Hébreu 4:2 - NYANMIƐN NDƐ'N 1998

² Afin jasin fɛ nga be kan kleli be nga be trannin aawlɛ flɛnnɛn nun lɔ'n, be kɛnnin i kunngba'n kleli ye kusu, sanngɛ ndɛ nga be tili'n bɔ b'a lafi-man su'n ti'n, b'a yo-man kpa.

Nyanmien nde Ufle

² Afin dyasin fe nga bé kan kléé bé'n, bé ken i kunngba'n kléli é kusu, sannge nde nga bé tili'n bo ba lafi'a su'n ti, ba yô'a kpa.

Hébreu 4:2 ပူးပေါင်းရင်းမြစ်များ

Sa nga bé yôli'n 13:46

Sanngɛ Pɔl nin Barnabas be trali be anwlɛn be kan kleli be weiin kɛ: «Amun yɛ be waan e `dun mmua kan Nyanmiɛn ndɛ'n e kle amun-ɔn, sanngɛ kɛ amu'an fa-man'n, bɔ an bu i kɛ anannganman nguan'n nin amun fata-man'n, i ti e ´kpɛ é nyin kɔ be bɔ be ti-man Zuif'n bé sin.

Sa nga bé yôli'n 3:26

Kɛ Nyanmiɛn fɛ i sran sieli i sɔ'n, amún sin yɛ ɔ sunmɛnnin i klikli-ɔ. I waan ɔ ´yo amun ye nan amun kwlakwlakwla an `yaci amun nzuɛn tɛtɛ'n.»

Rɔmfuɛ Mun 2:25

Nanwlɛ, sɛ an fa mmla'n su'n, klɛn wlalɛ'n ti kpa, sanngɛ sɛ an fa-man su'n, klɛn wlalɛ'n yo-man sa fi ye.

Rɔmfuɛ Mun 3:3

?Ɔ man e ´se sɛ? ?Sɛ sran wie'm be lafi-man Nyanmiɛn su'n, i su bɔ be lafi-man'n ti'n, ɔ man i nanwlɛfuɛ b'ɔ ti'n ɔ ´kaci?

1 Korɛntfuɛ Mun 13:3

Man n fa ń sa nun ninnge'n kwlaa n fa ta yalɛfuɛ mun, yɛ man n fa m bɔbɔ nannan su nan n nyan su dunman, sɛ n klo-man sran'n, ɔ yo-man sa fi ye man-man min.

Galasifuɛ Mun 3:2

Sa kunngba nga n klo kɛ n ´usa amun'n yɛlɛ kɛ: ?Mmla'n bɔ an fali su'n ti yɛ Nyanmiɛn fɛ i Wawɛ'n mannin amun-ɔn, annzɛ jasin fɛ'n bɔ an tili an fali su'n ti yɛ ɔ fa mannin amun-ɔn?

Galasifuɛ Mun 3:8

Yɛ be boli su Nyanmiɛn Ndɛ nga be klɛli'n nun kɛ cɛn wie be nga be ti-man Zuif bɔ be lafi Nyanmiɛn su'n, ɔ ´bu be sran kpa, ɔ man ɔ boli ndɛ fɛ sɔ'n su kleli Abraam, ɔ seli i kɛ: «Ɔ ti'n, n ´yo nvle-nvle'm be kwlaa be nunfuɛ'm be ye .»

Galasifuɛ Mun 4:13

An si kɛ jasin fɛ bɔ n kan kleli amun kliklikli'n, tukpacɛ'n b'ɔ tɔli min su'n ti yɛ n nyannin min ti n kannin-ɔn.

Mmla'n 1:32

Sanngɛ i blɛ sɔ nun'n, amu'an fa-man amún wla b'a gua-man Anannganman amun Nyanmiɛn'n su.

1 Tɛsalonikfuɛ Mun 1:5

Afin kɛ e kan jasin fɛ'n i ndɛ kleli amun'n, y'a kɛn-mɛn i é nuan nun ngbɛn, Nyanmiɛn Wawɛ'n yɛ ɔ tinnin ye-ɔ, ɔ man ye wun i wlɛ kpa kɛ ndɛ nga e kan'n ti nanwlɛ, yɛ Nyanmiɛn Wawɛ di junman amun afiɛn. Kɛ e o amun wun lɔ'n an si e wun wafa nga e yoli'n, amun ti yɛ e yoli e wun sɔ-ɔ.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.

Hébreu 11:6

Afin sɛ be lafi-mɛn i su'n, i klun jɔ-man be wun mlɔnmlɔn. Ɔ man sran nga i waan ɔ ´fɛ i wun mantan Nyanmiɛn'n, man ɔ lafi su kɛ ɔ o lɛ, yɛ be nga be kunndɛ i'n, ɔ ´yi i wun kle be.

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.

Hébreu 4:6

Be nga be dun mmua tili jasin fɛ sɔ'n, b'a ju-man lika sɔ'n nun yɛlɛ kɛ b'a lafi-man su. Be wie kusu be o lɛ bɔ Nyanmiɛn man be ´ju lɔ.

Jacques 1:21

I sɔ'n ti, an `wla nzuɛn tɛtɛ'n nin klunwi'n kwlaa be ase. An `yo amún wun aenvuɛ, an `fa ndɛ nga Nyanmiɛn kan kle amun'n su. I yɛ man amun ´nyan amún ti-ɔ.

1 Piɛr 1:12

Nyanmiɛn kan kleli be kɛ i ndɛ ng'ɔ fa wla bé nuan kɛ be kan'n ɔ ti-man be bɔbɔ be liɛ, sanngɛ amun liɛ-ɔ. Be nga be kan jasin fɛ'n Nyanmiɛn Wawɛ b'ɔ sunmɛnnin i'n i fanngan nun'n, ndɛ sɔ'n yɛ be kan kleli amun nin-ɔn. Anz'm be bɔbɔ be klo kɛ be ´wun sa sɔ'm be wlɛ.