Ndɛ Nga Nyanmiɛn I Nuan Ijɔfuɛ Oze Kannin'n 14:3 - NYANMIƐN NDƐ'N 1998

³ An `sa amun sin bla Anannganman'n i wun. An `se i kɛ yoo: «Yaci é sa tɛ'm be kwlaa cɛ ye, manmanlɛ nga e manman wɔ'n, man ɔ yo wɔ fɛ! Nán yi ɔ́ nyin é wun, tɛ nga e ko yi e ko man wɔ'n, yɛlɛ wɔ ayɛ yilɛ nga e ´yi i yɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 14:3 ပူးပေါင်းရင်းမြစ်များ

2 Be Nyoliɛ 16:7

I blɛ sɔ nun'n, Anani b'ɔ ti jeliwafuɛ'n ko toli Aza b'ɔ ti Zida famiɛn'n, ɔ seli i kɛ: «Kɛ bɔ w'a kisa-man Anannganman ɔ Nyanmiɛn'n su'n, bɔ Siri famiɛn'n su yɛ a kisali'n, i ti Siri alɛ kunfuɛ'm be su tran-man ɔ sielɛ'n bo kun.

Jue Mun 10:14

A wun nyrɛnnɛnfuɛ'm be afɛ'n nin be nyrɛnnɛn'n. A yaci-man be nga afɛ nin nyrɛnnɛn'n wo bé su'n be lika nianlɛ. Ɔ su yɛ nyrɛnnɛnfuɛ'm be kisa-a. Wɔ yɛ a uka aika mun-ɔn.

Jue Mun 146:3

Nán an fa amún wla guɛ i sran dandan'm bé su. Nán amun fa be wla gua klɔ sran su. Be de be wiengu-ɔ ɔ yo-man ye.

Jue Mun 146:9

Anannganman nian aofuɛ'm bé su. Ɔ nian aika nin angboti bla'm be lika. Sanngɛ klunwifuɛ'm be like liɛ nga be sunnzun kɛ be ´yo'n, ɔ saci.

Jue Mun 33:17

Nnɛn kpanngɔ'n ɔ uka sran ngbɛn, nán fanngan dan b'ɔ wo i nun'n ti yɛ man be fite nun-ɔn.

Jue Mun 68:5

An `to jue manman Nyanmiɛn, amun `bo flɛ i! Amun `trɛ atin'n nun be `man sran b'ɔ fa nyanmiɛn ble'n yo i nnɛn kpanngɔ fu su'n. Ɔ suan Anannganman. Amun `tu kpɛn si able i nyrun.

Ezai 1:29

Waka dandan bɔ amun klo be sɔlɛ'n, amún sa sin wa bubu amun be ti. Amuɛn bo bɔ amun kpɛ be'n, nyannzuɛn wa kun amun be dunman nun.

Ezai 2:20

I cɛn sɔ nun'n, sran'm be amuɛn mun bɔ be fa jɛtɛ ufue yoli be kɛ be ´koto bé bo'n, ɔ nin be amuɛn mun bɔ be fa sika ɔkwlɛ yoli be kɛ be ´koto be bo'n, be ´to be gua gbekle nin akpannin'm be bo.

Ezai 27:9

Sanngɛ siɛn'n, wafa nga be ´yaci Izraɛlfuɛ'm bé wun sa'n cɛ be'n, yɛ wafa nga be ´nunnun bé sa tɛ'n su'n yɛ: be wa bubu sraka yiwlɛ lika'm be yɛbuɛ'm be nun, be ´nunkun be kɛ like pɔpɔ wie sa, be ´yo kɛ ndutre sa. Be su taka-man yɛbuɛ nga be sɔ be'n kun, be su kplan-man sraka yiwlɛ nga be yra ansans su'n mun kun.

