Ndɛ Nga Nyanmiɛn I Nuan Ijɔfuɛ Oze Kannin'n 10:12 - NYANMIƐN NDƐ'N 1998

¹² Sɛ sa nuan su yolɛ'n ti mma'n, wuun n ´se kɛ an gua nan amu'an titi klun-ufue'n i mma. An `sɔn bo uflɛ, min Anannganman min mantanlɛ blɛ'n yɛ ɔ'a ju yɛ. Amun `fa amún wun `mantan min, nan sɛ m ´ba'n, m'an fa ti delɛ'n m'an blɛ amun .

Ndɛ Nga Nyanmiɛn I Nuan Ijɔfuɛ Oze Kannin'n 10:12 ပူးပေါင်းရင်းမြစ်များ

Jue Mun 105:4

An `fa amun wun mantan Anannganman b'ɔ kwla'n! An `kunndɛ kɛ ɔ nin amun tran tititi.

Jue Mun 72:6

Man ɔ yo kɛ nzue b'ɔ tɔ ijre bɔ b'a kpɛkpɛ'n su'n su sa. Man ɔ yo kɛ nzue dan b'ɔ lualua asiɛ'n sa.

Nyanndra Mun 11:18

Like nga sran tɛfuɛ'n yo'n, ɔ nyan-man su. Sran nga kusu bɔ kpa'n yɛ ɔ yo sin'n, kannzɛ ɔ yo sɛ san ɔ ´nyan su le .

Nyanndra Mun 18:21

Ndɛ ng'ɔ fin e nuan fite'n, i ti yɛ e wu-ɔ, i ti yɛ e nyan nguan-an. Sran ng'ɔ kwla ijɔ'n, sɛ i ijɔlɛ'n ti sa nyɛn i'n, ɔ fata kɛ ɔ sɔ nun .

Akunndanfuɛ'n 11:6

I sɔ'n ti'n, lua ɔ ninnge mun nglɛmun nun lele fa ju nnɔsua nun, nán de wunmiɛn. Afin a si-man ng'ɔ wa yo kpa-a, sɛ nglɛmun nun liɛ'n nin o, sɛ nnɔsua nun liɛ'n nin o, sɛ kusu nglɛmun nun liɛ'n nin nnɔsua nun liɛ'm be nnyɔn yɛ be ´yo kpa o.

Ezai 30:23

Kpɛkuun Anannganman ɔ ´yo man nzue ´tɔ ninnge nga amun luali'm be su. Yɛ amun ´nyan aliɛ b'ɔ ti kpa, amun ´nyɛn i kpanngban kpa. I blɛ sɔ nun'n, lika nga amun nnɛn'm be didi nun'n, be ´yo tɛtrɛ kpa.

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 32:20

Sanngɛ be bɔ be lua like nzue'm be nuan'n, bɔ be yaci nannin mun nin aflunmun'm be nun be kɔ kan be klo'n, be liɛ su ti ye.

Ezai 44:3

Afin n wa yo man nzue ´tran mɛn nga nzue we kun i nun sran mun'n i nun. Yɛ n wa yo man nzue ba'm be ´sonji asiɛ kee'n nun. N ´fa min wawɛ'n m ´man amun osu'n nunfuɛ mun, yɛ n ´yo amun mma'm be ye .

Ezai 45:8

Sɛ bɔlɛ ufue'n ɔ ´fin nyanmiɛn su lɔ ´gua o, sɛ sa kpa'n i yolɛ'n ɔ ´fin nyanmiɛn ble'n nun ɔ ´gua kɛ nzue'n b'ɔ tɔ'n sa o, sɛ asiɛ'n ɔ ´kpaci nan sran'm bé ti nyanlɛ'n ɔ ´bo nyrɛ nun kɛ waka sa o, yɛ sɛ sa kpa'n i yolɛ'n ɔ ´fifi nun kɛ waka mma sa o, min Anannganman, min yɛ n yo sa sɔ'm be kwlakwla-a!»

Ezai 48:18

Sɛ ɔ ti kɛ amun sieli amún su mmla nga m mannin amun'n i bo'n, wuun amun ´di alaje. Sɛ alaje sɔ'n ti nzue'n, wuun n ´se kɛ ɔ ´yo kɛ nzue ba kun b'ɔ sonji kpuu b'ɔ kpɛ-man'n sa. Sɛ ɔ ti kɛ amun sieli amún su mmla sɔ'n i bo'n, wuun amun ´nyan muae. Sɛ muae sɔ'n ti jenvie'n, wuun n ´se kɛ ɔ ´bo gua cenje'n su tititi.

