Hébreu 5:2 - NYANMIƐN NDƐ'N 1998

² Kɛ i bɔbɔ ti sran b'ɔ kwla-man like fi yo'n ti'n, ɔ kwla wun be nga be wun-man sa wlɛ'n, nin be nga be fɔn'n, be aunnvuɛ.

Nyanmien nde Ufle

² Ke i bobo ti swran b'o kwla'a liké fi yô'n ti, o kwla wun bé nga bé wu'an sa wle'n, nin bé nga bé fon'n bé aunnvue.

Hébreu 5:2 ပူးပေါင်းရင်းမြစ်များ

Ezipt Lɔ Tulɛ'n 32:8

B'a yaci atin nga n kleli be'n lɛ lalaa, b'a klo sika ɔkwlɛ b'a yo nannin ba kun, b'a koto i bo, b'a yi sraka mun b'a mɛn i, kpɛkuun be seli kɛ: ‹Izraɛlfuɛ mun, amun like ng'ɔ fa amun Ezipt lɔ bali'n yɛ.› »

Ezai 29:24

Be nga be wun-man sa wlɛ kun'n, be wa wun ndɛ nga n kan be be wlɛ siɛn'n. Be nga be kaci bé nuan cɛn kwlaa, be ´yaci bé wun lɛ, n ´kle be like.»

Ezai 30:11

Amun `jaso nanwlɛ atin'n su, amun `yaci atin kpafuɛ'n. Nán amun bo Izraɛl Nyanmiɛn'n i dunman'n su kle ye kun.»

JÉSUS-CHRIST I DYASIN FE'N BO LUC KLELI'N 22:32

Sanngɛ n kan ɔ ndɛ n kleli Nyanmiɛn kɛ n su bɔ a lafi'n, nán man a kpɔnzɔ. Ɔ kusu sɛ a kaci'n, wla ɔ niaan'm be fanngan.»

2 Korɛntfuɛ Mun 11:30

Sɛ be waan e `di é nuan'n, n liɛ'n n fuɛn bɔ n ti'n i ndɛ'n yɛ n ´kan-an.

2 Korɛntfuɛ Mun 12:5

N ´fa sran sɔ'n n di min nuan, sanngɛ sɛ ɔ ti-man n fuɛn'n bɔ n ti'n i wun ndɛ kanlɛ'n, n lɛ-man like uflɛ fi bɔ n ´kɛn i wun ndɛ n fa di min nuan-an.

Galasifuɛ Mun 4:13

An si kɛ jasin fɛ bɔ n kan kleli amun kliklikli'n, tukpacɛ'n b'ɔ tɔli min su'n ti yɛ n nyannin min ti n kannin-ɔn.

Efɛzfuɛ Mun 4:18

yɛ be kwla wun-man sa wlɛ. Nguan nga Nyanmiɛn fa man sran'n, be dunman tɛ-man nun wie, afin b'a kete, ɔ man be si-man sa fi.

Hébreu 12:13

An `kpɛ atin nga an sin nun'n kpa nan sran nga i ja ti-man kpa'n i ja'n ɔ'a fɔnndɔn-man, sanngɛ ɔ'a yo juejue'n ti.

Hébreu 2:17

Kɛ ɔ ´yo nan ɔ'a yo Nyanmiɛn nyrun jranfuɛ'm be su kpɛn'n, nan ɔ'a si i niaan'm be aunnvuɛ'n nan ɔ'a si Nyanmiɛn junman'n di kpa'n, nan ɔ'a kwla yaci sran'm bé wun sa'n ɔ'a cɛ be'n, san ɔ ´kaci i wun kɛ be sa.

Hébreu 2:18

Afin kɛ ɔ wunnin nyrɛnnɛn lakalɛ bɔ be lɛkɛli i'n ti'n, i kusu kwla uka be nga be laka be'n.

Hébreu 4:15

Afin Nyanmiɛn nyrun jranfuɛ nga e lɛ i'n, ɔ ti-man sran b'ɔ si-man kɛ e kwla-man like fi yo-ɔ, afin like nga be fa lakali ye'n, be fɛ i kwlaa'n lɛkɛli i wie, sanngɛ ɔ'a yo-man sa tɛ le.

Hébreu 7:28

Be nian mmla'n su be fa sran'm bɔ be kwla yo-man like fi'n sieli Nyanmiɛn nyrun jranfuɛ dan, sanngɛ kɛ mmla'n wo lɛ lele'n, ndɛ nga Nyanmiɛn wa ta nda kannin'n ti ɔ fɛli i Wa'n b'ɔ ti kpa lele guɛ i ti nin i bo'n sieli i nyrun jranfuɛ'm be su kpɛn .

Hébreu 9:7

Sanngɛ sua ba i nnyɔn su'n, Nyanmiɛn nyrun jranfuɛ'm be su kpɛn'n i ngunmin yɛ ɔ wlu lɔ afuɛ kun nun kpɛ kun-ɔn. Kɛ ɔ ´wlu lɔ'n, san ɔ ´fɛ i bɔbɔ i ti nnɛn'n i mmoja'n, ɔ nin sran'm be fɔnlɛ'n i ti nnɛn'n i mmoja'n yɛ ɔ wlu lɔ-ɔ .

Jacques 5:19

N niaan mun, an si kɛ sɛ amun nun sran wie yaci atin kpa'n b'ɔ fa-man ndɛ nanwlɛ'n su kun'n nan sran wie kle i atin kpafuɛ'n,

1 Piɛr 2:25

Laa an ti kɛ bua bɔ b'a bo nzanndri'n sa, sanngɛ siɛn'n amu'an sa amún sin amun Tafuɛ b'ɔ ti amun Sunianfuɛ'n i sin .

Jɔlɛ Difuɛ Mun 2:17

Sanngɛ kɛ be jɔlɛ difuɛ sɔ'm be kan ndɛ kle be'n, nán tilɛ yɛ be ko ti i kɛ ɔ fata'n sa-a. Be sin ko tu amuɛn nga, be sin ko tu amuɛn nga, be koto bé bo. Be kaci bé sin sili atin nga bé nannan'm be fali su'n. Bé nannan'm be nantili Anannganman i mmla'm bé su, sanngɛ b'a nian-man bé si'm be liɛ'n su.