Hébreu 2:3 - NYANMIƐN NDƐ'N 1998

³ wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.

Nyanmien nde Ufle

³ wuun se é kpa sa nga é yôo éh nyanh é ti'n su'n, éh yôh se ye éh fitéh nuon? É Min'n bobo dun mmua kan é ti nyanle so'n i nde, ye bé ng'o kannin bo bé tili'n, bé kan kléé é wéiin ke o ti nanwle.

Hébreu 2:3 ပူးပေါင်းရင်းမြစ်များ

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 20:6

I blɛ sɔ nun'n, be nga be tran jenvie'n i bue nga su wa'n be ´se kɛ: «Be nga e fa é wla gua be su'n, bɔ e waan e ´fa é nyin e ´fia be sin nan be uka ye'n, nan be `de ye Asiri famiɛn'n i sa nun'n, be `nian sa bɔ ɔ'a ju be su-ɔ. ?Yɛ e ´yo i sɛ siɛn'n nan y'a fite nun?»

Ezai 51:5

Min nanwlɛ dilɛ cɛn'n ɔ'a mantan. Sran'm bɔ min waan n ´de be'n, bé ti nyanlɛ blɛ'n su wa ju. N wa di nvle-nvle'm be jɔlɛ. Be nga be tran jenvie nuan mmua mmua lɔ'n, be ´fa bé wla gua mín su, be ´fa bé wun wla min sa nun.

Ezai 51:8

Afin be agualiɛ'n ɔ ´gua be kɛ tralɛ bɔ nvɔlɛ ɔ'a di'n sa, yɛ ɔ ´gua be kɛ bua ndrɛ tralɛ bɔ kakaa'm b'a saci i'n sa. Sanngɛ n ´yo sa kpa'n tititi, yɛ delɛ nga n ´de sran mun'n, ɔ su yo-man le kunngba liɛ, n ´yo i sɔ blɛ'n kwlakwla.»

Ezai 62:11

Amun `nian, kɛ ɔ fɛ i asiɛ'n i bue kun lele fa ju i bue kun lɔ'n. Anannganman kan ndɛ kle sran mun. I waan be `se Siɔnfuɛ'm be kɛ: «Sran'n b'ɔ ´de amun'n ɔ su ba, akatua'n wo i sa nun, i junman'n i su like ng'ɔ nyɛnnin i'n ɔ ´fa ba .»

Ezekiɛl 17:15

Sanngɛ famiɛn uflɛ'n jasoli ng'ɔ kwlali i'n i wun, ɔ sunmannin sran Ezipt lɔ kɛ be kɔ srɛ nnɛn kpanngɔ nin sonja kpanngban kpa. ?Sran ng'ɔ yoli sa sɔ'n, ɔ ´fite nun? Ɔ sacili aenguɛ'n, i ti ɔ su fite-man nun.

Ezekiɛl 17:18

Kɛ b'ɔ dun mmua kplinnin su laa'n, bɔ i sin ɔ wa yoli sa ng'ɔ ti-man su'n, i ti ɔ su fite-man nun.› »

Matthieu 23:33

?Wuo mun, ɔnda mma mun, sɛ yɛ amun ´yo nan b'a bu-man amun fɔ nan b'a fa-man amun a ɔ-man nyrɛnnɛn lika'n nun-ɔn?

Matthieu 4:17

Kɛ ɔ fin lɛ'n, Jésus boli Nyanmiɛn ndɛ'n kanlɛ'n bo, ɔ se kɛ: «An `kaci amun nzuɛn'n, afin Nyanmiɛn i sielɛ blɛ'n ɔ'a mantan.»

Marc 1:14

Kɛ be wlali Zan bisua'n, i sin Jésus ɔli Galile mɛn'n nun. Ɔ kan Nyanmiɛn i jasin fɛ'n,

JÉSUS-CHRIST I DYASIN FE'N BO LUC KLELI'N 1:2

Kɛ sa sɔ'n ´yo'n, sran nga be wunnin nun'n, be fa Nyanmiɛn ndɛ kanlɛ'n kacili be junman, be kan kleli ye. Ndