Ndɛ Nga Nyanmiɛn I Nuan Ijɔfuɛ Oze Kannin'n 14:4 - NYANMIƐN NDƐ'N 1998

⁴ Nán Asirifuɛ'm be yɛ be kwla de ye-ɔ. Nnɛn kpanngɔ nga be fa be kun alɛ'n, e su lafi-man bé su kun. E amuɛn nga e yoli be nin e sa'n, e su flɛ-man be kɛ e Nyanmiɛn kun, afin ɔ kunngba cɛ yɛ a si aika ba'n i aunnvuɛ-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 14:4 ပူးပေါင်းရင်းမြစ်များ

Jue Mun 10:14

A wun nyrɛnnɛnfuɛ'm be afɛ'n nin be nyrɛnnɛn'n. A yaci-man be nga afɛ nin nyrɛnnɛn'n wo bé su'n be lika nianlɛ. Ɔ su yɛ nyrɛnnɛnfuɛ'm be kisa-a. Wɔ yɛ a uka aika mun-ɔn.

Jue Mun 20:8

Wie'm be lafi be kakaklolo'm be su, wie'm be kusu be lafi nnɛn kpanngɔ'm bé su. E liɛ'n, Anannganman e Nyanmiɛn'n yɛ e fa e wla guɛ i su-ɔ.

Jue Mun 78:38

Sanngɛ i liɛ'n, ɔ si be aunnvuɛ, ɔ yaci be fɔnlɛ'n cɛ be, ɔ se-man kɛ ɔ ´nunnun be kun. Kpalɛ sunman ɔ trɛli i anwlɛn, ɔ guɛli i ya'n i ase, ɔ yacili ya'n.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 55:1

Amun kwlaa nga nzue we kun amun'n, amun `bla, nzue o wa! Kannzɛ bɔ sika nun-man amún sa nun o, amun bla be wa fa like be di, be yi-man nun dein. Amun bla be wa fa nzan nin nɔnnɔn, sika fite-man nun, be to-man .

Ezai 57:18

N wun be nantilɛ wafa'n, sanngɛ n wa kaci be, n ´dun mmua be nyrun, n ´fɔnvɔ be, yɛ n ´fɔnvɔ be nga be nin be o sɛ nun'n mun.

Zeremi 14:7

«Kɛ e nian e sa tɛ mun'n, e si kɛ y'a fɔn, sanngɛ Anannganman, nian ɔ dunman'n ti uka ye. E yoli nyin kekle'n sunman. E fɔnnin ɔ wun.

Zeremi 17:14

Anannganman, yo min juejue. Sɛ a yo min juejue-ɔ, n ´yo juejue sakpa. De min. Sɛ a de min-ɔn, n ´nyan n ti sakpa. Afin wɔ yɛ man n di alaje-ɔ.

Zeremi 3:22

«Amun bɔ amun ti kɛ bian safuɛ sa'n, an `sa amun sin bla, man n yo nan amún bian sa'n ɔ wie.» «E yɛ e o yɛ, y'a ba ɔ́ sin Anannganman, afin wɔ yɛ a ti e Nyanmiɛn nin-ɔn.

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Zeremi 33:6

Sanngɛ ɔ yo'n, n ´yo man ɔ ´yo juejue kpa kɛ sran bɔ ɔ'a tɔ tukpacɛ ɔ'a jaso'n sa. N ´yo man i su tranfuɛ'm be ´nyan fɔundi, be ´nyan manndran.

Zeremi 5:6

I sɔ'n ti yɛ asɔmɔli'm be fin bo nun lɔ bɔ be fa be nyin wɔ be nin-ɔn. I sɔ'n ti yɛ blo alua mun bɔ be o lika kpɛtɛkplɛɛ'm be nun'n, be titi be nun nin-ɔn. I sɔ'n ti yɛ kangale'n bu sa be klɔ'm be sin ɔ titi be kwlaa nga be fin lɔ fite'n be nun nin-ɔn. Kannzu bé nyin kekle aeliɛ b'ɔ sɔnnin sa'n ti-ɔ. Be nyin kekle beblebe sa'n ti-ɔ.

Zeremi 8:22

?Kannin ayre nun-man Galaad lɔ kun? ?Dɔɔtrɔ nun-man lɔ? ?Ɔ yo sɛ ti yɛ min nvle'n i kannin'n tɛ didi tɛ kɔ kploun sɔ-ɔ ?

