Ndɛ Nga Nyanmiɛn I Nuan Ijɔfuɛ Oze Kannin'n 13:14 - NYANMIƐN NDƐ'N 1998
14 N ´de be, ɔ man be su kɔ-man blɔlɔ. N ´to bé ti wie'n i sa nun. ?Nja wie, wɔ alɛ ninnge'm be o nin? ?Nja wie, ɔ duwlɛ'n wo nin? N si-man sran aunnvuɛ .
be ´su bé bo guɛ i blɔlɔ lɔ kɛ bua mun sa, wie'n yɛ ɔ ´kankan be-ɔ. Be ´kɔ blɔlɔ lɔ trelele. Be su wun-man be osu kun, sran kpa'm be wa kwla be. Blɔlɔ lɔ yɛ be ´tran siɛn nin-ɔn. Be ´tran be sua nglanman-nglanman'm be wun mmua.
Amun fuɛ nga be wuli'n be ´sa bé sin wa ekun. Min sran nga be sinnin wie nun'n be ´cɛn. Amun nga amun o ndutre'n nun'n, amun `tinnge, man amun klun jɔ, yɛ amun `bo sro. Anannganman, ɔ bɔlɛ ufue'n ɔ ti kɛ like b'ɔ kpaja weiin'n sa, yɛ asiɛ'n ɔ man be nga be wuli'm be ´sa bé sin wa ekun.
Anannganman'n waan: «A yili min ase. A kacili ɔ sin sili min. Yɛ n kusu e nin wɔ e yiali nun-ɔn. Yɛ n nunnunnin wɔ-ɔ, afin kɛ n ko si wɔ aunnvuɛ'n yɛ n sili-ɔ.
Man sran sɔ'n yo kɛ klɔ nga Anannganman'n sacili be bɔ i waan ɔ si-man be aunnvuɛ kun'n sa. Nglɛmun'n, man ɔ ti kpankpanlɛ. Wia jran'n, man ɔ ti alɛ kpanlɛ.
Anannganman'n wan yoo: «?Wan yɛ ɔ yili wia'n kɛ ɔ `kpaja lika'n nun nin-ɔn? ?Wan yɛ ɔ sieli kɛ anglo nin nzraama'm be `ta kɔnguɛ nin-ɔn? ?Wan yɛ man jenvie nzue'n jaso b'ɔ bo nin-ɔn? Anannganman b'ɔ sie mɛn wunmuan nin-ɔn. Kɛ ɔ suan sɔ-ɔ.»
Ɔ seli min kɛ: «Klɔ sran, kan mín nuan ndɛ'n kle Wawɛ'n, kan mín nuan ndɛ'n. Se Wawɛ'n kɛ, ndɛ nga Anannganman Nyanmiɛn kan'n yɛ: ‹Wawɛ, bla aunngban bue nnan'm be nun nan fita fuɛn nga'm be su, man be nyan nguan ekun.› »
Wa nin le nnyɔn'n ɔ ´yo man e nyan nguan ekun, e ´tintin é sa ase i fanngan nun. Kpɛkuun i le nsan su'n, ɔ ´man ye su e ´yo juejue, e wa tran nguan nun i nyrun ekun .
Izraɛlfuɛ'm be tutre bɔ be di'n ɔ'a saci bé wun. Izraɛlfuɛ'm b'a sa-man bé sin min Anannganman bɔ n ti be Nyanmiɛn'n mín wun. I kwlaa sɔ nun'n b'a usa-man min osu.
Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?
?Afin sɛ be ase sielɛ kan bɔ Nyanmiɛn sieli be'n ɔ man mɛn nunfuɛ'm be nin Nyanmiɛn be afiɛn a sɛ'n, kɛ ɔ ko fa be ekun'n, ɔ ´yo sɛ? Sɛ ɔ yo i sɔ'n, be nga be wuli'n be ´nyan nguan!
Kɛ e tɛ o kpata nga bo'n, otolɛ'n kun ye, nán kɛ e wunnɛn ng'ɔ o yɛ'n e klo kɛ e kpa gua kɛ kondro sa-a, sanngɛ uflɛ yɛ e konvi o su kɛ e ´fa kla su nan anannganman nguan'n ɔ'a kaci like kwlaa ng'ɔ ti wie'n i nnɛn nin-ɔn.
Ɔ wa fa e wunnɛn b'ɔ ti-man like fi'n ɔ ´yo man ɔ ´kaci kɛ i wunnɛn b'ɔ fa ɔli lika ng'ɔ lɛ nyrun lɔ nun'n sa. I kwlalɛ b'ɔ fa sie like'n kwlaa'n yɛ ɔ ´fa kaci i-ɔ.
Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.
Be nga be wuli bɔ be o jenvie'n nun'n, ɔ yi be mannin. Be nga be o wie'n nin blɔlɔ'm bé sa nun'n, be yi be mannin. Yɛ be niannin bé sa nga be yoli'n su yɛ be fa dili be jɔli nin-ɔn.
Ɔ ´nunnun be nyinmuɛn'n kwlaa, wie'n su tran-man lɛ kun. Be su yo-man sɛ kun, be su sun-man kun, be su wun-man nyrɛnnɛn kun, afin laa ninnge sɔ'm be su tran-man lɛ kun .»
N ´nian-an, nnɛn kpanngɔ nzuɛn-nzuɛn kun yɛ. Sran ng'ɔ ti su'n, be flɛ i Wie, yɛ lika nga be flɛ i blɔlɔ'n ɔ su i su. Be bubuli asiɛ'n sufuɛ'm be nun fa nnan, be mannin be atin kɛ be kun be nun fa kun. Be fa tokofi, nin awe, nin tukpacɛ ɔ nin asiɛ'n su nnɛn nga be yo wlɛ'n yɛ be fa kun be-ɔ .