Ndɛ Nga Nyanmiɛn I Nuan Ijɔfuɛ Oze Kannin'n 10:3 - NYANMIƐN NDƐ'N 1998

³ Kpɛkuun siɛn'n be wa se kɛ: «E bɔbɔ yɛ man e lɛ-man famiɛn kun-ɔn, afin é nyin ɔ'a yi-man Anannganman. ?Siɛn'n, olɛ nga e o yɛ'n li, nguɛ li yɛ famiɛn kun kwla yo man ye-ɔ?»

Ndɛ Nga Nyanmiɛn I Nuan Ijɔfuɛ Oze Kannin'n 10:3 ပူးပေါင်းရင်းမြစ်များ

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

2 Famiɛn Mun 15:13

Kɛ Ozias yoli Zida famiɛn'n, i afuɛ ablasan-nin-ngwlan'n su yɛ Zabɛs i wa Salɔm yoli famiɛn-ɔn. Ɔ trannin Samari lɔ anglo kun.

Jue Mun 118:9

Kɛ n ko fa mín wun n ko wlɛ i wlengbi'm bé sa nun'n, ɔ flunman kɛ n talo Anannganman.

Jue Mun 12:4

Man Anannganman nunnun be kwlaa nga be klo gblɛ kpɛlɛ'n nin be nga be ijɔ dandan'n.

Ezai 5:19

Be se kɛ: «Man Anannganman ɔ kɛn i wun yo i junman'n ndɛndɛ nan e ´wun i. Man Izraɛl Nyanmiɛn'n i sa b'ɔ jaja be'n, ɔ yia be nuan nan e ´wun be!»

Ndɛ Nga Nyanmiɛn I Nuan Ijɔfuɛ Oze Kannin'n 10:15

Izraɛlfuɛ mun, amun sa tɛ yolɛ beblebe'n ti'n, kɛ n wa yo amun sa cɛ. Kɛ lika'n ´titi cɛ'n, alɛ'n ɔ ´bo i bo, Izraɛl famiɛn'n i awieliɛ'n ɔ ´ju cɛn sɔ'n nun.»

Ndɛ Nga Nyanmiɛn I Nuan Ijɔfuɛ Oze Kannin'n 10:7

Samarifuɛ'm be liɛ ɔ'a wie mlɔnmlɔn. Be famiɛn'n ɔ'a wie mlin ɔ'a wie. Be ´kpalo be kɔ kɛ waka sin kan wie b'ɔ o nzue ba nyin su'n sa.

Ndɛ Nga Nyanmiɛn I Nuan Ijɔfuɛ Oze Kannin'n 11:5

Izraɛlfuɛ'm be su sa-man be sin Ezipt lɔ, sanngɛ Asiri'n yɛ ɔ ´sie be-ɔ, afin be waan be sa-man bé sin mín wun wa.

Ndɛ Nga Nyanmiɛn I Nuan Ijɔfuɛ Oze Kannin'n 13:10

?Amun famiɛn'n bɔ i li yɛ ɔ fata kɛ ɔ ´de amun'n ɔ wo nin? ?Amun klɔ kpɛnngbɛn'm be li? ?Nán be osu ti yɛ amun jin mín wun kɛ: ‹Man ye famiɛn, sie i awlo lɔ sran dan e su nin-ɔn ?›

Ndɛ Nga Nyanmiɛn I Nuan Ijɔfuɛ Oze Kannin'n 13:11

Yɛ min kusu m mannin amun famiɛn klunngbɔ su, kpɛkuun kɛ n fali min ya dan'n, n deli amun sa nun.

Ndɛ Nga Nyanmiɛn I Nuan Ijɔfuɛ Oze Kannin'n 3:4

Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Mise 4:9

?Izraɛlfuɛ mun, onin yɛlɛ awuyomo nga amun bo i yɛ'n? ?Famiɛn nun-man amun su kun ti-ɔ? ?Nguɛ ti yɛ amun kpita bé wun ase kɛ bla wie bɔ awuliɛ ɔ'a to i sa nin-ɔn? ?Amun ngwlɛlɛ klefuɛ mun b'a wie wu ti-ɔ?

Jean 19:15

Sanngɛ be kpan seli kɛ: «Be `kun i! Bobo i waka'n su!» Pilat usali be kɛ: «?M `bobo amun famiɛn'n?» Nyanmiɛn nyrun jranfuɛ dandan'm be seli kɛ: «E lɛ-man famiɛn uflɛ fi san Sezar kunngba cɛ.»

1 Samiɛl 12:25

Sɛ amun yo sa tɛ-ɔ, o ´nunnun amun nin amun famiɛn'n.»