Ndɛ Nga Nyanmiɛn I Nuan Ijɔfuɛ Oze Kannin'n 12:10 - NYANMIƐN NDƐ'N 1998

¹⁰ M bɔbɔ min Anannganman bɔ kɛ amun tɛ o Ezipt lɔ'n yɛ n yoli amun Nyanmiɛn'n, n wa yo man amun ´tran tannin sua bo ekun kɛ e nin amun e wun wunlɛ klikli nun'n sa .

Ndɛ Nga Nyanmiɛn I Nuan Ijɔfuɛ Oze Kannin'n 12:10 ပူးပေါင်းရင်းမြစ်များ

1 Famiɛn Mun 13:1

Nyanmiɛn i nuan ijɔfuɛ kun fɛli i Zida ɔli Betɛl. Anannganman'n yɛ ɔ sunmɛnnin i-ɔ. Kɛ ɔ ´ju lɛ'n, wuun Zeroboam ɔ'a yra ansans i sraka yiwlɛ'n su.

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

1 Famiɛn Mun 19:10

Eli tɛli i su kɛ: «Anannganman, a ti mɛn wunmuan'n i Nyanmiɛn. Kɛ n klo wɔ'n, i ti n kwla suan-man sa nga Izraɛlfuɛ'm be yo'n i bo kun. Aenguɛ nga a nin be trali'n, b'a yi i ase, be bubuli wɔ sɔwlɛ mun, be kunnin ɔ nuan ijɔfuɛ mun. N kunngba bɔ m'an ka'n, be kunndɛ kɛ be ´kun min .»

2 Famiɛn Mun 17:13

Anannganman fa ndɛ wlɛli i nuan ijɔfuɛ fanunfanun'm be kwlaa bé nuan. I waan be kan kle Izraɛlfuɛ mun, nin Zidafuɛ'm be kɛ be yaci be nzuɛn tɛtɛ mun, nan be fɛ i mmla fanunfanun'm bé su. I mmla sɔ'n, ɔ fa mannin Izraɛlfuɛ'm be nannan mun. I sin ɔ fa wlɛli i nuan ijɔfuɛ bɔ be ti i sufuɛ'n bé nuan kɛ be fa man be kusu be wie.

Neemi 9:30

A dili bé wun amlin afuɛ kpanngban. Ɔ Wawɛ'n suli ɔ́ nuan ijɔfuɛ'm be bo kɛ be `kpɛn bé wla, sanngɛ b'a sie-man bé su be nuan bo. A fali be wlali aofuɛ'm bé sa nun.

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Zeremi 19:1

Anannganman'n seli Zeremi kɛ: «Ko to nzue sɛ kun sɛ ufuɛ'n i sa nun. Kpɛkuun flɛ kpɛnngbɛn'm be nun wie nin Nyanmiɛn nyrun jranfuɛ kpɛnngbɛn'm be nun wie.

Zeremi 19:10

Kpɛkuun, bo nzue sɛ'n be nga be nin wɔ o lɛ'n be nyrun nan se be kɛ:

Zeremi 25:4

Anannganman'n ɔ sunmannin i sufuɛ mun sanngɛ nán ndɛ-ɔ. Ɔ sunmannin i nuan ijɔfuɛ mun, nán ndɛ-ɔ. Amun waan nán amun yɛ an ko ti-ɔ. Amun waan amun sie-man amún su be tie-man.

Zeremi 7:25

Kɛ ɔ fin cɛn bɔ amun nannan'm be tuli Ezipt lɔ lele b'ɔ ´fa ju ndɛ'n, m'an yaci-man min sufuɛ'm be sunmanlɛ amun wun. M boli mín nuan ijɔfuɛ'm be sunmanlɛ bo nán ndɛ-ɔ.

Ezekiɛl 17:2

«Klɔ sran, bu nyanndra kun kle Izraɛlfuɛ mun.

Ndɛ Nga Nyanmiɛn I Nuan Ijɔfuɛ Oze Kannin'n 13:4

«Izraɛlfuɛ mun, kɛ amun ´fin Ezipt lɔ ´ba, m bɔbɔ min Anannganman yɛ n ti amun Nyanmiɛn-ɔn. Amun si-man Nyanmiɛn uflɛ kun san min kunngba cɛ. Defuɛ uflɛ fi nun-man lɛ san min.

Ndɛ Nga Nyanmiɛn I Nuan Ijɔfuɛ Oze Kannin'n 3:1

Anannganman'n seli min kɛ: «Kɔ nan bla nga b'ɔ lɛ bian, bɔ sanngɛ bian cɛ yɛ ɔ kunndɛ i wun bo'n, a nin i be ko la ekun. Klo i kɛ m bɔbɔ min Anannganman n fa n kloli Izraɛlfuɛ mun sa, bɔ sanngɛ amuɛn mun yɛ be kpɛ be sin atin-ɔn. Yɛ vinyi mma gato dilɛ yɛ be klo-ɔ.»

Saun Yolɛ 23:42

I sɔ le mɔcuɛ kun sɔ nun'n, ɔ fata kɛ Izraɛlfuɛ'm be kwlaa'n be gua kpata'm bé bo.

Amɔs 7:14

Yɛ Amɔs tɛli i su kɛ: «Nyanmiɛn nuan ijɔlɛ'n ti-man min junman. I kusu n nun-man Nyanmiɛn ijɔfuɛ'n be anuansɛ'n wie fi nun. N ti min nnɛn kankanfuɛ, min sikomɔr fie yɛ n di n fa nyan mín nuan nun aliɛ-ɔ.

Kalɛ 12:6

Ɔ seli be kɛ: «Amun `tie min ndɛ'm be kpa. Mín nuan ijɔfuɛ kun b'ɔ o amun afiɛn sa'n, aolia nun yɛ n yi mín wun nglo n kle i-ɔ, laliɛ nun yɛ n kan ndɛ n kle i-ɔ.

Sa nga bé yôli'n 2:17

‹Nyanmiɛn waan: An `nian, sa nga cɛn wie lele kɛ mɛn'n ɔ ´kɔ i bue nuan'n, m ma yo'n yɛ: N ´fa n Wawɛ'n man sran kwlaa. Amún mma yasua nin amun mma mmla'm be ´ijɔ min nuan, amun mma gbanflɛn'm be ´wun like aolia nun, yɛ amún si ngbɛn-ngbɛn'm be ´cɛn laliɛ.

2 Korɛntfuɛ Mun 12:1

Kannzɛ bé nuan dilɛ'n ti-man kpa'n, sanngɛ n tɛ yo, yɛ like nga e Min'n man n wunnin be aolia nun'n nin sa nga ɔ yi be nglo kleli min'n, n ´kan be ndɛ.

2 Korɛntfuɛ Mun 12:7

Kɛ ɔ ko yo nan m'an tu-man min wun abonuan sa bɔ Nyanmiɛn yi be nglo kleli min ti'n, ɔ man tukpacɛ wie tɔli n su ɔ kali min kplo'n nun. Ɔ ti kɛ Satan i anz sa, ɔ ba m bolɛ nan m'an tu-man min wun .