Hébreu 3:3 - NYANMIƐN NDƐ'N 1998

³ Sɛ sran kun kplan sua klanman kun'n, i bɔbɔ dunman'n fu tra sua'n. Jésus kusu'n, sɛ ɔ nyan nyrun tra Moiz'n, ɔ ti su.

Nyanmien nde Ufle

³ Se swran kun kplan sua klaan kun'n, i bobo dunman'n fu tra sua'n. Jésus kusu, se o nyan nyrun tra Moïse'n, o ti su.

Hébreu 3:3 ပူးပေါင်းရင်းမြစ်များ

Zakari 4:9

«Zorobabɛl b'ɔ wlali sua nga bo ase'n, i kunngba'n yɛ ɔ ´wie i kplan-an.» Kɛ ɔ ko yo sɔ'n, amun wa wun i wlɛ sakpa-sakpa kɛ Anannganman b'ɔ sie mɛn'n wunmuan'n yɛ ɔ sunmannin min-ɔn.

Matthieu 16:18

N kusu, n ´kan kle wɔ kɛ, be flɛ ɔ Piɛr (bɔ i bo'n yɛlɛ yɛbuɛ'n). Yɛbuɛ tanda'n su yɛ m ma kplan min asɔnun nin-ɔn, yɛ wie'n su kwla saci-mɛn.

1 Korɛntfuɛ Mun 3:9

Afin e nin Nyanmiɛn yɛ e di junman nin-ɔn. An ti kɛ Nyanmiɛn i fie sa, yɛ an ti kɛ i sua b'ɔ su kplan sa .

2 Korɛntfuɛ Mun 3:7

Mmla nga be klɛklɛli i yɛbuɛ'n su'n ɔ man sran wu, sanngɛ i nun nga Nyanmiɛn ´fa man'n, be wunnin i bɔbɔ nyannyannyan. Ɔ ti like b'ɔ wie, sanngɛ ɔ man Moiz nyrun'n yoli nyannyannyan lelele ɔ man Izraɛlfuɛ'm b'a kwla niɛn-mɛn i nyrun a cɛ-man . Sɛ i balɛ'n nun ɔ yoli sɔ'n,

Kolɔsfuɛ Mun 1:18

Ɔ ti Asɔnun b'ɔ ti i wunnɛn'n i ti, afin i ti yɛ Asɔnun sɔ'n wo lɛ-ɔ. Ɔ ti Nyanmiɛn i Wa Kpɛn bɔ i yɛ ɔ yili cɛnlɛ nin-ɔn, ɔ man ɔ ti like'm be kwlaa bé ti.

Hébreu 2:9

Sanngɛ e wun Jésus bɔ Nyanmiɛn yoli man anz'm be kpa trɛli i le nnyɔn kun'n. Nyanmiɛn i aklunye'n ti ɔ wuli sran'm be kwlaa be ti. Siɛn'n e wun i anyrunnyan dan b'ɔ lɛ i'n nin ayɛ bɔ be yi i'n nyrɛnnɛn wie'n b'ɔ wuli'n ti.

Hébreu 3:4

Afin sua nga be o lɛ'n, sran yɛ ɔ kplannin be kwlaa-a, sanngɛ Nyanmiɛn yɛ ɔ yili ninnge'n kwlaa-a.

Hébreu 3:6

Krist kusu, kɛ ɔ ti i Wa'n, ɔ niɛn i bɔbɔ Nyanmiɛn i awlo'n su kpa sɔ. Sɛ e tra ye anwlɛn e jran kekle e lafi like nga é wla o su kɛ e ´nyɛn i'n su kpa'n, e ti i awlo.