Ndɛ Nga Nyanmiɛn I Nuan Ijɔfuɛ Oze Kannin'n 13:15 - NYANMIƐN NDƐ'N 1998

¹⁵ Efraimfuɛ'm b'a yo kpa be lika'n nun lɛ, sanngɛ aunngban klakla'n kusu i ja o atin nun ɔ su ba, Anannganman yo man aunngban sɔ'n ɔ fin aawlɛ flɛnnɛn'n nun lɔ yɛ ɔ ba-a. Ɔ man be nzue ti'n ɔ wu kee, ɔ man be nzue gbo'n ɔ ´wie nun. Be kpɔfuɛ'm be wa fɛn be trɔ'n nun ninnge kpakpa mun weiin.»

Ndɛ Nga Nyanmiɛn I Nuan Ijɔfuɛ Oze Kannin'n 13:15 ပူးပေါင်းရင်းမြစ်များ

Bo Bolɛ 41:23

I sin, ble ja kunngba'n wlɔli nso ekun. Ble mma kasiɛn'm be ti be liɛ tɛtɛ feklefekle sa. Wia afiliɛ lɔ aunngban klakla'n b'ɔ ´fita man be kpeseli.

Bo Bolɛ 41:52

Yɛ ɔ flɛli i sinma'n kɛ Efraim. I waan: «Nyanmiɛn man m'an nyan ba mɛn nga m'an wun nyrɛnnɛn nun yɛ'n i nun.»

Bo Bolɛ 41:6

Ɔ ´nian-an, ble ja kunngba ɔ'a wlɔ dandan nglanman-nglanman sɔ nso. Kpɛkuun ɔ wlɔli kainkain nso, wia afiliɛ lɔ aunngban klakla'n b'ɔ ´fita'n ɔ man ble mma kasiɛn sɔ'm be kpeseli.

Bo Bolɛ 48:19

Sanngɛ i si ɔ'a di-man su. I waan: «N si sɔ mín wa, n si sɔ. Manase i osu liɛ'n ɔ ´trɛ wie, ɔ ´yo sran dan, sanngɛ i sinma'n ɔ ´yo sran dan trɛ i. I osu'n ɔ ´trɛ dan kpa.»

Bo Bolɛ 49:22

Zozɛf ti kɛ waka b'ɔ su mma'n sa. Ɔ ti kɛ waka b'ɔ fifi nzue ti'n nuan sa. I sama'm be fu lele tra talɛ'n su.

Zɔb I Nyrɛnnɛn Wunlɛ 18:16

Ɔ ´yo kɛ waka bɔ i bo olui'n nin i sama'm b'a wu'n sa.

Jue Mun 1:4

Klunwifuɛ'm be liɛ'n, ɔ ti-man sɔ mlɔnmlɔn. Be ti kɛ ijre bɔ aunngban'n fitɛ i kɔ'n sa.

Jue Mun 109:13

Man i osu'n nunfuɛ'm be nunnun. Man i dunman liɛ'n ɔ mlin akpasua nga be wa jaso su klikli'n be afiɛn.

Ezai 14:21

Amun `bu ba'm be kunlɛ akunndan bé si bɔ be kunnin sran mun'n be ti. Amun `yo i sɔ, kɛ ɔ ´yo nan b'a man-man bé wun su kun, nan b'a fa-man asiɛ'n nan b'a kplan-man klɔ mun i lika kwlaa'n ti.

Ezai 17:13

Sran kaka sɔ'n be nganniɛn'n ɔ klu kɛ nzue dan wie yɛ ɔ su bo sa. Anannganman wlanwlan be, yɛ be wanndi kɔ mmua. Be kɔ kɛ oka'm be su lɔ ijre'n bɔ aunngban'n ɔ fita be kɔ'n sa. Be kɔ kɛ ndutre bɔ seke'n ɔ fa kɔ'n sa.

Ezai 27:8

Cɛcɛ, ɔ yoli man be bo sanndili, be trali be lomuɛn ɔli mɛn uflɛ nun. Ɔ yo kɛ wia afiliɛ lɔ aunngban b'ɔ yo sro'n, b'ɔ fita like mun kɔ'n sa.

Ezai 41:16

sɛ n ´kwla se'n, amun wa kpaja be nun kɛ awie sa, seke kun wa sanndi-sanndi be nun, yɛ aunngban'n ´fa be kɔ. Sanngɛ amun liɛ'n, amun klun wa jɔ Anannganman ti, amun wa fa Izraɛl Nyanmiɛn'n ´di amun nuan.

Zeremi 20:5

Klɔ nga sufuɛ'm be ninnge kpakpa'n nin be bɛtrɔ mun, nin be junman'm be nuan ninnge'm be kwlakwla, nin Zida famiɛn'm be bɛtrɔ'n, n ´fa man be kpɔfuɛ mun be ´fa yo be liɛ. Be ´fɛn be ´sua kɔ Babilɔni.