Ezai 5:6

N ´saci i, be su kpɛkpɛ-man vinyi'n su kun, be su tutu-man fie'n nun kun. Flɔn nin owie'm be ´fifi nun, yɛ n ´se nzue ng'ɔ mlan'n kɛ nán ɔ tɔ su.

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Ezai 55:6

Blɛ bɔ be fa bé wun mantan Anannganman ɔ tɛ yo ye'n, amun `kpɛ amun nyin i wun lɔ, kɛ ɔ tɛ o koko'n, amun `kpan flɛ i.

Zeremi 50:4

I sɔ blɛ'n nun yɛ Izraɛlfuɛ mun nin Zidafuɛ mun be ´ba likawlɛ nin-ɔn, be ´ba'n, wuun be ´sun. Be ´kunndɛ Anannganman be Nyanmiɛn'n.» Anannganman'n yɛ ɔ kan sɔ-ɔ.

Ezekiɛl 34:26

N ´yaci be lɛ be ´tran min oka'n i wun lɛ. N ´yo man nzue'n ɔ ´tɔ i tɔlɛ blɛ'n nun, yɛ ɔ wa yo be muae like.

Ndɛ Nga Nyanmiɛn I Nuan Ijɔfuɛ Oze Kannin'n 12:6

Nyanmiɛn b'ɔ sie mɛn wunmuan'n, bɔ be flɛ i Anannganman'n seli i kɛ:

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Ndɛ Nga Nyanmiɛn I Nuan Ijɔfuɛ Oze Kannin'n 8:7

Sɛ n ´kwla se'n, aunngban yɛ amun luali-ɔ, seke b'ɔ tu'n kusu yɛ amun wa ti-ɔ. ?Ble fekle'n, be fa yi sanmlɛn sɛ yɛ ɔ yo ye-ɔ? Sɛ bɔ be fa yi sanmlɛn'n aofuɛ mun yɛ be ´di-ɔ.

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!

Amɔs 5:4

Ndɛ nga Anannganman kan kle Izraɛlfuɛ mun'n yɛ: «Sɛ amun ´wun kɛ amun ´ka nguan nun'n, wuun amu'an mantan min .

Amɔs 5:6

Zozɛf osu nunfuɛ mun, sɛ amun klo kɛ amun ´nyan nguan'n, Anannganman'n yɛ ɔ fata bɔ amun mɛntɛn i-ɔ. Sɛ ɔ'a yo-man sɔ-ɔ, ɔ wa kaci kɛ sin sa, ɔ ´to amun, ɔ ´di amun. An su nyan-man sran fi Betɛl lɔ b'ɔ ´nuan sin sɔ nin-ɔn.

Amɔs 5:8

Sran ng'ɔ yili nzraama akpasua akpasua mun sran nga b'ɔ san aliɛ'n cɛn aliɛ, b'ɔ cɛn aliɛ'n b'ɔ san aliɛ'n, b'ɔ flɛ jenvie nzue'n fa ba asiɛ kee'n su'n, be flɛ i kɛ Anannganman.

JÉSUS-CHRIST I DYASIN FE'N BO LUC KLELI'N 13:24

«An `mian amún nyin an `sin anuan fii'n nun. Afin an `nian, sran kpanngban be klo kɛ be ´sin nun, sanngɛ be su kwla sin-man.

Sa nga bé yôli'n 2:18

Yɛ cɛn sɔ'm be nun, n ´fa n Wawɛ'n man n sran mma mun, yasua o, bla o, be ´ijɔ min nuan.

2 Korɛntfuɛ Mun 9:10

Nyanmiɛn b'ɔ man awie guafuɛ'n i awie b'ɔ gua'n, b'ɔ man sran nuan nun aliɛ'n , i kunngba'n ɔ ´man amun like nga amun ´fa yo aklunye'n, ɔ man ɔ ´yo kpanngban, yɛ amun agualiɛ'n ɔ ´gua amun kpa.

Jacques 3:18

Be nga be siesie afiɛn'n, be ti kɛ fie difuɛ sa. Sɛ alaje o lɛ nan be lua like'n, like nga be nyɛn i nun'n yɛlɛ sa i nuan su yolɛ'n.