Ndɛ Nga Nyanmiɛn I Nuan Ijɔfuɛ Oze Kannin'n 10:7 - NYANMIƐN NDƐ'N 1998

⁷ Samarifuɛ'm be liɛ ɔ'a wie mlɔnmlɔn. Be famiɛn'n ɔ'a wie mlin ɔ'a wie. Be ´kpalo be kɔ kɛ waka sin kan wie b'ɔ o nzue ba nyin su'n sa.

Ndɛ Nga Nyanmiɛn I Nuan Ijɔfuɛ Oze Kannin'n 10:7 ပူးပေါင်းရင်းမြစ်များ

1 Famiɛn Mun 21:1

Kɛ ɔ yoli sɔ'n, sa ng'ɔ juli'n yɛ. Zizreɛl lɔ sran kun o lɛ, be flɛ i kɛ Nabɔt. Ɔ lɛ i vinyi fie kun. Fie sɔ'n wo Akab b'ɔ ti Samari famiɛn'n i sua'n i wun koko lɛ.

2 Famiɛn Mun 1:3

Yɛ Anannganman i anz kun wa seli Eli b'ɔ fin Tisbɛ'n kɛ: «Samari famiɛn'n i sunmanfuɛ mun be yɛ be ´ba lɛ-ɔ. Ko bu be nyrun, nan usa be kɛ: ‹?Nyanmiɛn nun-man Izraɛl wa ti yɛ amun su ko usa Baal-Zɛbib b'ɔ ti Ekrɔnfuɛ'm be amuɛn'n i sa-a?›

2 Famiɛn Mun 15:30

Ela i wa Oze nin sran wie mun be cicili Rɛmalia i wa Pekak i wun ndɛ. Be kunnin i nan Oze ɔ'a trɛn i osu. Kɛ ɔ ´yo sɔ'n, wuun Azaria i wa Zɔtam ɔ'a yo Zida famiɛn ɔ'a di afuɛ ablaɔn.

2 Famiɛn Mun 17:4

Sanngɛ blɛ kun juli, ɔ cicili Salmanazar i wun ndɛ. Ɔ sunmannin sran So b'ɔ ti Ezipt famiɛn'n i sin, kpɛkuun ɔ'a tua-man lapo ɔ'a man-man Asiri famiɛn'n kɛ afuɛ titi'n sa. Kɛ Asiri famiɛn'n wunnin i kɛ Oze bu i wun akunndan tɛ'n, ɔ trɛli i, ɔ cili i, yɛ ɔ wlɛli i bisua.

Ndɛ Nga Nyanmiɛn I Nuan Ijɔfuɛ Oze Kannin'n 10:15

Izraɛlfuɛ mun, amun sa tɛ yolɛ beblebe'n ti'n, kɛ n wa yo amun sa cɛ. Kɛ lika'n ´titi cɛ'n, alɛ'n ɔ ´bo i bo, Izraɛl famiɛn'n i awieliɛ'n ɔ ´ju cɛn sɔ'n nun.»

Ndɛ Nga Nyanmiɛn I Nuan Ijɔfuɛ Oze Kannin'n 10:3

Kpɛkuun siɛn'n be wa se kɛ: «E bɔbɔ yɛ man e lɛ-man famiɛn kun-ɔn, afin é nyin ɔ'a yi-man Anannganman. ?Siɛn'n, olɛ nga e o yɛ'n li, nguɛ li yɛ famiɛn kun kwla yo man ye-ɔ?»

Ndɛ Nga Nyanmiɛn I Nuan Ijɔfuɛ Oze Kannin'n 10:8

Bɛt-Avɛn lɔ amuɛn bo nga Izraɛlfuɛ'm be yo be sa tɛtɛ nun'n, be kwlaa be ´saci. Ijre tɛtɛ mun nin owie'm b'a di sraka yiwlɛ bɔ be o kpɔlɛ lika'm be su mun. I sɔ blɛ liɛ nun'n, be wa se kɛ: «Oka mun ee! An `kata e su o! Kpɔlɛ mun ee! An `tɔ e su o !»

Ndɛ Nga Nyanmiɛn I Nuan Ijɔfuɛ Oze Kannin'n 13:11

Yɛ min kusu m mannin amun famiɛn klunngbɔ su, kpɛkuun kɛ n fali min ya dan'n, n deli amun sa nun.

Jude 1:13

Be ti kɛ jenvie'n b'ɔ bo gbuugbuu'n sa, be nyannzuɛn sa nga be yo'n ti kɛ i nyin su nglo'n sa. Be ti kɛ nzraama b'ɔ tu kɔ'n sa, lika nga Nyanmiɛn fa sieli be kɛ be tran nun tititi'n, yɛlɛ aosin tritritri kpa'n.