Ndɛ Nga Nyanmiɛn I Nuan Ijɔfuɛ Oze Kannin'n 11:6 - NYANMIƐN NDƐ'N 1998

⁶ Alɛ'n ´yri be klɔ'm be su, ɔ ´saci klɔ wun anuan mun, ɔ ´di klɔ su sran mun. Be akunndan nga be jajali'n ti alɛ'n ´di be.

Ndɛ Nga Nyanmiɛn I Nuan Ijɔfuɛ Oze Kannin'n 11:6 ပူးပေါင်းရင်းမြစ်များ

Jue Mun 106:39

Be fali sa sɔ'n be yoli bé wun fiɛn. Sɛ e ´kwla se'n, be boli tekle.

Jue Mun 106:43

Kpalɛ sunman ɔ deli be, sanngɛ nyin kekle'n yɛ be yoli i su-ɔ. Be yoli sa tɛ'n be ɔli be nyrun titi.

Ezai 18:5

Afin kɛ vinyi'n ɔ'a wie nyrɛ bo'n, kɛ ɔ ko su'n bɔ i mma'n ko tin'n, i sin nan b'a ti vinyi mma sɔ'n, be fa bese be kpɛkpɛ vinyi ja'n i sama nga b'a su-man'n, yɛ be kpɛkpɛ i sama kanngan nga be su mma'n.

Ezai 27:10

Klɔ nga be sili i wun'n, ɔ ´tɔ kouun, sran fi su tran-man nun kun, ɔ ´tɔ srololo kɛ aawlɛ flɛnnɛn'n sa. Nannin ba'm be ´didi lɔ, be ´la lɔ, yɛ be ´di susrɛ'm be nun nnya-nnya mun.

Ezai 30:1

Anannganman wan yoo: «Ba nyin keklefuɛ mun, amun yako! Kɛ amun bu sa'm be yolɛ akunndan'n n wun-man nun. Amun kpɛ anuansɛ wie mun bɔ nán min yɛ n kleli kɛ amun yo-ɔ. Amun yo sa tɛ be uka sa tɛ su!

Ezai 9:14

Kpɛnngbɛn'n nin awlo bo kpɛn'n be yɛ be ti i ti nin-ɔn. Yɛ wunnzue yifuɛ'm bɔ ato bualɛ'n yɛ ɔ ti be junman'n, be yɛ be ti i lua nin-ɔn.

Zeremi 5:17

Be ´di amun ninnge'n kwlakwla. Be ´di ɔ fie su lɔ aliɛ mun nan b'a di klɔ wa liɛ mun. Be ´kun amun mma mun, i yasua mun o, i bla mun o, be ´kun be. Be ´kun amun nnɛn mun, i boli mun o, i bua mun o, i nannin mun o, be ´kun be. Be ´saci amun vinyi fie mun nin amun figie fie mun. Amun lɔ klɔ nga be sisi bé wun b'ɔ man an bu i kɛ sa kwla nyan-man amun'n, be ´fa alɛ saci be.

Zeremi 50:35

«Be ´fa alɛ tu Kaldefuɛ mun. Be ´fa alɛ tu Babilɔni klɔ'n sufuɛ mun. Be ´fa tu be famiɛn i awlo lɔ sran dandan mun nin be afɔtuɛ manfuɛ mun.» Anannganman'n yɛ ɔ kan sɔ-ɔ.

Ngwlɛ Yilɛ 2:9

Klɔ'n i anuan'm be bu tɔli. Ɔ sacili be nun gboklo mun mlɔnmlɔn. Famiɛn nin o, famiɛn i awlo lɔ sran dandan mun o, be kwlakwla be o be nga be si-man Nyanmiɛn'n be sa nun. Nyanmiɛn mmla'n, sran fi si-mɛn i kun. Nyanmiɛn nuan ijɔfuɛ'm be bɔbɔ, Anannganman fa-man ndɛ wla-man bé nuan kun.

Ndɛ Nga Nyanmiɛn I Nuan Ijɔfuɛ Oze Kannin'n 10:14

I sɔ'n ti, alɛ nganniɛn ɔ wa kpla amun nvle nun, amun klɔ nga be sili bé wun'n, be ´bubu flɛnnɛnnɛn. Be wa yo kɛ Bɛt-Arbɛl bɔ famiɛn Salman nunnunnin i'n sa, ɔ nunnunnin niɛn mun nin bé bo mma mun'n .

Ndɛ Nga Nyanmiɛn I Nuan Ijɔfuɛ Oze Kannin'n 10:6

Be ´fa nannin ba sɔ'n kɔ lele Asiri, be ´fɛ i ko man famiɛn dan'n. Nyannzuɛn'n wa kun Efraimfuɛ mun kekleke. Atin nga Izraɛlfuɛ'm be fali'n, wa yo be nsisɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:16

Izraɛlfuɛ'm be yoli nyin kekle. Be yoli kɛ nannin bla wie bɔ be ´sie i kɔmin su waka-a ɔ kpli-man su'n sa. Ɔ man i ti siɛn'n, Anannganman ɔ wa yo be kɛ bua ba wie bɔ b'a to i kunngba cenje b'a yi i aawlɛ wie nun b'ɔ su didi'n sa.

Ndɛ Nga Nyanmiɛn I Nuan Ijɔfuɛ Oze Kannin'n 4:17

Efraimfuɛ'm b'a fa amuɛn sɔlɛ'n b'a cici bé ti. Yaci be lɛ!

Saun Yolɛ 26:25

Aenguɛ nga min nin amun e trali bɔ amun sacili i'n ti'n, n ´to alɛ n ´yi amun mɛn'n nun. Man amun ´ko fia klɔ wie'm bé su, sanngɛ n ´fa tukpacɛ bɔ sa ndɛndɛ kun n ´yi i klɔ sɔ'm bé su, yɛ kpɛkuun be nga bɔ be nin amun be kun'n, be yɛ be ´sie amun-ɔn.

Saun Yolɛ 26:31

N ´nunnun amun klɔ mun, m ´bubu amun sraka yiwlɛ lika sua mun. Ansans nga amun yra be man min'n amún tɛ nga amun yi-ɔ amun yrɛ i nnɛn'n, kannzɛ man be bɔn fannin sɛ, sanngɛ n su fa gua-man min anwlɛn su nzue kun.

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.

Amɔs 6:8

Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.

Mise 5:11

N ´saci amun wunnzue yilɛ ninnge mun, kɔmiɛnfuɛ su tran-man amun lɔ kun.

Mmla'n 28:52

Be ´taka be ngblaliɛ mun amun klɔ'm bé sin, yɛ be ´tran lɛ lele be bubu amun klɔ'm bé wun talɛ kpakpa nga be ti nglo-nglo bɔ amun lafi bé su amun mɛn'n nun'n. Be ´yo i sɔ mɛn nga Anannganman amun Nyanmiɛn'n fa mannin amun'n i wunmuan'n nun.

Mmla'n 32:25

Be ´fa tokofi be ´kun sran mun klɔ nun atin'm be nun. Sran nga be o awlo'm be nun'n, be kusu, srɛ'n ɔ ´kun be kpo. Wie'n su yaci-man sran fi lɛ, i gbanflɛn mun o, i talua mun o, i ba nɔnman mun o, i oke mun o, ɔ ´wlu be kwlakwla be nun.