Ndɛ Nga Nyanmiɛn I Nuan Ijɔfuɛ Oze Kannin'n 12:7 - NYANMIƐN NDƐ'N 1998

⁷ ‹Sa ɔ sin bla min sin. Yo sa kpa, yo sran ndɛnman sufuɛ. Nán yaci min b'ɔ n ti ɔ Nyanmiɛn'n min su lafilɛ.›

Ndɛ Nga Nyanmiɛn I Nuan Ijɔfuɛ Oze Kannin'n 12:7 ပူးပေါင်းရင်းမြစ်များ

Bo Bolɛ 49:18

Ee! Anannganman, n lafi su kɛ a ´de min.

Nyanndra Mun 11:1

Toe nga be fa di ndrunmun'n, Anannganman nyin ci i. Toe ng'ɔ ti kpa'n yɛ ɔ klo i-ɔ .

Nyanndra Mun 16:11

Jayɛbuɛ nin toe bɔ be ti sɛsɛ'n, be jɔ Anannganman klun. Jayɛbuɛ nga be o pata nun'n i kwlaa ti kɛ i sa nuan like sa.

Ezai 3:5

Nvle sɔ nun'n, nga ´jaso ɔ ´yo i wiengu sa, nga ´jaso ɔ ´yo i wiengu sa. Gbanflɛn'n ɔ ´yo kpɛnngbɛn'n i like kekle. Sran finfinfuɛ'n ɔ ´jaso sran kpa'n i wun.

Ezai 56:1

Anannganman wan yoo: «Amun `yo sa ng'ɔ ti i nuan su'n, amun `yo sa kpa. Afin sran bɔ min waan n ´de be'n, bé ti nyanlɛ blɛ'n ɔ'a mantan. Yɛ min nanwlɛ dilɛ cɛn'n su wa ju .

Ezekiɛl 16:3

Se Zerizalɛm kɛ Anannganman Nyanmiɛn'n wan yoo: ‹Ɔ finwlɛ nin wɔ awuliɛ nun'n, a ti Kanaanfuɛ, ɔ si ti Amɔrfuɛ yɛ ɔ nin ti Ɛtfuɛ .

Ezekiɛl 22:29

Sran'm be tɛtɛ yolɛ yɛ nvle'n i nunfuɛ'm be yo-ɔ. Be wua yɛ be bo nyrɛnnɛnfuɛ mun nin yalɛfuɛ'm be akpo. Like ng'ɔ ti-man bɔ be fa yo aofuɛ mun yɛ be fa yo be-ɔ.

Ezekiɛl 28:5

Wɔ aata nga a si i di'n ti'n, a nyannin ɔ́ wun. Yɛ ɔ́ wun bɔ a nyɛnnin'n ti, a tu ɔ wun.›

Ndɛ Nga Nyanmiɛn I Nuan Ijɔfuɛ Oze Kannin'n 14:2

Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

Zoɛl 2:12

Anannganman wan yoo: «An `sa amun sin bla mín sin. Kɛ ɔ o yɛ'n, i blɛ nian sin-man. Amun `tu amun klun bla, an `ci nglɛmun, an `sun, yɛ an `kpata min.»

Amɔs 2:7

Nga be kunndɛ'n, yɛlɛ kɛ be bɔ be lɛ-man like'n, be ´mianmian be lele be ´de be sa nun ninnge kwlaa. Yalɛfuɛ'n kɛn i ndɛ liɛ-ɔ, jɔlɛ difuɛ'm be bu-mɛn i like fi. Sran kun nin i si be kunndɛ bla kunngba. I sɔ'n ti min dunman'n i sacilɛ.

Amɔs 3:9

Amun `kpan be se Asdɔd famiɛn'n i awlofuɛ mun nin Ezipt famiɛn'n i awlofuɛ mun kɛ yoo: «Be `yia Samari oka'm be su lɔ, nan be `nian sannganlɛ bɔ ɔ'a sanngan lɔ-ɔ nin sa kekleekle bɔ ɔ'a ju sran'm be su lɔ-ɔ.»

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Amɔs 5:11

Amun di be nga be lɛ-man wie'n be lufle. Be ble kan nga be kpɛ'n, kpɛkuun amu'an ko de wie bé sa nun. I sɔ'n ti, sua kpakpa nga an kplannin'n, an su tran-man be nun. Amun anwlɛn su vinyi nga an tali'n, bɔ be su mma fɛfɛ'n, amun su nɔn-man vinyi sɔ'm be su mma'n be nzue wie.

Mise 2:1

Be nga sa tɛ'n yɛ be bu i akunndan'n, bɔ be la kɔnguɛ-ɔ, be bu be sie, bɔ sɛ be nyɛn i jranwlɛ'n bɔ wia'n kwla tɛ-man, wuun be su yo i sɔ sa'n, be yako!

Mise 7:2

Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.

Zakari 14:21

Zerizalɛm klɔ'n su blalɛ sɛ mun nin Zida nvle'n nun blalɛ sɛ'm be kwlakwla be ´yo Anannganman b'ɔ sie mɛn wunmuan'n i liɛ klonglo. Be kwlaa nga be ´ba tɛ yilɛ'n, be ´tɔn tɛ nnɛn'n sɛ sɔ'm be nun. I sɔ blɛ nun'n, aata difuɛ fi su tran-man Anannganman b'ɔ sie mɛn wunmuan'n i sua'n nun kun.

Zakari 5:8

Anz'n waan: «Klunwi'n i nzɔliɛ-ɔ.» Kpɛkuun yɛ ɔ su i bo yili i gbogbo'n nun, yɛ ɔ fɛli i tre'n katali su-ɔ.

Zakari 7:9

Anannganman b'ɔ sie mɛn wunmuan'n seli amun laa kɛ yoo: «Amun ´bu ndɛ-ɔ, an `nian nanwlɛ'n be `di. An `klo be wiengu, an `yo be wiengu kpa.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Jean 2:16

Yɛ ɔ seli okunmomo atɛ yofuɛ'm be kɛ: «An `yi ninnge nga'm be wa! Nán an fa n Si i sua'n kaci aata diwlɛ .»

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .

1 Samiɛl 12:3

Min yɛ n wo yɛ, Anannganman ɔ nin famiɛn b'ɔ sieli'n be ti min lalofuɛ. Amun `kan sa nga n yoli'n, sɛ n fali sran wie nannin-ɔn, ɔ `kan. Sɛ n fali sran wie i aflunmun-ɔn, ɔ `kan. Sran nga n dili i lufle-ɔ, ɔ `kan. Sran nga n yoli i sa b'ɔ ti-man su-ɔ, ɔ `kan. Sran ng'ɔ mannin min like kɛ n fa nan sɛ ɔ yo sa tɛ-ɔ, n yo kɛ n wun-mɛn i sa'n, sɛ i sɔfuɛ o wa'n man ɔ kan. Like nga n fali'n b'ɔ ti-mɛn i su'n, amun `kan man n yi man amun.»