Hébreu 9:3 - NYANMIƐN NDƐ'N 1998

³ Yɛ tannin i nnyɔn su'n i sin lɔ sua ba liɛ'n be flɛli Nyanmiɛn lika kpa tra su .

Nyanmien nde Ufle

³ Ye tannin i nnyon su'n i sin lo sua ba lie'n bé flee Nyanmien lika kpa.

Hébreu 9:3 ပူးပေါင်းရင်းမြစ်များ

1 Famiɛn Mun 6:16

Kɛ be wlu sua'n nun lɔ'n, sua ba kun o be nyrun ndɛnman su lɛ. Salomɔn fali sɛdri waka yɛ ɔ fa yoli-ɔ. I tɛtrɛ nun'n ti mɛtri blu, ɔ fɛ i sɔ asiɛ wun lele to plafɔn'n. Be yoli sua ba sɔ'n i klun'n klanman. Be fa yoli Nyanmiɛn i lika kpa tra su'n. Lɛ yɛ be fali Nyanmiɛn i alaka'n be sieli-ɔ.

1 Famiɛn Mun 8:6

Nyanmiɛn nyrun jranfuɛ'm be fali alaka'n be ko sieli i Nyanmiɛn i lika kpa tra su nun lɔ. Be fa sieli anz nga be nian Nyanmiɛn i ninnge'm be su'n be nzɔliɛ'm bé bo lɛ. Ɔ o be ndɛwa'm bé bo, afin lɛ yɛ be kleli be kɛ be sie i-ɔ.

2 Be Nyoliɛ 3:14

Be fali lɛn mma plili be yoli tannin dan kun. Be wlɛli i ble nzue-nzue, nin ɔkwlɛ kankankan, ɔ nin ɔkwlɛ youun. Be yoli anz'm be nzɔliɛ tannin sɔ'n su.

Ezipt Lɔ Tulɛ'n 40:21

Be fali alaka'n be wlɛli i tannin sua'n nun lɔ, i sin be sendeli rido nga b'ɔ kata alaka'n i nyrun'n kɛ Anannganman kan kleli Moiz kɛ ɔ `yo'n sa.

Ezipt Lɔ Tulɛ'n 40:3

Man be fa min alaka'n be sie i nun lɔ, nan be kɛtɛ i nyin nin rido'n.

Ezai 25:7

Kɛ be o oka sɔ'n su, ɔ ´yi sɛ tannin ng'ɔ kata sran'm be kwlaa be su'n, ɔ ´yi awlaboɛ kondro ng'ɔ kata nvle-nvle be kwlaa be su'n.

Ezekiɛl 41:4

Ɔ sunnzunnin sua'n bɔbɔ, i bue nnyɔn'n kwlaa ti mɛtri blu blu. Ɔ seli min kɛ: «Wa yɛ be flɛ i Nyanmiɛn lika kpa tra su nin-ɔn.»

Kalɛ 4:5

Blɛ bɔ Izraɛlfuɛ'm be wa tu bé bo be kɔ'n, man Aarɔn nin i mma'm be dun mmua yi rido b'ɔ kpɛ min lika nun'n, nan be `fa kata min alaka'n su.

Matthieu 27:51

Kpɛkuun tannin dan'n bɔ be fa kpɛ Nyanmiɛn i sua nun'n, ɔ kpacili i nglo lɔ lele fa juli i ngua wa, asiɛ'n kejeli, yɛbuɛ'm be kpukeli .

Hébreu 6:19

Like nga é wla o su sɔ'n ti kɛ mmeli i blalɛ'n bɔ be fa jrɛn i'n sa, ɔ tra ye ase. Ɔ tra kpa tankaan, e lafi i su. Ɔ wlu lele juli tannin b'ɔ kpɛ nyanmiɛn su lɔ Nyanmiɛn sua dan'n nun'n i sin lɔ .

Hébreu 9:7

Sanngɛ sua ba i nnyɔn su'n, Nyanmiɛn nyrun jranfuɛ'm be su kpɛn'n i ngunmin yɛ ɔ wlu lɔ afuɛ kun nun kpɛ kun-ɔn. Kɛ ɔ ´wlu lɔ'n, san ɔ ´fɛ i bɔbɔ i ti nnɛn'n i mmoja'n, ɔ nin sran'm be fɔnlɛ'n i ti nnɛn'n i mmoja'n yɛ ɔ wlu lɔ-ɔ .

Hébreu 9:8

Nyanmiɛn Wawɛ'n fɛ i sɔ sa'n kle e kɛ kɛ tannin sua klikli liɛ'n tɛ o lɛ'n, wuun atin ng'ɔ kɔ Nyanmiɛn lika kpa'n nun lɔ'n nian bo-man.