Ndɛ Nga Nyanmiɛn I Nuan Ijɔfuɛ Oze Kannin'n 1:1 - NYANMIƐN NDƐ'N 1998

¹ Fluwa nga i nun ndɛ'm be ti Anannganman i ndɛ yɛ ɔ fa wlɛli Beeri i wa Oze nuan kɛ ɔ `kan-an. Kɛ ɔ ´fa wlɛ i nuan sɔ'n, wuun Zɔas i wa Zeroboam yɛ ɔ ti famiɛn Izraɛl mɛn'n su-ɔ. I blɛ kunngba sɔ'n nun yɛ Ozias, nin Zɔtam, nin Akaz, ɔ nin Ezekias be yoli famiɛn Zida lɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 1:1 ပူးပေါင်းရင်းမြစ်များ

2 Famiɛn Mun 13:13

Zɔas wuli, be sieli i Samari kan be sieli Izraɛl famiɛn'm be lɛ'n. Yɛ Zeroboam sinnin i osu-ɔ.

2 Famiɛn Mun 14:16

Zɔas wuli. Be sieli i Samari lɔ kan be sie Izraɛl famiɛn'm be lɛ'n. Yɛ i wa Zeroboam sinnin i osu-ɔ.

2 Famiɛn Mun 14:23

Kɛ Zɔas i wa Amazia yoli Zida famiɛn'n, i afuɛ blu-nin-nnun'n su yɛ Zɔas i wa Zeroboam kusu yoli Izraɛl famiɛn-ɔn. Ɔ yoli famiɛn Samari lɔ afuɛ ablanan-nin-kun.

2 Famiɛn Mun 15:32

Kɛ Rɛmalia i wa Pekak yoli Izraɛl famiɛn'n, i afuɛ nnyɔn'n su yɛ Azaria i wa Zɔtam kusu yoli Zida famiɛn-ɔn.

2 Famiɛn Mun 15:5

Anannganman fali tukpacɛ tɛ kpa kun yili famiɛn'n su. Kokowe yoli i. Ɔ kɛli i wun lele ɔ fa wuli. I ti, i ngunmin trannin sua kun nun. I wa Zɔtam yoli i awlo'n su kpɛn, yɛ i kunngba'n sieli mɛn'n.

2 Famiɛn Mun 15:7

Azaria wuli. Be sieli i i si'm be asieliɛ'n nun David i klɔ lɔ. Yɛ i wa Zɔtam sinnin i osu-ɔ.

2 Be Nyoliɛ 27:1

Kɛ Zɔtam ´yo famiɛn'n, wuun ɔ lɛ afuɛ ablaɔn-nin-nnun. Ɔ trannin Zerizalɛm lɔ afuɛ blu-nin-nsiɛn. Be flɛ i nin'n kɛ Zɛrisa, Zadɔk i wa-a.

2 Be Nyoliɛ 28:1

Kɛ Akaz ´yo famiɛn'n, wuun ɔ lɛ afuɛ ablaɔn. Ɔ trannin Zerizalɛm lɔ afuɛ blu-nin-nsiɛn. Ɔ'a yo-man sa nga be yo Anannganman fɛ'n kɛ i nannan David sa.

2 Be Nyoliɛ 29:33

Yɛ tɛ kun'n be liɛ'n, be mannin nannin ya nsiɛn nin bua nin boli akpi nsan (3.000).

Ezai 1:1

Amɔz i wa Ezai i aolia nun like ng'ɔ wunnin i'n, ɔ nin ng'ɔ tili'n, b'ɔ ti Zida nin Zerizalɛm bé wun ndɛ'n. Ɔ wunnin i Ozias, nin Zɔtam, nin Akaz, ɔ nin Ezekias bɔ be ti famiɛn'n bɔ be fin Zida'n be blɛ su.

Ezai 7:1

Blɛ nga bɔ Ozias i wa Zɔtam i klun ba Akaz ɔ ti Zida famiɛn'n, Rɛzɛn b'ɔ ti Siri famiɛn'n nin i sran'm be bali kɛ be nin Zerizalɛmfuɛ'm be ´kun. Be nin Rɛmalia i wa Pekak yɛ be bali-ɔ. Be waan be ´tɔ Zerizalɛmfuɛ'm be su, be yoli lele ɔ'a yo-man ye.

Zeremi 1:2

Anannganman kannin ndɛ kleli i famiɛn Zozias i sielɛ'n i afuɛ blu-nin-nsan'n su. Amɔn b'ɔ ti Zida famiɛn'n i wa yɛlɛ Zozias.

Zeremi 1:4

Anannganman'n kannin ndɛ kleli min. I waan:

Zoɛl 1:1

Ndɛ nga bɔ Anannganman'n fa wlɛli Pɛtiɛl i wa Zoɛl i nuan kɛ ɔ kan'n yɛ:

Amɔs 1:1

Tekoa lɔ nnɛn kankanfuɛ nga be flɛ i kɛ Amɔs i nuan su ndɛ yɛ ɔ o fluwa nga nun-ɔn. Anannganman yili Izraɛl mɛn'n i wun ndɛ'n i nglo kleli i. Kɛ ɔ yili kleli i sɔ'n, i afuɛ nnyɔn b'ɔ ´ju'n yɛ asiɛ'n kejeli-ɔ. Blɛ sɔ nun'n, wuun Ozias yɛ ɔ ti Zida famiɛn nin-ɔn. Zɔas i wa Zeroboam kusu yɛ ɔ ti Izraɛl famiɛn nin-ɔn .

Zonas 1:1

Cɛn kun Anannganman kannin ndɛ yɛ'n kleli Amitai i wa Zonas. Ɔ seli i kɛ:

Mise 1:1

Zida famiɛn mun Zɔtam nin Akaz, ɔ nin Ezekias be blɛ su'n Anannganman fa ndɛ wlali Mise b'ɔ fin Mɔresɛt'n i nuan kɛ ɔ kan . Aolia nun sa ng'ɔ wunnin i Samari klɔ'n nin Zerizalɛm klɔ'm bé wun ndɛ-ɔ:

Zakari 1:1

Kɛ be sieli Dariis famiɛn'n i afuɛ nnyɔn'n i anglo mɔcuɛ'n su'n Anannganman'n kannin ndɛ kleli Zakari, Ido i wa Berekia i wa liɛ'n,

Jean 10:35

E si kɛ sran fi kwla nunnun-man Nyanmiɛn ndɛ nga be klɛli'n. Be klɛli i kɛ be nga Nyanmiɛn fɛ i mmla mannin be'n be ti kɛ Nyanmiɛn sa.

Rɔmfuɛ Mun 9:25

E kɛnngɛn Oze fluwa'n nun kɛ Nyanmiɛn seli kɛ: «Be bɔ be ti-man n sran'n, n ´flɛ be n sran. Yɛ nvle nga n klo-mɛn i'n, n ´flɛ nvle sɔ'n nunfuɛ mun n sran kpa .»

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.