Hébreu 2:9 - NYANMIƐN NDƐ'N 1998

⁹ Sanngɛ e wun Jésus bɔ Nyanmiɛn yoli man anz'm be kpa trɛli i le nnyɔn kun'n. Nyanmiɛn i aklunye'n ti ɔ wuli sran'm be kwlaa be ti. Siɛn'n e wun i anyrunnyan dan b'ɔ lɛ i'n nin ayɛ bɔ be yi i'n nyrɛnnɛn wie'n b'ɔ wuli'n ti.

Nyanmien nde Ufle

⁹ Sannge é wun Jésus bo Nyanmien yôli man ange'm bé kpa'n trelii lé nnyon kun'n, ke bé siéli i famien, o man bé menmen, nyrennen wié'n b'o wuli'n ti. Ke o yôô so'n, é wun ke Nyanmien i aklunyé'n ti ye o wuu swran'n kwlaa bé tio.

Hébreu 2:9 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Ezai 11:1

Sran kun ɔ ´jaso su Izai osu'n nun kɛ waka sama'n ɔ fɛfɛ waka'n i bo'n su'n sa. Ɔ wa jaso su kɛ waka nɔnman'n ɔ fɛfɛ waka i olui'n su'n sa .

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Matthieu 16:28

Nanwlɛ, be nga be o wa yɛ'n, nán be ngba yɛ wie'n ´kun be nan b'a wun kɛ m bɔ n kacili Sran'n n su ba m ma di n famiɛn nin-ɔn.

Matthieu 6:28

?Yɛ nguɛ ti yɛ an koko tralɛ ti-ɔ? An `nian waka nyrɛ bɔ be o blo lɔ'n, be di-man fie, be to-man jese.

Marc 9:1

Ɔ seli be ekun kɛ: «Nanwlɛ, be nga be o wa yɛ'n, nán be ngba yɛ wie'n ´kun be nan b'a wun kɛ Nyanmiɛn ɔ'a yi i famiɛn'n nglo a kle be-ɔ.»

JÉSUS-CHRIST I DYASIN FE'N BO LUC KLELI'N 9:27

Nanwlɛ, be nga be o wa yɛ'n, nán be ngba yɛ wie'n ´kun be nan Nyanmiɛn ɔ'a yi i famiɛn'n nglo ɔ'a kle be-ɔ.»

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Jean 10:17

Min wun bɔ n fa man nan m'an nyan nguan ekun'n ti'n, n Si klo min.

Jean 12:32

Yɛ n kusu, sɛ be man n su'n, n yo man sran'm be kwlaa be ´ba n sin.»

Jean 3:16

Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Jean 8:51

Nanwlɛ, sran ng'ɔ fa min ndɛ'n su'n, ɔ su wu-man mlɔnmlɔn.»

Jean 8:52

Zuif'm be seli i kɛ: «Siɛn'n, y'a wun i wlɛ kpa kɛ like wie su wɔ su. Abraam wuli, yɛ Nyanmiɛn nuan ijɔfuɛ'm be wuli, sanngɛ ɔ li ɔ waan sran ng'ɔ fa ɔ ndɛ'n su'n, ɔ su wu-man mlɔnmlɔn.

Sa nga bé yôli'n 2:33

Kɛ i si Nyanmiɛn mɛn i su sieli i fama su'n, ɔ fɛli i Wawɛ'n b'ɔ seli kɛ ɔ ´fa man'n ɔ fa mɛnnin i, yɛ ɔ fali like nga amun wun i bɔ an ti ngan yɛ'n mannin sran mun-ɔn.

Sa nga bé yôli'n 3:13

Abraam, nin Izaak, nin Zakɔb be Nyanmiɛn b'ɔ ti e nannan'm be Nyanmiɛn kusu'n, ɔ yoli man i Sran Jésus nyannin nyrun, i yɛ an fɛ i mannin sran mun nin-ɔn, i yɛ kɛ Pilat waan ɔ ´yaci i nun, amu'an kplin-man su, bɔ an yili i blo nin-ɔn .