Zeremi 4:11

Kpɛkuun Anannganman'n ´se Zerizalɛmfuɛ'm be kɛ: «Aunngban klakla'n ng'ɔ fin aawlɛ flɛnnɛn'n nun ba kpɔlɛ'm be su'n, ɔ wa fita min nvle'n su. Nán aunngban kanngan ng'ɔ ´fita-a, be fa kpaja ninnge'm be nun nin-ɔn.

Zeremi 4:12

Aunngban sroesroe yɛ m'an sunmɛn i kɛ ɔ fɛ i lɔ bla-a. N wa tu be fɔ siɛn'n.»

Zeremi 51:1

Anannganman'n wan yoo: «N wa yo man aunngban kekle kpa ng'ɔ saci like'n ɔ ´fita Babilɔni mɛn'n nun. N ´fa fita Kaldefuɛ'm be su.

Zeremi 51:36

Anannganman'n kusu wan yoo: «N ´de amun ti ngondin'n n ´tu. N ´tu amun klunngbɔ'n. N wa yo man Babilɔni jenvie'n ɔ `wie nun. I nzue ti'n ´wie nun.

Ezekiɛl 17:10

?Be ta-a, ɔ ´kwla yo kpa ekun? ?Sɛ wia afiliɛ aunngban ɔ kɛn i'n, ɔ su wu-man kee? Ɔ ´wu kee kan be tɛli i lɛ b'ɔ yoli kpa lɛ'n .› »

Ezekiɛl 19:12

Sanngɛ be tuli i bo ya su, be yili i ase. Yɛ aunngban'n b'ɔ fin wia afiliɛ lɔ'n yoli man i mma'm be wuli kee. I sama dandan sɔ'm be bubuli, be wuli kee, sin dili be.

Daniɛl 11:8

Yɛ be amuɛn mun nin be ninnge kpakpa bɔ be ti sika ɔkwlɛ nin jɛtɛ ufue ninnge'n, ɔ ´fa be kɔ Ezipt. I sin ɔ wa cuɛn i wun afuɛ kaka Siri famiɛn'n i wun mmua.

Ndɛ Nga Nyanmiɛn I Nuan Ijɔfuɛ Oze Kannin'n 10:1

Laa, Izraɛl ti kɛ vinyi fie bɔ ɔ'a bua bɔ ɔ'a su kaka klanman'n sa. Sanngɛ kɛ ɔ ´su mma kpanngban ´kɔ i nyrun'n, wuun i sraka yiwlɛ'm be kusu be ´sɔn be liɛ. Kɛ mɛn'n ´yo klanman ´kɔ i nyrun'n, wuun blɛ li yɛ b'a se kɛ ɔ taka yɛbuɛ nga be sɔ be mun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 2:3

Anannganman'n dunman nun amun `flɛ amun niaan yasua'm be kɛ: «Min sran mun» Yɛ amun `flɛ amun niaan mmla'm be kɛ: «Nsi-be-aunnvuɛ».

Ndɛ Nga Nyanmiɛn I Nuan Ijɔfuɛ Oze Kannin'n 4:19

Aunngban dan'n ´kata be su kplu! Kpɛkuun be ´wun bé tɛ bɔ be yili'n su nyannzuɛn.

Ndɛ Nga Nyanmiɛn I Nuan Ijɔfuɛ Oze Kannin'n 9:11

Efraimfuɛ'm be nyrun bɔ be lɛ i'n ɔ wa tu kɛ anunman fa tu'n sa: be su fa-man kuɛ kun, be su wunnzɛ-man kun, be su wu-man ba kun.

Zonas 4:8

Wia'n fili, Anannganman man aunngban wie fitali. Aunngban sɔ'n fin wia afiliɛ lɔ, i sɔ'n ti ɔ lo kɛ sin sa. Wia sɔ'n boli Zonas kekle kpa. Ɔ ka kaan nan i nyrun ɔ'a ´blu. Yɛ Zonas waan: «Kɛ n ko tran nguan nun'n, ɔ flunman kɛ n `wu!»

Naɔm 2:9

Niniv ti kɛ sɛ wie bɔ ɔ'a yi bɔ i nun nzue'n kwlaa su wie utu'n sa. Klɔ'n sufuɛ'm be lɛ wanndilɛ, be kpan flɛ be kɛ: «Amun `jran! Amun `jran!» Sanngɛ be liɛ nga be si i'n yɛlɛ wanndilɛ, sran fi bli-mɛn i nyin niɛn-mɛn i sin.

Mmla'n 33:17

Zozɛf ti kpinndin-kpinndin kɛ nannin tola wie sa. Ɔ lɛ wunmiɛn kɛ awuɛ sa. I wɛ nnyɔn'n yɛ ɔ fa bo nvle mun-ɔn. Ɔ bo be kwlaa lele fa kpɛn mɛn'n i awieliɛ lɔ. I wɛ sɔ'n, kun yɛlɛ Efraim i akpasua su sran kpanngban mun. Kun kusu yɛlɛ Manase i osu nun sran kaka mun.»