Ndɛ Nga Nyanmiɛn I Nuan Ijɔfuɛ Oze Kannin'n 13:11 - NYANMIƐN NDƐ'N 1998

¹¹ Yɛ min kusu m mannin amun famiɛn klunngbɔ su, kpɛkuun kɛ n fali min ya dan'n, n deli amun sa nun.

Ndɛ Nga Nyanmiɛn I Nuan Ijɔfuɛ Oze Kannin'n 13:11 ပူးပေါင်းရင်းမြစ်များ

Nyanndra Mun 28:2

Kɛ sannganlɛ'n ko tɔ mɛn kun nun'n, i su ngbɛn'm be sɔn. Sanngɛ sɛ mɛn sɔ'n wo kpɛnngbɛn b'ɔ si ngwlɛlɛ, b'ɔ si sa'n, i sa nun'n, ɔ taka kpa.

Ndɛ Nga Nyanmiɛn I Nuan Ijɔfuɛ Oze Kannin'n 10:3

Kpɛkuun siɛn'n be wa se kɛ: «E bɔbɔ yɛ man e lɛ-man famiɛn kun-ɔn, afin é nyin ɔ'a yi-man Anannganman. ?Siɛn'n, olɛ nga e o yɛ'n li, nguɛ li yɛ famiɛn kun kwla yo man ye-ɔ?»

Ndɛ Nga Nyanmiɛn I Nuan Ijɔfuɛ Oze Kannin'n 10:7

Samarifuɛ'm be liɛ ɔ'a wie mlɔnmlɔn. Be famiɛn'n ɔ'a wie mlin ɔ'a wie. Be ´kpalo be kɔ kɛ waka sin kan wie b'ɔ o nzue ba nyin su'n sa.

Ndɛ Nga Nyanmiɛn I Nuan Ijɔfuɛ Oze Kannin'n 3:4

Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Ndɛ Nga Nyanmiɛn I Nuan Ijɔfuɛ Oze Kannin'n 8:4

Kɛ be ´sie be famiɛn mun'n, be bo-man min dunman nun, be ´sie bé su kpɛnngbɛn mun'n, n ti-man nun. Be fa jɛtɛ ufue nin sika ɔkwlɛ yɛ be yo amuɛn mun-ɔn, i sɔ'n ti kusu yɛ be wa wie nunnun nin-ɔn.

1 Samiɛl 10:17

Samiɛl yiali Izraɛlfuɛ mun Mizpa lɔ Anannganman sua'n nun lɔ.

1 Samiɛl 10:19

I sɔ'n kpɛkuun-ɔn, ndɛ amu'an kaci amun sin amu'an si Nyanmiɛn. I b'ɔ deli amun blɛ kekle nin nyrɛnnɛn blɛ nun'n, amu'an kaci amun sin amu'an si i. Amun seli i kɛ: ‹Sie é su famiɛn kun.› Amun bla Anannganman nyrun akpasua-akpasua, i sin'n, amun `bla awlobo-awlobo.»

1 Samiɛl 12:1

Yɛ Samiɛl seli Izraɛlfuɛ'm be kɛ: «Like nga amun srɛli'n, n yoli i kwlakwla m mannin amun. M'an sie amún su famiɛn kun.

1 Samiɛl 12:13

Ɔ man famiɛn nga amun srɛli'n yɛ ɔ o lɛ-ɔ. Anannganman mannin amun famiɛn'n.

1 Samiɛl 15:26

Samiɛl tɛli Sail su kɛ: «Min nin wɔ e su san-man nun e kɔ-man. A yili Anannganman i nuan ndɛ'n i blo. Anannganman kusu ɔ'a yi wɔ blo. Ɔ man a su yo-man Izraɛl famiɛn'n kun.»

1 Samiɛl 16:1

Anannganman seli Samiɛl kɛ: «?Sail ti a su yaci-man kokolɛ'n? N yili i ase wieli. Ɔ su yo-man Izraɛl famiɛn kun. Fa ɔ nnɛn wɛ'n, gua nun ngo nan kɔ Izai ng'ɔ o Bɛtleɛm i wun lɔ. I wa'm be nun kun yɛ m'an fɛ i kɛ ɔ wa yo famiɛn nin-ɔn.»