔ.

Ezekiɛl 11:18

Lɛ yɛ amun ´ba-a, an ´yiyi i nun tete sa'm be kwlakwla nin amuɛn sɔlɛ wafa-wafa'n kwlaa.

Ezekiɛl 18:25

Amun se kɛ: ‹Nga Anannganman yo'n ɔ ti-man su.› Izraɛlfuɛ mun, amun `tie. ?Nga n yo i yɛ'n ɔ ti-man su? ?Nán nga amun bɔbɔ amun yo'n yɛ ɔ ti-man su-ɔ?

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Daniɛl 12:10

Afɛ'n ti, sran kpanngban kpa be wa yo saun, be ´yo weiin, yɛ be ´yo jrɛiin. Sran tɛtɛ bɔ be wun-man sa wlɛ'n, be ´yo sa tɛ'n be ´kɔ be nyrun, sanngɛ ngwlɛlɛfuɛ'm be ´wun sa ng'ɔ su ju'n i wlɛ.

Sofoni 3:5

Kusu wuun sa kpa yolɛ ti yɛ Anannganman'n wo klɔ'n su-ɔ, nán sa tɛ yolɛ ti-ɔ. Nglɛmun kwlakwla ɔ yiyi i mmla'n nun, ɔ lɛ-man cɛn. Sanngɛ ɔ nin sɔ ngba'n, aeliɛ tɛfuɛ'm be ´yo sa'n sa-a, nyannzuɛn kaan sa kun-man be.

Zakari 10:6

N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

Matthieu 11:19

M bɔ n kacili Sran'n m bali, n di like yɛ n nɔn nzan, i ti sran'm be waan n ti aliɛ safuɛ nin nzan nɔnfuɛ, yɛ n ti gua bo sika defuɛ nin sa tɛtɛ yofuɛ'm be janvuɛ. Nyanmiɛn i nyoliɛ'n kle kɛ ɔ ti ngwlɛlɛfuɛ.»

JÉSUS-CHRIST I DYASIN FE'N BO LUC KLELI'N 2:34

Simeɔn yrali i nuan mannin be, nan ɔ'a se i nin Mari kɛ: «Nian, ba ng'ɔ o yɛ'n, ɔ o lɛ Izraɛlfuɛ'm be sunman be ase finlɛ'n ti, yɛ ɔ o lɛ be sunman kusu bé su manlɛ'n ti. Ɔ wa yo kɛ like kun bɔ be wa kɛn i wun ndɛ tɛ sa,

JÉSUS-CHRIST I DYASIN FE'N BO LUC KLELI'N 7:23

Sran nga i ti nun a saci-man min ti'n, i liɛ su ti ye!»

Jean 15:24

Sɛ m'an yo-man like nga sran fi nian yo-mɛn i le be nyrun b'a wun-mɛn i'n, wuun be su bu-man bé sa tɛ yofuɛ. Sanngɛ kɛ n wa yoli bɔ be wunnin i'n ti'n, be kpɔ min nin n Si.

Jean 18:37

Ɔ man Pilat usɛli i kɛ: «?Ɔ man a ti famiɛn?» Jésus tɛli i su kɛ: «Yɛ ɔ́ nuan o su lɛ-ɔ, n ti famiɛn. Nian sa ti bɔ be wu min'n, sa ti bɔ m bali mɛn'n nun'n yɛ: m bali kɛ n ´kan ndɛ ng'ɔ ti nanwlɛ'n kle sran mun. Sran kwlaa ng'ɔ si nanwlɛ'n, ɔ ti ndɛ nga n kan'n. »

Jean 8:47

Sran ng'ɔ ti Nyanmiɛn liɛ'n, ɔ tie ndɛ ng'ɔ kan'n. Kɛ bɔ an ti-mɛn i liɛ'n ti yɛ ndɛ ng'ɔ kan'n an ti-man nin-ɔn.»

Jean 9:39

Yɛ Jésus seli kɛ: «M bali mɛn'n nun sran'm be nun kpalɛ nan be nga be wun-man ase'n be `wun ase, yɛ be nga be wun ase'n, be `kaci anyansifuɛ.»

Sa nga bé yôli'n 13:10

ɔ seli kɛ: «Asiɛ usu'm bé si Satan wa, gblɛ'n nin ndrunmun'n ɔ'a kun wɔ kpo! Like kwlaa ng'ɔ ti kpa'n a klo-mɛn i. ?A yaci-man e Min Nyanmiɛn'n i ndɛ nanwlɛ'n i nun ato bualɛ'n ?

Rɔmfuɛ Mun 7:12

I sɔ'n ti'n, mmla wunmuan'n ti Nyanmiɛn liɛ, yɛ mmla kun sɔ'n kusu ti Nyanmiɛn liɛ. Mmla kun sɔ'n i sielɛ'n ti su, ɔ ti kpa.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

Sa nglô yile 15:3

Be to Moiz b'ɔ ti Nyanmiɛn i sran'n nin Bua Gbanflɛn'n be jue'n, be se kɛ: «Anannganman Nyanmiɛn wɔ bɔ a kwla like kwlaa yo'n, sa dandan nga a yo be'n, be ti abonuan! Nvle-nvle'm be Famiɛn, a ti nanwlɛfuɛ yɛ a yo sa i nuan su !