Hébreu 3:9 - NYANMIƐN NDƐ'N 1998

⁹ Nyanmiɛn seli kɛ: «Amun nannan'm be kan min niannin aawlɛ flɛnnɛn nun lɔ, yɛ be wunnin sa nga n yoli i afuɛ ablanan nun'n i kwlaa.

Nyanmien nde Ufle

⁹ Nyanmien sé ke: Amun nannan'm bé kan min niannin blô lo, Ye bé wuun sa kwlaa nga n yôé afue ablanan nun'n.

Hébreu 3:9 ပူးပေါင်းရင်းမြစ်များ

Jue Mun 95:9

I waan: «Be kannin min niannin, be kunndɛli mín nuan, kusu kɛ ɔ ´yo sɔ'n, wuun b'a dun mmua b'a wun sa nga n yoli'n.

Ezipt Lɔ Tulɛ'n 19:4

‹Amun wunnin sa nga n yoli Eziptfuɛ mun'n yɛ amun wunnin wafa nga n fa fali amun m bali mín wun wa'n. Kɛ anunman nyin fa lolo i mma mun, kɛ n kusu n lololi amun sɔ-ɔ.

Ezipt Lɔ Tulɛ'n 20:22

Anannganman seli Moiz kɛ: «Kan ndɛ nga kle Izraɛlfuɛ mun: ‹Amun wunnin i kɛ nyanmiɛn su lɔ yɛ n wo yɛ n ijɔli n kleli amun-ɔn.

Amɔs 2:10

N fali amun Ezipt lɔ m bali. N ko sunmannin amun afuɛ ablanan aawlɛ flɛnnɛn'n nun lɔ lele nan m'an fa Amɔrfuɛ'm be mɛn'n m'an man amun.

Kalɛ 14:33

Yɛ amun mma'm be wa wlan-wlan aawlɛ flɛnnɛn'n nun sa daan lele afuɛ ablanan. Amún nyin kekle nga amun yoli'n, be yɛ be wa fɛ i su afɛ nin-ɔn. Ɔ ´yo sɔ lele san amun fuɛn'm be kwlaa be ´ka aawlɛ flɛnnɛn'n nun wa.

JÉSUS-CHRIST I DYASIN FE'N BO LUC KLELI'N 7:22

Yɛ ɔ seli be kɛ: «An `ko kan like nga an wunnin i'n nin ndɛ nga an tili'n kle Zan. An se i kɛ anyansifuɛ'm be wun ase, cɛcɛwafuɛ'm be nanti, kokowefuɛ'm bé wun sa, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Sa nga bé yôli'n 13:8

Sanngɛ Elimas bɔ i dunman i bo yɛlɛ atrɛ yifuɛ'n, ɔ nin be sili akplowa , i waan ɔ ´saci Sɛrzis Polis sɔ'n i ti nun nan nán man ɔ fa Nyanmiɛn ndɛ'n su.

Sa nga bé yôli'n 7:36

I yɛ ɔ deli be Ezipt lɔ nin-ɔn. Ɔ yoli abonuan sa mun, ɔ yili atrɛ mun Ezipt lɔ, nin Ndɛma Jenvie nun, ɔ nin aawlɛ flɛnnɛn nun lɔ afuɛ ablanan .

Mmla'n 11:7

Sa dandan nga Anannganman yoli'n, amun wunnin be.

Mmla'n 29:2

Sa kekleekle ng'ɔ fa yili be su nin abonuan sa ng'ɔ yoli be'n, ɔ nin atrɛ ng'ɔ yili be'n, amun wunnin be.

Mmla'n 4:3

Like nga Anannganman yoli i Baal-Pɛɔr i ndɛ'n nun'n, amun bɔbɔ amun wunnin i. Ɔ kunnin sran nga be sɔli Baal-Pɛɔr'n mun .

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

Mmla'n 8:4

Amun tralɛ'm b'a titi-man amún wun le. Amún ja'm b'a wun-man amún bo afuɛ ablanan sɔ'n nun le.

Zozie 23:3

Amun wunnin sa nga Anannganman b'ɔ ti amun Nyanmiɛn'n fa yoli nvle fanunfanun kwlaa mun amun dunman nun'n, afin Anannganman bɔbɔ yɛ ɔ kunnin alɛ'n mannin amun-ɔn.

Zozie 24:7

Yɛ be kpan flɛli min kɛ n `uka be, nan m'an fa nyanmiɛn ble m'an sie amun nvlefuɛ'm be nin Eziptfuɛ'm be afiɛn. I sin, n yoli man nzue'n katali Eziptfuɛ'm bé su. Ɔ dili be. Amun bɔbɔ amun si sa nga n fa yoli Eziptfuɛ mun'n. Kɛ ɔ yoli sɔ'n, amun nvle'n cɛli aawlɛ flɛnnɛn nun kpa,

Zozie 5:6

Izraɛlfuɛ'm be nantili aawlɛ flɛnnɛn'n nun afuɛ ablanan. Be kwlaa nga kɛ be fin Ezipt be ´ba'n, wuun b'a jran alɛ kunlɛ sɔ'n, kɛ afuɛ ablanan'n ´wie'n, wuun b'a wie wu nyin kekle bɔ be yoli i Anannganman su'n ti. I sɔ'n ti kusu ɔ tali be nda kɛ ɔ su ko man-man be atin kɛ be wun mɛn fɛfɛ ng'ɔ fua kleli be nannan mun kɛ ɔ ´fa man be'n .