Hébreu 5:4 - NYANMIƐN NDƐ'N 1998

⁴ Sran fi jao se-man kɛ ɔ kunndɛ dunman kɛ be fɛ sie i Nyanmiɛn nyrun jranfuɛ'm be su kpɛn, Nyanmiɛn bɔbɔ yɛ ɔ flɛ sran kɛ be sie i i nyrun jranfuɛ'm be su kpɛn kɛ ɔ flɛli Aarɔn'n sa.

Nyanmien nde Ufle

⁴ Swran fi dyaô sé'a ke o kunnde dunman ke bé fe sié Nyanmien nyrun dyranfue dan, Nyanmien bobo ye o fle swran ke bé siéé i nyrun dyranfue daan, ke o fleli Aaron'n sa.

Hébreu 5:4 ပူးပေါင်းရင်းမြစ်များ

1 Be Nyoliɛ 23:13

Amram wuli Aarɔn nin Moiz. Be sieli Aarɔn nin i osu'n nunfuɛ'm be kwlaa be ngunmin kɛ be `di junman Nyanmiɛn i sua'n i lika kpa tra su'n nun tititi, nan be yi sraka nga be yra ansans be man Anannganman'n, nan be su i, nan i sin be fɛ i dunman'n be yra sran'm be nguan.

2 Be Nyoliɛ 26:18

Be ko jrannin famiɛn'n nyrun lɛ, yɛ be seli i kɛ: «Kpli, a lɛ-man atin kɛ a fa ansans yrɛ i man Anannganman. I sɔ junman liɛ'n ti Aarɔn osu'n nunfuɛ bɔ be ti Nyanmiɛn nyrun jranfuɛ'n be liɛ, afin be sieli be ngunmin i sɔ yolɛ'n ti. Fin Nyanmiɛn i sua'n nun fite, yɛlɛ kɛ w'a fɔn. A su nyan-man nyrun Anannganman b'ɔ ti Nyanmiɛn'n i sa nun sa sɔ'n ti.»

Ɛsdras 7:5

Abisia liɛ'n yɛlɛ Fine, Fine liɛ'n yɛlɛ Eleazar, yɛ Eleazar liɛ'n yɛlɛ Aarɔn b'ɔ ti Nyanmiɛn nyrun jranfuɛ'm be su kpɛn'n.

Ezipt Lɔ Tulɛ'n 28:1

«Moiz, fa ɔ niaan bian Aarɔn nin i wa Nadab, nin Abii, nin Eleazar, ɔ nin Itamar man be bla ɔ́ wun wa. Sie be ngunmin man be di min nyrun jranlɛ junman'n.

Saun Yolɛ 8:2

«Flɛ Aarɔn nin i wa yasua mun man be wɔ tannin sua nga n yi min wun nglo nun'n i nyrun lɔ. Tralɛ nga min nyrun jranfuɛ'm be wla'n, ɔ nin ngo nga be fa gua bé ti su'n, fa be bla. Nannin tola nga be fa yi min kpatalɛ tɛ'n, fa bla. Bua nene nnyɔn'n nin gbogbo nga kpaun nga b'a gua-man nun kpaun ayre'n o nun'n, fa be bla.

Kalɛ 16:10

Wɔ Kɔre, a nin ɔ niaan Levifuɛ'm be kwlaa, Anannganman fali amun kɛ amun mɛntɛn i, kpɛkuun amun waan amun ´yo i nyrun jranfuɛ.

Kalɛ 16:35

Kpɛkuun Anannganman yoli man sin taaman kun fin i wun lɔ wa jrali sran ya nnyɔn sran ablenun bɔ be su fa ansans be ´mɛn i'n be su nan ɔ'a yra be sekeseke kpan.

Kalɛ 16:5

nan ɔ'a se Kɔre nin be nga be su i su'n be kɛ: «Ainman nglɛmun'n, Anannganman wa kle sran ng'ɔ ti i liɛ klonglo b'ɔ fata kɛ ɔ mɛntɛn i'n. Ɔ wa yo man sran nga i bɔbɔ kpɛli i'n, sran sɔ'n ɔ wa mɛntɛn i .

Kalɛ 16:7

nan ainman amun `gua be nun sɛnmlɛn, yɛ amun `fa ansans be `gua be su nan amun `fa be `sie Anannganman nyrun. Kpɛkuun e wa wun sran nga Anannganman kpɛli i'n. I yɛ ɔ ti i liɛ klonglo nin-ɔn. Amun Levifuɛ mun amun liɛ'n, ɔ'a flan min ngboko siɛn'n.»

Kalɛ 18:7

Sanngɛ wɔ Aarɔn, ɔ liɛ'n, a nin ɔ mma mun amun `di min nyrun jranlɛ junman'n min sɔwlɛ'n su nin min lika kpa i nun rido'n i sin lɔ. M bɔbɔ min yɛ n fɛli i sɔ junman'n m mannin amun-ɔn. Sɛ sran uflɛ wunnge mín wun wa'n, man be kun i .»

Kalɛ 3:3

Aarɔn i mma mun yɛ be o lɛ-ɔ, be guali bé ti su ngo, yɛ be sieli be ngunmin kɛ be `yo Nyanmiɛn i nyrun jranfuɛ. Be wluli junman sɔ'n nun.

Jean 3:27

Zan seli be kɛ: «Like nga Nyanmiɛn a man-man sran kun'n, ɔ nyɛn-mɛn i.