Hébreu 8:2 - NYANMIƐN NDƐ'N 1998

² Ɔ di Nyanmiɛn nyrun jranlɛ junman Nyanmiɛn lika kpa'n bɔ yɛlɛ tannin sua kpa nga nán sran yɛ ɔ kplannin bɔ e Min'n bɔbɔ yɛ ɔ kplannin'n nun.

Nyanmien nde Ufle

² O di Nyanmien nyrun dyranle dyunman Nyanmien lika kpa'n bo yele tannin sua kpa nga nanh swran ye o kplannin bo é Min'n bobo ye o kplannin'n nun.

Hébreu 8:2 ပူးပေါင်းရင်းမြစ်များ

Ezipt Lɔ Tulɛ'n 25:9

Kɛ amun ´yo tannin sua nga n yi min wun nglo nun'n nin i klun lɔ ninnge mun'n, amun `nian jajalɛ nga n wa fa kle amun yɛ'n su yɛ amun yo-ɔ.»

Ezipt Lɔ Tulɛ'n 28:1

«Moiz, fa ɔ niaan bian Aarɔn nin i wa Nadab, nin Abii, nin Eleazar, ɔ nin Itamar man be bla ɔ́ wun wa. Sie be ngunmin man be di min nyrun jranlɛ junman'n.

Ezipt Lɔ Tulɛ'n 28:35

Man Aarɔn wla tralɛ sɔ'n blɛ b'ɔ ´di min nyrun jranlɛ junman'n. Blɛ b'ɔ ´wlu lika kpa'n nun b'ɔ ´kɔ min Anannganman min nyrun'n annzɛ kusu kɛ ɔ fin lɔ ´fite'n, man be ti glein'n i tɛlɛ. Kɛ ɔ yo sɔ'n liɛ'n, ɔ su wu-man.

Ezipt Lɔ Tulɛ'n 33:7

Kɛ be yoli ngblaliɛ'n, Moiz fali Nyanmiɛn i tannin sua'n nan ɔ'a ko kplɛn i klɔ'n sin mmua lɔ kan. Be flɛ i kɛ tannin sua nga Nyanmiɛn yi i wun nglo nun'n. Sran kwlaa nga i waan ɔ ´si Anannganman i klun sa'n, ɔ jaso ngblaliɛ'n nun lɔ kɔ tannin sua sɔ'n i wun lɔ.

JÉSUS-CHRIST I DYASIN FE'N BO LUC KLELI'N 24:44

I sin ɔ seli be kɛ: «Ndɛ nga yɛ kɛ min nin amun tɛ o lɛ'n n kan kleli amun nin-ɔn, n kɛnnin i kɛ mín wun ndɛ nga be klɛli i Moiz mmla nun'n, nin Nyanmiɛn nuan ijɔfuɛ'm be ndɛ'n nun'n, ɔ nin Nyanmiɛn Jue fluwa be nun'n, san i kwlaa'n ´kpɛn su.»

Rɔmfuɛ Mun 15:8

Yoo: Jésus-Krist bali be nga be wla klɛn'n be lika nianlɛ nan be wun kɛ Nyanmiɛn ti nanwlɛfuɛ. Ɔ bali kɛ ɔ ´yo like nga Nyanmiɛn seli e nannan'm be kɛ ɔ ´yo man be'n.

2 Korɛntfuɛ Mun 5:1

Afin e si kɛ e wunnɛn ng'ɔ o yɛ'n ɔ ti kɛ kpata sa. Sɛ ɔ saci'n, Nyanmiɛn ´man e tranwlɛ uflɛ nyanmiɛn su lɔ b'ɔ ti-man sran sa nuan yɛ ɔ su saci-man le.

Kolɔsfuɛ Mun 2:11

Sran wunmuan bɔ amun nin i a kaci'n ti, b'a wla amun klɛn, amun klɛn liɛ sɔ'n, nán sran yɛ ɔ wlali-ɔ, sanngɛ ɔ fin Krist bɔbɔ, i bo kle kɛ amun nin sa tɛ'n b'a bu.

Hébreu 10:11

Cɛn kwlaa Nyanmiɛn nyrun jranfuɛ'm be kwlaa be o be junman'n su, be sɔ Nyanmiɛn i wafa kunngba'n titi, sanngɛ i sɔlɛ sɔ'n kwla wie-man bé wun sa'n mlɔnmlɔn .

Hébreu 10:21

E lɛ Nyanmiɛn nyrun jranfuɛ'm be su kpɛn kun bɔ be fɛ i sieli Nyanmiɛn i awlo'n su.

Hébreu 11:10

Afin ɔ minndɛ klɔ kpa nga be wlɛli i sua'm bé bo ase kpa'n, bɔ Nyanmiɛn bɔbɔ yɛ ɔ jajali yɛ ɔ kplannin'n.

Hébreu 9:1

Aenguɛ nga Nyanmiɛn nin sran'm be trɛli i laa'n, ɔ lɛ i Nyanmiɛn sulɛ'n su mmla nin i sua asiɛ'n su wa .

Sa nglô yile 21:3

N tili sran kun nɛn kekle kpa bia'n wun lɔ, ɔ seli kɛ: «Siɛn'n Nyanmiɛn i tranwlɛ'n wo sran'm be afiɛn! Ɔ nin be ´tran, be ´yo i sran, yɛ i bɔbɔ ´yo be Nyanmiɛn .