Ndɛ Nga Nyanmiɛn I Nuan Ijɔfuɛ Oze Kannin'n 14:2 - NYANMIƐN NDƐ'N 1998

² Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

Ndɛ Nga Nyanmiɛn I Nuan Ijɔfuɛ Oze Kannin'n 14:2 ပူးပေါင်းရင်းမြစ်များ

2 Samiɛl 12:13

Yɛ David seli Natan kɛ: «N yoli sa tɛ Anannganman wun.» Natan tɛli David su kɛ: «Anannganman ɔ'a yaci ɔ sa sɔ'n ɔ'a cɛ wɔ . A su wu-man,

2 Samiɛl 24:10

Kɛ be kali sran mun wieli'n, srɛ kunnin David, yɛ ɔ seli Anannganman kɛ: «Sa nga n yoli'n, sa tɛ dan yɛ n yoli-ɔ. Anannganman, yaci mín wun sa'n cɛ min. N yoli sinnzin.»

Zɔb I Nyrɛnnɛn Wunlɛ 7:21

?Ɔ yo sɛ ti yɛ a yaci-man min wun sa'n cɛ-man min-ɔn? ?Ɔ yo sɛ ti yɛ ɔ́ wla fi-man min fɔnlɛ'n su-ɔ? Min yɛ m'an wie wu yɛ n la ndutre'n nun yɛ. Kɛ a wa ba min kunndɛlɛ'n, a su wun-man min kun.

Jue Mun 119:108

Ee Anannganman, srɛlɛ nga n srɛ wɔ'n, bu i kɛ tɛ yɛ n su yi man wɔ sa, sɔ nun. Sa nga ɔ waan a ´fa be kle min'n, kan be kle min.

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.

Jue Mun 51:16

Ee Nyanmiɛn, Nyanmiɛn, wɔ yɛ a ti min defuɛ nin-ɔn! De min wie'n i nuan nun. Man m bo delɛ bɔ a deli min'n i jɔ n sin.

Jue Mun 51:17

Min Min, uke mín nuan'n man m manman wɔ.

Ezai 44:22

N nunnunnin amún sa tɛtɛ mun kɛ nyanmiɛn ble'n b'ɔ wie fiakaa'n sa. N nunnunnin amún tɛ mun kɛ lika b'ɔ mlan kpɛkuun ɔ titi weiin'n sa. Amun `sa amun sin m bɔ n ti amun Min'n min wun wa, afin n kpɔli amun ti.

Ezai 6:7

Ɔ fa kannin mín nuan'n yɛ ɔ seli kɛ: «Nga ɔ'a kan ɔ́ nuan bui mun, ɔ́ sa tɛ'n ɔ'a wie, b'a yaci ɔ fɔnlɛ mun b'a cɛ wɔ.»

Zeremi 3:12

Ɔ man `bo ndɛ ng'ɔ o yɛ'n i ndolo mɛn'n i nglo lɔ lika'n nun se kɛ: ‹Anannganman'n wan yoo: Izraɛl b'ɔ ti kɛ bian safuɛ sa'n, sa ɔ sin bla. N ti aunnvuɛ sifuɛ, n su fa-man ɔ́ wun ya tantrantan kun. Ɔ wun sa su tran-man min klun titi kun.

Ndɛ Nga Nyanmiɛn I Nuan Ijɔfuɛ Oze Kannin'n 12:7

‹Sa ɔ sin bla min sin. Yo sa kpa, yo sran ndɛnman sufuɛ. Nán yaci min b'ɔ n ti ɔ Nyanmiɛn'n min su lafilɛ.›

Ndɛ Nga Nyanmiɛn I Nuan Ijɔfuɛ Oze Kannin'n 5:5

Efraimfuɛ'm bé wun tulɛ'n ɔ'a saci bé wun. Izraɛlfuɛ mun nin Efraimfuɛ'm be sa tɛ bɔ be yoli'n ti be su wa tɔ. Zidafuɛ'm be nin be yɛ be ´tɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 6:6

Afin n klo aunnvuɛ nga be si sran'n tra tɛ nga be yi be man min'n. Kɛ be si kɛ n ti Nyanmiɛn'n, ɔ jɔ min klun tra tɛ nga be yi-ɔ be yrɛ i nnɛn'n kɔlikɔli'n .»

