Ndɛ Nga Nyanmiɛn I Nuan Ijɔfuɛ Oze Kannin'n 12:12 - NYANMIƐN NDƐ'N 1998

¹² Sa tɛ kpa nga be flɛ sa tɛ'n yɛ Galaadfuɛ'm be yoli-ɔ. I sɔ'n ti be wa nunnun mlɔnmlɔn. Gilgal lɔ'n, kɛ a ´to ɔ nyin nian-an, a wun kɛ be su fa nannin be ´yi tɛ. I sɔ'n ti'n, bé sraka yiwlɛ sɔ'm be wa bubu, be wa tian ninnge nga be fa yoli be'n be nuan ɔklɔɔ kɛ yɛbuɛ bɔ be tian bé nuan fie su lɔ'n sa.

Ndɛ Nga Nyanmiɛn I Nuan Ijɔfuɛ Oze Kannin'n 12:12 ပူးပေါင်းရင်းမြစ်များ

Bo Bolɛ 27:43

I ti mín wa, jaso wa ko fia min niaan bian Laban sin Aran lɔ.

Bo Bolɛ 30:26

N ´fa min mma nin mín yi bɔ n dili be ti sia lele mun n ´kɔ.»

Bo Bolɛ 31:41

N dili afuɛ ablaɔn ɔ́ sa nun. N dili ɔ́ wa nnyɔn'm bé sin sia afuɛ blu-nin-nnan. I sin n niannin ɔ nnɛn'm be su afuɛ nsiɛn ekun. A kacili min akatua'n kpɛ blu.

Ndɛ Nga Nyanmiɛn I Nuan Ijɔfuɛ Oze Kannin'n 4:15

Izraɛl, sɛ a ´si ɔ tekle'n, nán man Zida si wie. Min lika ng'ɔ o Gilgal lɔ'n, nán an wɔ lɔ, nán an wɔ be ju Bɛt-Avɛn lɔ, be ko ta nda se kɛ: «N kan Nyanmiɛn!»

Ndɛ Nga Nyanmiɛn I Nuan Ijɔfuɛ Oze Kannin'n 6:8

Galaad ti sa tɛ yofuɛ'm be klɔ. Ɔ lɛ-man lika kun nga be kun-man sran nun-ɔn.

Mmla'n 26:5

Kpɛkuun man sran'n ɔ jran Anannganman amun Nyanmiɛn'n i nyrun lɛ, nan ɔ `se kɛ: «Min nannan'n ɔ ti Aramfuɛ, ɔ wlan-wlannin lika'm be nun, ɔ tu tran wa, ɔ tu tran wa. Ɔ wa ɔli Ezipt mɛn'n nun lɔ ɔ nin i sran mun. Kɛ be ´kɔ'n, be ti sran ba nnyɔn kun cɛ, b'a sɔn-man. Be ko trannin lɔ, be trɛli, be yoli nvle dan kun b'ɔ lɛ wunmiɛn.