Ndɛ Nga Nyanmiɛn I Nuan Ijɔfuɛ Oze Kannin'n 11:4 - NYANMIƐN NDƐ'N 1998

⁴ Kɛ n ko yo'n yɛ n yoli i-ɔ, n kloli i klolɛ kpa, e nin i e trannin kɛ siɛ nin ba sa, n fɛli i m boli min wue su, n wlɛli i nuan nun aliɛ.

Ndɛ Nga Nyanmiɛn I Nuan Ijɔfuɛ Oze Kannin'n 11:4 ပူးပေါင်းရင်းမြစ်များ

2 Samiɛl 7:14

N ´yo i si, ɔ ´yo mín wa. Sɛ ɔ yo sa tɛ'n, n ´tu i fɔ, n ´fa ngble m ´bo i kɛ be fa bo sran'n sa,

Jue Mun 105:40

Be waan ɔ blɛ be nnɛn. Ɔ yoli man aoko wie'm be bali. Nyanmiɛn su lɔ kpaun yɛ ɔ fa tali be-ɔ.

Ezipt Lɔ Tulɛ'n 16:32

Moiz waan: «Ndɛ nga Anannganman kan'n yɛ: ‹Amun `fa mani'n be sie like wie nun, be `sie i lɛ be sie amun mma nga amun ´wu be mun. Kɛ ɔ yo sɔ liɛ'n, be ´wun kpaun nga n fa tali amun aawlɛ flɛnnɛn'n nun lɔ'n kɛ amun fin Ezipt lɔ ba'n.› »

Ngɔjue Fɛfɛ Kpa'n 1:4

Tra n sa man e wanndi. A ti famiɛn , wɔ yɛ a sie min-ɔn, fa min wlu ɔ sua ba nun lɔ, yɛ yo man e nnyɔn'n e klun jɔ tratra su. Ɔ klolɛ nga a fa klo min'n bɔ i fɛ'n tra nzan'n, e ´yi i nglo. Sɛ be klo wɔ'n, kannzu nán ngbɛn-ɔn.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Ndɛ Nga Nyanmiɛn I Nuan Ijɔfuɛ Oze Kannin'n 2:8

I sɔ'n ti m bɔbɔ min Anannganman'n, kɛ ɔ ´yo nan ɔ'a kwla wun-man atin'n ti n ´si i wun talɛ, n ´fa owie n ´tannin i.

Saun Yolɛ 26:13

Min yɛ n ti Anannganman amun Nyanmiɛn nin-ɔn. Min yɛ n fali amun Ezipt mɛn'n nun lɔ m bali-ɔ. Min waan n ´yi amun n ´fite sɔ nan nán amun yo kanga kun. Wunmiɛn nga Eziptfuɛ'm be lɛ i'n, bɔ i ti yɛ be tin amun su kplɔlɔlɔ'n, n sacili i. Ɔ man siɛn'n, sɛ amun ´nanti'n, amun ´kwla man amun ti su.»

Jean 12:32

Yɛ n kusu, sɛ be man n su'n, n yo man sran'm be kwlaa be ´ba n sin.»

2 Korɛntfuɛ Mun 5:14

Sa kwlaa nga e yo'n, e yo i klolɛ bɔ Krist fa klo sran'n ti. E si kɛ sɛ sran kun wuli sran'm be kwlaa bé ti'n, wuun be ngba yɛ be wuli-ɔ.

Mmla'n 32:12

Anannganman kunngba yɛ ɔ dunnin mmua i nyrun-ɔn, amuɛn fi ɔ'a ukɛ-mɛn i.

Mmla'n 32:14

Ɔ nɔnnin nannin mun nin bua'm be nyɔnflɛn nzue'n. Ɔ dili bua nga b'a kpɛ cro nin Bazan lɔ bua nene mun, ɔ nin boli nga be ti lowa kpa'n be nnɛn'n. Ɔ dili ble'n i kpafuɛ'n. Ɔ nɔnnin vinyi mma'n i nzue'n b'ɔ yɛlɛ nzan'n.