Zoɛl 2:17

Man Nyanmiɛn nyrun jranfuɛ'm bɔ be jrɛn i nyrun'n, be sun i sua'n i nyrun gbaun'n nin i sɔwlɛ'n be afiɛn'n nun lɛ. Man be srɛ Nyanmiɛn se kɛ: «Anannganman, ɔ sran mun yɛlɛ ye, si e aunnvuɛ. Ɔ liɛ yɛlɛ ye, nán yo man e wun nyannzuɛn nan nvle kun'm be nunfuɛ'm be srisri e be se kɛ: ‹?Ai, be Nyanmiɛn liɛ kpa'n, ɔ o nin?› »

Zonas 2:9

Sran nga amuɛn bɔ be bɔn-man like'n yɛ be sɔ be'n, be bɔbɔ man a kwla si-man be aunnvuɛ.

Zakari 3:4

Yɛ anz'n seli sran nga be nin i be o lɛ'n be kɛ: «An `yi i wun tralɛ fiɛn'n.» Kɛ ɔ yoli sɔ'n, kpɛkuun ɔ seli Zozie kɛ yoo: «Nian, m'an nunnun ɔ sa tɛ'n, n su wa wla wɔ cɛn dilɛ tralɛ.»

Matthieu 7:11

Sɛ amun bɔ an ti sran tɛ'n, an fa like kpa cɛ amun mma mun'n, amun Si b'ɔ o nyanmiɛn su lɔ'n i kusu ɔ ´fa like kpa man be nga be srɛ i'n kpɛ blu.

JÉSUS-CHRIST I DYASIN FE'N BO LUC KLELI'N 11:13

Sɛ amun bɔ an ti sran tɛ'n, an fa like kpa cɛ amun mma mun'n, wuun e Si b'ɔ o Nyanmiɛn su lɔ'n kusu, ɔ ´fɛ i Wawɛ'n man be nga be srɛ i'n kpɛ blu.»

JÉSUS-CHRIST I DYASIN FE'N BO LUC KLELI'N 18:13

Gua bo sika defuɛ'n jrannin mmua lɔ, ɔ'a kwla mɛn-mɛn i ti'n su bɔbɔ, sanngɛ ɔ fɛ i sa'n finnin i wue nun, yɛ ɔ seli kɛ: ‹Ee Nyanmiɛn, yaci, n ti sa tɛ yofuɛ, si min aunnvuɛ.›

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Rɔmfuɛ Mun 11:27

Amun nian aenguɛ nga e nin be e wa tra cɛn nga n ´yaci sa nga be yoli min'n n ´cɛ be'n yɛ .»

2 Timote 1:9

Ɔ deli ye, ɔ flɛli ye kɛ e yo i sran, nán kɛ e yoli sa kpa ti yɛ ɔ flɛli ye-ɔ, sanngɛ é wun akunndan bɔ i bɔbɔ dun mmua buli'n, nin ye bɔ i waan Krist-Jésus ti ɔ ´yo ye'n ti-ɔ.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 10:4

Afin nannin tola'n nin boli kpakpuɛ'm be mmoja'n ɔ kwla wie-man bé wun sa'n.

Hébreu 13:15

I sɔ'n ti, man manmanlɛ nga e manman Nyanmiɛn titi'n ɔ yo kɛ asenna like bɔ e fa man Jésus kɛ ɔ fa mɛn i'n sa. Kɛ e ´yo sɔ'n e bo i dunman .

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

1 Jean 1:7

Sɛ sa nga e yo'n e yo i weinwein kɛ i bɔbɔ yo sa weinwein sa'n, e nin amun di anuansɛ, yɛ i Wa Jésus i mmoja'n man é wun sa tɛ kwlaa ´wie.

1 Jean 3:5

Afin an si kɛ Krist bali sa tɛ'n i nuan nnya bulɛ, yɛ sa tɛ kaan sa bɔn-mɛn i wun.