Rɔmfuɛ Mun 5:18

I sɔ'n ti'n, kɛ Nyanmiɛn fa sran kunngba i sa ng'ɔ yoli'n i lɔnglɛ cili sran'm be kwlaa'n, i kunngba'n, sran kunngba kusu i sa kpa ng'ɔ yoli'n ɔ man Nyanmiɛn bu sran'm be kwlaa be sran kpa, ɔ man be ´nyan nguan.

Rɔmfuɛ Mun 5:8

Sanngɛ Nyanmiɛn kle ye kɛ ɔ klo e, afin kɛ e ti sa tɛ yofuɛ'n, e ti ɔ man Krist wuli.

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

2 Korɛntfuɛ Mun 5:15

Ɔ wuli be ngba bé ti, i sɔ'n ti'n, olɛ nga be o lɛ'n, nán be bɔbɔ be olɛ yɛ be wo-ɔ, sanngɛ sran ng'ɔ wuli b'ɔ cɛnnin bé ti'n, i dunman nun yɛ be wo-ɔ.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

Galasifuɛ Mun 4:4

Sanngɛ kɛ blɛ nga Nyanmiɛn sieli'n juli'n, ɔ sunmɛnnin i Wa'n, bla kun wuli i, ɔ dili mmla'n su.

1 Timote 2:6

Ɔ fɛ i wun mannin kɛ ɔ ´kpɔ sran'm be kwlaa bé ti. Kɛ ɔ yoli sɔ blɛ nga Nyanmiɛn sieli'n su'n, yɛ ɔ kle kɛ Nyanmiɛn klo kɛ ɔ ´de sran'n kwlaa nin-ɔn.

Hébreu 1:9

A klo sa ng'ɔ ti kpa'n, a klo-man sa tɛ'n mlɔnmlɔn. I sɔ'n ti yɛ min Nyanmiɛn b'ɔ ti ɔ Nyanmiɛn'n fali wɔ b'ɔ guali be klun jɔlɛ ngo ɔ su nin-ɔn. Ɔ yacili ɔ wiengu'm be lɛ ɔ fali wɔ .»

Hébreu 10:5

I sɔ'n ti yɛ kɛ Krist ´ba mɛn'n nun'n ɔ seli kɛ: «W'a kunndɛ-man kɛ ´n yi tɛ annzɛ sraka man wɔ, sanngɛ a mannin min wunnɛn.

Hébreu 11:5

Nyanmiɛn su bɔ Enɔk lafi'n ti yɛ ɔ fɛ ɔli i wun lɔ bɔ ɔ'a wu-man nin-ɔn. B'a wun-mɛn i kun afin Nyanmiɛn mɛnnin i su. Be klɛli kɛ Nyanmiɛn klun jɔli i wun nan ɔ'a mɛn i su .

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Hébreu 2:7

A yoli man anz'm be kpa'n trɛli i le nnyɔn kun, a sieli i famiɛn man ɔ nyannin nyrun, be mɛnmɛn i,

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.

Hébreu 8:3

Nyanmiɛn nyrun jranfuɛ'm be su kpɛn kwlaa nga be sie be'n, be sie be kɛ be `fa like nga sran'm be waan be ´fa man Nyanmiɛn'n nin nnɛn nga be ´fa sɔ i'n, be fa mɛn i. Ɔ man e liɛ'n kusu, ɔ fata kɛ ɔ nyan like wie fa mɛn i.

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.

1 Jean 2:2

Afin i bɔbɔ fɛ i wun yili é ti tɛ nan Nyanmiɛn yaci sa nga e yoli i'n cɛ ye. Nán e ngunmin é ti tɛ yɛ ɔ yili-ɔ, sran'm be kwlaa be liɛ-ɔ.

Sa nglô yile 19:12

I nyinma'n sɔ kɛ sin sa, sika kle kpanngban wo i ti. Be klɛ dunman kun i wun, sran fi si-mɛn i san i bɔbɔ yɛ ɔ si i-ɔ .

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .