Ndɛ Nga Nyanmiɛn I Nuan Ijɔfuɛ Oze Kannin'n 13:3 - NYANMIƐN NDƐ'N 1998

³ I sɔ'n ti'n be wa sin kɛ nglɛmun nun nyanmiɛn ble bɔ be wun i kan kpɛkuun ɔ'a titi'n sa. Be wa wie kɛ nyansue b'ɔ wie kpɛ kunngba'n sa. Be wa yo kɛ ble wla bɔ aunngban'n fitɛ i kɔ kple nga be bo ble'n su i wun mmua'n sa. Be wa yo kɛ sin wɛnsrɛn b'ɔ fin sua ti nun fite'n sa.

Ndɛ Nga Nyanmiɛn I Nuan Ijɔfuɛ Oze Kannin'n 13:3 ပူးပေါင်းရင်းမြစ်များ

Zɔb I Nyrɛnnɛn Wunlɛ 21:18

?A wun i kɛ be ti kɛ ijre mma bɔ aunngban'n fitɛ i kɔ'n sa? ?Be ti kɛ ndutre bɔ seke'n fitɛ i kɔ'n sa?

Zɔb I Nyrɛnnɛn Wunlɛ 30:15

Sa nga be yo sro'n b'a tu bé nyin b'a wɔ min. Min nyrun bɔ n lɛ i'n, ɔ'a sin kɛ aunngban wie yɛ ɔ'a fitɛ i ɔ'a ɔ sa. Ye nga n dili'n, ɔ'a sin kɛ nyanmiɛn ble'n sa.

Jue Mun 1:4

Klunwifuɛ'm be liɛ'n, ɔ ti-man sɔ mlɔnmlɔn. Be ti kɛ ijre bɔ aunngban'n fitɛ i kɔ'n sa.

Jue Mun 68:2

Man Nyanmiɛn mɛn i wun su nan i kpɔfuɛ'm be bo be sanndi. Man be nga be klo-mɛn i sa'n be wanndi i nyrun.

Ezai 17:13

Sran kaka sɔ'n be nganniɛn'n ɔ klu kɛ nzue dan wie yɛ ɔ su bo sa. Anannganman wlanwlan be, yɛ be wanndi kɔ mmua. Be kɔ kɛ oka'm be su lɔ ijre'n bɔ aunngban'n ɔ fita be kɔ'n sa. Be kɔ kɛ ndutre bɔ seke'n ɔ fa kɔ'n sa.

Daniɛl 2:35

Kɛ ɔ yoli sɔ'n, i blalɛ o i aaba o, i jɛtɛ ufue o, i sika ɔkwlɛ o, be kwlaa be fufuli kpɛ kunngba, be kacili ndutre. Aunngban'n mannin be su kɛ ɔ fa man ble ja'n su sa, ɔ fitali be ɔli, b'a wun-man be osu mlɔnmlɔn kun. Sanngɛ yɛbuɛ b'ɔ wa finnin like ng'ɔ ti kɛ waka sran sa'n, ɔ kacili oka dan kpa kun, yɛ ɔ dili asiɛ wunmuan'n .

Ndɛ Nga Nyanmiɛn I Nuan Ijɔfuɛ Oze Kannin'n 6:4

Sanngɛ Anannganman ´tɛ amun su kɛ yoo: «?Efraimfuɛ mun, nguɛ li bɔ cɛ yɛ amun waan n yo m man amun-ɔn? ?Zidafuɛ mun kusu, amun waan n yo amun sɛ? Amun Nyanmiɛn klolɛ'n ti kɛ nyanmiɛn ble bɔ be wun i nglɛmun nun'n sa, ɔ ti kɛ nglɛmun nyansue sa, be wielɛ yo-man ya.

Sofoni 2:2

kɛ ɔ ko yo nan Anannganman i ya cɛn dan'n ju-ɔ, amu'an bo-man b'a sanndi-man le kunngba kɛ awie wla sa, nan Anannganman ɔ'a fɛ-mɛn i ya dan'n ɔ'a gua-man amun su'n ti.

Zakari 8:12

N ´yo man sran'm bé wun ´tɔ be fɔuun. Vinyi'm be ´su, fie'm be ´yo kpa, nzue'n ´tɔ. Nɛnnɛn nga n ´fa di Izraɛlfuɛ nga be kali'n, yɛ ɔ o lɛ-ɔ.