Ndɛ Nga Nyanmiɛn I Nuan Ijɔfuɛ Oze Kannin'n 10:14 - NYANMIƐN NDƐ'N 1998

¹⁴ I sɔ'n ti, alɛ nganniɛn ɔ wa kpla amun nvle nun, amun klɔ nga be sili bé wun'n, be ´bubu flɛnnɛnnɛn. Be wa yo kɛ Bɛt-Arbɛl bɔ famiɛn Salman nunnunnin i'n sa, ɔ nunnunnin niɛn mun nin bé bo mma mun'n .

Ndɛ Nga Nyanmiɛn I Nuan Ijɔfuɛ Oze Kannin'n 10:14 ပူးပေါင်းရင်းမြစ်များ

Bo Bolɛ 32:11

N ti kaan ngboko. Nɛnnɛn nga a dili min'n nin nantilɛ klanman nga a nin min nantili'n, nannan, ɔ nin min fata-man. I nun bɔ n ´kpɛ Zurdɛn'n n ´kɔ'n, like ng'ɔ o ń sa nun'n yɛlɛ kpɔnman. Yɛ andɛ yɛ mín sa nun sran'm b'a ju akpasua nnyɔn yɛ.

2 Famiɛn Mun 17:16

Be yili Anannganman be Nyanmiɛn'n i ndɛ'n kwlaa i ase. Be kloli sika ɔkwlɛ be fa yoli nannin ba nnyɔn. Be takali waka nga bɔ be sɔ'n, be suli nglo lɔ ninnge'm be kwlaa. Be suli Baal.

2 Famiɛn Mun 17:3

Salmanazar b'ɔ ti Asiri famiɛn'n fali alɛ'n wlɛli i sin. Oze trɛnnin i sielɛ'n i bo. Ɔ tannin lapo mɛn i.

2 Famiɛn Mun 18:33

?Mɛn onin cɛ yɛ i nunfuɛ'm be amuɛn'm be kwla deli be min sa nun-ɔn? ?Amatfuɛ mun nin Arpadfuɛ'm be amuɛn'm be o nin ndɛ?

Ezai 17:3

Klɔ nga be si bé wun'n, wie fi su tran-man Efraim akpasua'n su kun. Damas su yo-man famiɛn diwlɛ'n i klɔ dan'n kun. Yɛ Siri mɛn'n i bue ng'ɔ ka lɛ'n, ɔ su nyan-man nyrun kun, ɔ ´yo kɛ Izraɛlfuɛ'm be anyrunnyan b'ɔ wieli'n sa. Ndɛ nga Anannganman b'ɔ sie mɛn wunmuan'n ɔ kan'n yɛ ɔ o lɛ-ɔ.

Ezai 33:14

Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»

Zeremi 13:14

N ´yo man be jaso be wiengu wun, siɛ mun nin ba mun be ´kun be wun. N su yaci-man sran fi lɛ. N su si-man wie aunnvuɛ mlɔnmlɔn, n ´nunnun be kwlaa'n kpan.› » Anannganman'n yɛ ɔ kan sɔ-ɔ.

Zeremi 48:41

Be klɔ'm b'a tɔ. Be klɔ nga be si be wun'n b'a tɔ. Siɛn'n Moab safunyrɛn'm be wla ɔ'a bo yɛ srɛ kun be kɛ wunnzɛfuɛ wie b'ɔ o ba wulɛ su'n sa.

Ndɛ Nga Nyanmiɛn I Nuan Ijɔfuɛ Oze Kannin'n 10:15

Izraɛlfuɛ mun, amun sa tɛ yolɛ beblebe'n ti'n, kɛ n wa yo amun sa cɛ. Kɛ lika'n ´titi cɛ'n, alɛ'n ɔ ´bo i bo, Izraɛl famiɛn'n i awieliɛ'n ɔ ´ju cɛn sɔ'n nun.»

Amɔs 3:14

Cɛn nga bɔ n jaso kɛ n ´tu Izraɛl fɔ'n, mín sa wa kan sraka yiwlɛ nga be o Betɛl lɔ'n mun. Like nga be ti kɛ nnɛn wɛ sa bɔ be o sraka yiwlɛ sɔ'm be cɔnjɔ'm be su'n, be ´bubu be ´gua asiɛ wun .

Amɔs 3:8

?Kɛ asɔmɔli kun tian sa'n, wan yɛ ɔ se kɛ ɔ bo-man bli-ɔ? ?Sɛ Anannganman Nyanmiɛn'n fa ndɛ wlɛ i sran kun nuan'n, ɔ lɛ atin se kɛ ɔ kan-man?

Amɔs 9:5

Kɛ Anannganman Nyanmiɛn b'ɔ sie mɛn wunmuan'n fɛ i sama'n kan asiɛ'n, kpɛkuun asiɛ'n su keje. Asiɛ'n sufuɛ'm be kwlakwla be ´tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su kpɛkuun ɔ ´tɛ i wun ase kɛ Ezipt lɔ nzue ba dan'n sa.

Mise 5:11

N ´saci amun wunnzue yilɛ ninnge mun, kɔmiɛnfuɛ su tran-man amun lɔ kun.

Naɔm 3:10

Sanngɛ be trali klɔ sɔ'n su sran'm be lomuɛn be ɔli mɛn uflɛ nun. Be kunnin i mma kanngan mun atin'm be kwlaa su. Be wlali kpɛnngbɛn'm be kɔmin jrɔkɔ. Kpɛkuun awlobo kpɛn'm be liɛ'n be kwlafuɛ'm be tuli bé wun fɔtɔ be cɛcɛli be nun be fali be.

Naɔm 3:12

Ɔ talɛ nglo-nglo ng'ɔ sisi ɔ́ wun'n, ɔ ti kɛ figie mma bɔ ɔ'a blo'n sa. Sran nga i waan ɔ ´di'n, kɛ ɔ ´keje i waka'n, wuun ɔ ´guɛ i nuan nun.

Abakik 1:10

Be bu-man famiɛn'm be like fi. Be to siefuɛ'm be mma. Klɔ nga be si bé wun'n, be fata-man be like fi. A ´nian-an, b'a gua fa, b'a fu su b'a fa klɔ sɔ mun.