Ezai 30:16

Amun waan: ‹E kplin-man su, e ´fu e nnɛn kpanngɔ'm be su e ´wanndi e kɔ.› Ɔ ´yo sɔ bɔ le, sanngɛ amun su kɔ-man sa ngbɛn, san be ´fuan amun yɛ amun ´wanndi kɔ-ɔ. Amun waan: ‹E ´fu e nnɛn kpanngɔ nga bé ja nun yo mmlɛ'n be su yɛ e ´kɔ-ɔ.› Ɔ ti sɔ, sanngɛ be bɔ be ´fuan amun'n, be wa kwla wanndi tra amun.

Ezai 30:2

Kɛ amun ´kɔ Ezipt'n, amu'an kale-man min. Ezipt famiɛn'n yɛ amun ko talo i-ɔ. Eziptfuɛ mun yɛ amun waan be `nian amun su-ɔ.

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 31:3

Eziptfuɛ'm be ti sran, nán Nyanmiɛn yɛlɛ be. Be nnɛn kpanngɔ'm be ti nnɛn, be lɛ-man wawɛ. Sɛ Anannganman mɛn i sa'n su'n, be nga be bali sran ukalɛ'n be ´tɔ, yɛ be nga bɔ be ti yɛ be bali'n be kusu be ´fin ase. Kpɛkuun be bue nnyɔn'm be ´wu.

Ezai 36:8

Nan yoo! Asiri famiɛn'n b'ɔ ti min min'n, i waan amun `kpɛkpɛ: sɛ wɔ yɛ a fali atin klanman'n, ɔ ´fa nnɛn kpanngɔ akpi nnyɔn (2.000) ´man wɔ sɛ a kwla nyan sran fu be su o.

Zeremi 49:11

‹Nán amun koko, amun aika mma'm be ti. M bɔbɔ min n ´nian be lika. Man amun angboti bla'm be lafi min su.› »

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Ezekiɛl 37:23

Be su sɔ-man amuɛn kun nan b'a yo fiɛn. Be su yo-man be tete sa mun kun be su fa-man sran kunlɛ'n be tra-man nun kun nan b'a yo fiɛn. Kan kwlaa nga be tran lɛ'n, n ´wunnzin be saun, sa tɛtɛ kwlaa nga be yoli'n ɔ ´wie. Be ´yo min nvle, yɛ n kusu n ´yo be Nyanmiɛn.

Ndɛ Nga Nyanmiɛn I Nuan Ijɔfuɛ Oze Kannin'n 12:1

Anannganman'n wan yoo: «Efraimfuɛ'm be fa be ato'n sin yia min pɛ! Izraɛlfuɛ'm be fa lakalɛ'n sin yia min. Zidafuɛ'm be yɛ be nin min tɛ nanti-ɔ, yɛ be fa bé wun mantan min bɔ n ti Nyanmiɛn bɔ min nzuɛn nin klɔ sran liɛ'n ti-man kun nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 13:2

Sran sɔ'm be tɛ yo sa tɛ'n be tɛ kɔ be nyrun, be fa jɛtɛ ufue be klo i kaci amuɛn. Be kpɛ bé ti nun yɛ be yi amuɛn sɔ mun-ɔn, i sɔ amuɛn liɛ'n be kwlaa be ti ajuin difuɛ kun sa nuan like. Sanngɛ kpɛkuun be ko se kɛ yoo: «Man be yi tɛ be man be.» ?Kɛ sran'm be tɔ nannin nun liɛ'n, amu'an wun i sɔ'n wie le?

Ndɛ Nga Nyanmiɛn I Nuan Ijɔfuɛ Oze Kannin'n 14:8

Be nga be ti min liɛ'n, sɛ n ´kwla se'n be wa tran min fɔnvɔ'n bo, be wa lua ble mma, be ´nyin kɛ vinyi sa, be dunman'n ´fu kɛ Liban nzan'n sa.

