Ndɛ Nga Nyanmiɛn I Nuan Ijɔfuɛ Oze Kannin'n 1:7 - NYANMIƐN NDƐ'N 1998

⁷ Sanngɛ n wa si Zidafuɛ'm be aunnvuɛ. M bɔbɔ min Anannganman bɔ n ti be Nyanmiɛn'n n ´de be. Delɛ nga n ´de be'n, nán ta nin tokofi, nin alɛ kunlɛ, nin nnɛn kpanngɔ mun, ɔ nin nnɛn kpanngɔ su fufuɛ mun yɛ n ´fa de be-ɔ .»

Ndɛ Nga Nyanmiɛn I Nuan Ijɔfuɛ Oze Kannin'n 1:7 ပူးပေါင်းရင်းမြစ်များ

2 Famiɛn Mun 19:29

Ezekias, n ´kan sa nga be wa ju'n n ´kle wɔ. Afuɛ'n, ninnge nga be fifi fie'm be su ngbɛn sa'n, bé su mma'n yɛ amun ´fa yo aliɛ be ´di-ɔ. Afuɛ ng'ɔ ´ba lɛ'n, amun ´di i sɔ ekun, sanngɛ afuɛ ng'ɔ ´su i su'n, amun ´lua ble, amun ´ta vinyi waka, amun ´di i su mma'n.

2 Famiɛn Mun 19:34

M bɔbɔ min dunman'n ti, ɔ nin min sufuɛ David ti, n ´sasa klɔ nga, yɛ n ´de i nun sran mun.› »

2 Famiɛn Mun 19:35

Le kun sɔ'n i kɔnguɛ'n, Anannganman i anz'n ɔli Asirifuɛ'm be nanmue'n nun lɔ. Ɔ ko kunnin sran akpi-akpi ya sran akpi-akpi ablaɔcuɛ-nin-nnun (185.000). Be ´jaso nglɛmun'n, nanmue nun ti fuɛn ngunmin.

2 Famiɛn Mun 6:18

Sirifuɛ'm be sonja'm be tili Elize i ndɛnman. Yɛ Elize srɛli Anannganman-an. Ɔ seli i kɛ: «Anannganman, yo man sran nga'm be nyinma'n si.» Yɛ Anannganman man be nyinma'n sili kɛ Elize srɛli i'n sa-a.

Jue Mun 33:16

Kɛ famiɛn kun ɔ ´kun alɛ b'ɔ ´fite nun'n, nán sonja kpanngban b'ɔ lɛ i'n be fanngan nun ti-ɔ. Kɛ safunyrɛn'n ɔ ´nyɛn i ti lɛ'n, nán fanngan dan b'ɔ lɛ i'n ti-ɔ.

Jue Mun 44:7

Afin nán min ta'n su yɛ n lafi-ɔ, nán min tokofi'n yɛ man n kwla-a.

Ezipt Lɔ Tulɛ'n 14:13

Moiz tɛli bé su kɛ: «Nán srɛ kun amun. Amun `jran kan amun o lɛ'n, an wa wun wafa nga Anannganman wa fa de amun ndɛ'n. Afin Eziptfuɛ nga amun wun be ndɛ yɛ'n, amun su wun-man be kun mlɔnmlɔn.

Ezipt Lɔ Tulɛ'n 14:30

Cɛn sɔ nun'n, Anannganman deli Izraɛlfuɛ mun Eziptfuɛ'm bé sa nun, yɛ Izraɛlfuɛ'm be wunnin Eziptfuɛ'm be fuɛn mun jenvie'n nuan lɛ.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Zeremi 25:5

I nuan ijɔfuɛ'm be seli amun kɛ: ‹Amun kwlaa an `yaci amun nzuɛn tɛ'n, an `yaci amun aeliɛ tɛtɛ'n, i liɛ'n, amun ´ka lika nga Anannganman'n fa mannin amun nannan mun nin amun'n, amun ´ka nun mlɔnmlɔn.›

Zeremi 25:6

Be seli amun kɛ: ‹Nán an fa amun wun mantan amuɛn mun, nán an sɔ be, nán an koto be bo. Nán an fa amún sa nuan like man be, be kun min ya. Sɛ amu'an yo-man sɔ'n, n su yo-man amun like fi.

Zeremi 33:26

wuun n yi Zakɔb osu'n nin min sufuɛ David i liɛ'n be ase-ɔ ɔ yo ye, wuun n su fa-man be osu'n nun sran b'ɔ ´sie Abraam nin Izaak, nin Zakɔb be osu nin-ɔn. N ´fa be sran nga be trali be lomuɛn'n n ´sa be sin, yɛ n ´si be aunnvuɛ .»

Ndɛ Nga Nyanmiɛn I Nuan Ijɔfuɛ Oze Kannin'n 1:8

Kɛ Gɔmɛr kpɛli Nsi-man-be-aunnvuɛ i nyɔnflɛn'n, ɔ wunnzɛli nan ɔ'a wu ba yasua kun.

Zakari 4:6

Nan ɔ'a yiyi nun ɔ'a kle min. Yɛ ɔ seli min kɛ yoo: «Ndɛ nga Anannganman'n kan kle Zorobabɛl'n yɛ. I waan: ‹Nán kɛ ɔ wue kekle'n ti-ɔ, yɛ nan kɛ ɔ wunmiɛn dan'n ti, yɛ a kwla di junman nin-ɔn, sanngɛ min Wawɛ'n ti yɛ man a kwla di-ɔ.

1 Samiɛl 17:47

Yɛ kusu, sran nga b'a yia kukuku yɛ'n be ´si kɛ nán tokofi, annzɛ kusu cua yɛ Anannganman fa de sran-an, afin Anannganman yɛ ɔ kwla-a. Ɔ ´fa amun wlɛ é sa nun.»