Ndɛ Nga Nyanmiɛn I Nuan Ijɔfuɛ Oze Kannin'n 13:7 - NYANMIƐN NDƐ'N 1998

⁷ I sɔ'n ti yɛ amun wla fili min-ɔn. Ɔ man n kusu m'an kaci kɛ asɔmɔli sa, m'an kaci kɛ kangale sa, n sa atin'n nun yɛ m minndɛ amun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 13:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 10:16

Sɛ m man min ti'n su kaan sa'n, wuun a su min su, a fuan min kɛ asɔmɔli su fuan like wie sa. Kpɛkuun a fa sa uflɛ mun yi min su ekun.

Ezai 42:13

Anannganman ba kɛ safunyrɛn sa, ɔ siesie i wun kɛ alɛ kunfuɛ b'ɔ su ko kun alɛ'n sa. Ɔ bo sro, ɔ kpan, ɔ kwlɛ i kpɔfuɛ mun.

Zeremi 25:38

Ɔ'a yi i sa i nvle'n su kɛ asɔmɔli ɔ'a tu i mma'm be sin sa. Nyrɛnnɛn b'ɔ alɛ'n fa ba n ti'n, yɛ Anannganman'n i ya dan'n ti'n, be mɛn'n ɔ'a wie nunnun.

Zeremi 5:6

I sɔ'n ti yɛ asɔmɔli'm be fin bo nun lɔ bɔ be fa be nyin wɔ be nin-ɔn. I sɔ'n ti yɛ blo alua mun bɔ be o lika kpɛtɛkplɛɛ'm be nun'n, be titi be nun nin-ɔn. I sɔ'n ti yɛ kangale'n bu sa be klɔ'm be sin ɔ titi be kwlaa nga be fin lɔ fite'n be nun nin-ɔn. Kannzu bé nyin kekle aeliɛ b'ɔ sɔnnin sa'n ti-ɔ. Be nyin kekle beblebe sa'n ti-ɔ.

Ngwlɛ Yilɛ 3:10

Ɔ bu sa min nyrun kɛ nnɛn sroesroe nga be flɛ urs'n sa. Ɔ fia susrɛ nun kɛ asɔmɔli sa.

Ndɛ Nga Nyanmiɛn I Nuan Ijɔfuɛ Oze Kannin'n 5:14

Afin m bɔbɔ min n ´kaci kɛ asɔmɔli sa Efraimfuɛ'm bé wun, n ´kaci kɛ asɔmɔli bɔ ɔ'a kpɛ cro'n sa Zidafuɛ'm bé wun, n ´titi be nun kpɛkuun n su kɔ min nyrun. Kɛ n ´kɔ'n, n ´fa be m ´bo min je nun n ´kɔ, sran fi sa su kwla-man be mín nuan nun de.

Amɔs 1:2

Amɔs wan yoo: «Anannganman'n wo Zerizalɛm lɔ ɔ kpan kɛ asɔmɔli sa. Ɔ o Siɔn lɔ, be ti i ngan. Kɛ ɔ ko yo sɔ'n, nnɛn'm be didiwlɛ'n nun ti nyrɛnnɛn ngbɛn. Karmɛl oka'n su lɔ ninnge'm be kwlaa be ´wu kee !»

Amɔs 3:4

?Kɛ asɔmɔli'n wo bo nun lɔ'n, sɛ ɔ'a tra-man nnɛn wie'n, be ti i kpanlɛ? ?Kɛ asɔmɔli bɔ ɔ'a kpɛ cro'n ɔ wo i lawlɛ nun lɔ'n, sɛ ɔ'a tra-man like'n, ɔ kpan?

Amɔs 3:8

?Kɛ asɔmɔli kun tian sa'n, wan yɛ ɔ se kɛ ɔ bo-man bli-ɔ? ?Sɛ Anannganman Nyanmiɛn'n fa ndɛ wlɛ i sran kun nuan'n, ɔ lɛ atin se kɛ ɔ kan-man?

Sa nglô yile 13:2

Nnɛn sɔ'n bɔ n wunnin i'n, ɔ fa kangale, i ja'n fa nnɛn nga be flɛ i urs'n i liɛ'n, i nuan'n fa asɔmɔli'm be liɛ'n. Dragɔn'n tinnin i, ɔ fɛli i bia'n nin i kwlalɛ dan'n mɛnnin i.