Ndɛ Nga Nyanmiɛn I Nuan Ijɔfuɛ Oze Kannin'n 2:17

Kpɛkuun n ´fɛ i vinyi fie mun `mɛn i ekun. N ´yo man Nyrɛnnɛn kongo'n ´kaci i wla ase gualɛ lika. Ɔ wa to jue su min su kɛ i talua nun'n sa. Ɔ ´su min su kɛ blɛ ng'ɔ fin Ezipt ´ba-a, ɔ fa suli min su'n sa .»

Ndɛ Nga Nyanmiɛn I Nuan Ijɔfuɛ Oze Kannin'n 4:12

Waka sran'n yɛ be ko usɛ i sa-a. Waka losin'n yɛ ɔ ko ijɔ kle be-ɔ. Tekle silɛ'n mlinnin be. Afin be wlaka bolɛ sɔ'n ti be nin min ye afiɛn'n tili nun.

Ndɛ Nga Nyanmiɛn I Nuan Ijɔfuɛ Oze Kannin'n 5:13

Efraimfuɛ'm be wunnin be tukpacɛ'n, Zidafuɛ'm be kusu be wunnin bé wun kannin dan'n. Ɔ man Efraimfuɛ'm be nuan toli Asirifuɛ mun. Be sunmannin sran famiɛn dan'n i wun lɔ. Sanngɛ Efraimfuɛ mun famiɛn sɔ'n su kwla yo-man man amun jaso-man, ɔ su kwla yo-man amún kannin'n i ayre.

Ndɛ Nga Nyanmiɛn I Nuan Ijɔfuɛ Oze Kannin'n 7:11

Efraimfuɛ'm be ti kɛ auble wie mun bɔ be si-man ngwlɛlɛ bɔ akunndan nun-man bé ti nun'n sa. Be kpan flɛli Eziptfuɛ mun, kpɛkuun b'a sin b'a ɔ Asiri.

Ndɛ Nga Nyanmiɛn I Nuan Ijɔfuɛ Oze Kannin'n 8:6

Nannin ba ng'ɔ o lɛ'n, amun bɔbɔ yɛ amun kpɛli i ba-a, ajuin difuɛ'n yɛ ɔ yili-ɔ, ɔ kwla nian-man sran su. I sɔ'n ti Samarifuɛ'm be nannin ba bɔ be fa sika ɔkwlɛ be yoli'n, n wa fufu nun.

Ndɛ Nga Nyanmiɛn I Nuan Ijɔfuɛ Oze Kannin'n 8:9

Afin be bɔbɔ be ɔli Asiri. Be ti be liɛ kɛ blo aflunmun bɔ i ngunmin sin i sinlɛ bo nun'n sa. Efraimfuɛ'm be ti kɛ bla bɔ i bɔbɔ yi sika yɛ ɔ fa kunndɛ bian mun sin'n be sa.

Zonas 2:10

N liɛ'n kɛ n ´to ɔ manmanlɛ jue'n, wuun n ´yi sraka m ´man wɔ. Yɛ ndɛ nga n kannin'n, n wa yiɛ i nuan. Nanwlɛ, delɛ'n fin Anannganman'n.»

Zakari 13:2

«I sɔ blɛ nun'n, n ´yo man amuɛn'm be dunman'n ´nunnun mɛn'n nun, ɔ man be su bo-man be dunman be di-man jɔlɛ kun. Be nga be tɔn bé wun suɛn kɛ be ti min nuan ijɔfuɛ'n, n ´nunnun be. Kpɛkuun amuɛn'm be akunndan bulɛ'n, n ´yi i sran'm bé ti nun.» Anannganman b'ɔ sie mɛn wunmuan'n yɛ ɔ kan sɔ-ɔ.

Jean 14:18

N yaci-man amun aika, m ´ba amún wun wa ekun.

Mmla'n 17:16

Sanngɛ nán man ɔ nyan nnɛn kpanngɔ kpanngban, nán ɔ sunman sran Ezipt lɔ kɛ be ko to wie nan ɔ nyan wie kpanngban. Anannganman seli amun kɛ nán amun sa amún sin be ɔ Ezipt lɔ kun.