Ezekiɛl 33:14

Sɛ kusu n se klunwifuɛ'n kɛ ɔ nin wulɛ fata'n, sɛ ɔ yaci i nzuɛn tɛ'n, nan ɔ yo sa ng'ɔ ti kpa'n, b'ɔ ti i nuan su'n, ɔ su wu-man.

Ezekiɛl 36:36

Mɛn nga be ´ka amun wun lɛ'n, be ´si kɛ min Anannganman m'an kplan mɛn ng'ɔ sacili'n i uflɛ ekun nan m'an ta lika ng'ɔ kali ngbɛn'n nun waka. Min Anannganman yɛ m'an kan sɔ-ɔ, san n ´yo i sɔ sa'n.»

Ndɛ Nga Nyanmiɛn I Nuan Ijɔfuɛ Oze Kannin'n 11:7

Gblɛ kpɛlɛ'n yɛ min sran'm be fa cici bé ti-ɔ, be flɛ be kɛ be jaso, sanngɛ ngbɛn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 2:19

N ´yo man Baal nin amuɛn kun nga mun be dunman'n ´mlin i nuan nun. Bé wla ´fi be dunman'm be su mlɔnmlɔnmlɔn.

Ndɛ Nga Nyanmiɛn I Nuan Ijɔfuɛ Oze Kannin'n 6:1

Kpɛkuun amun ´se kɛ: «Yoo! Amun man e wɔ, e `sa e sin Anannganman wun lɔ. I yɛ ɔ boli ye kannin nin-ɔn, sanngɛ i bɔbɔ kunngba'n yɛ ɔ wa fua yɛ ɔ ´wu-ɔ. I yɛ ɔ boli ye fɛ-ɔ, sanngɛ i bɔbɔ kunngba'n yɛ ɔ wa cici su-ɔ.

Sofoni 3:17

Anannganman amun Nyanmiɛn'n jin amun sin. Ɔ lɛ wunmiɛn, ɔ ´yo man amun ´kwla. I klun ti jɔwa dan amun wun, klolɛ b'ɔ klo amun'n ti, amun ´sin amun osu laa'n nun. Amun dunman nun ɔ ´bo sro, ɔ ´si able

Kalɛ 25:11

«Eleazar i wa Fine b'ɔ ti Nyanmiɛn nyrun jranfuɛ'n b'ɔ ti Aarɔn i osu'n nunfuɛ'n, i dunman nun ti min ya nga n fɛli Izraɛlfuɛ'm bé wun ɔ'a wie. Ɔ kplili mín ti amun afiɛn. I sɔ'n ti yɛ man m'an nunnun-man Izraɛlfuɛ mun kɛ n fali ya nin-ɔn.

Kalɛ 25:4

Anannganman seli Moiz kɛ: «Tra Izraɛl kpɛnngbɛn nga be o Izraɛlfuɛ'm bé su'n be kwlaa, man be kpɛ bé nyin wia'n su lɔ, yɛ man be bo be kɔmin min nyrun. Kɛ ɔ ko yo sɔ liɛ'n, n ´gua min ya dan nga n fɛli amún wun'n i ase.»

Rɔmfuɛ Mun 3:24

Sanngɛ Nyanmiɛn bu be sran kpa ɔ de-man be like fi i klun-ufue dan'n ti. Ɔ buli be sran kpa Krist-Jésus i delɛ b'ɔ deli be'n ti.

Efɛzfuɛ Mun 1:6

nan y'a bo i dunman ye dan b'ɔ fɛli i anwlɛn su Ba'n yoli ye'n ti.

2 Timote 1:9

Ɔ deli ye, ɔ flɛli ye kɛ e yo i sran, nán kɛ e yoli sa kpa ti yɛ ɔ flɛli ye-ɔ, sanngɛ é wun akunndan bɔ i bɔbɔ dun mmua buli'n, nin ye bɔ i waan Krist-Jésus ti ɔ ´yo ye'n ti-ɔ.

Tite 3:4

Sanngɛ kɛ e Defuɛ Nyanmiɛn yili i kpa yolɛ'n nin sran'm be klolɛ'n i nglo'n,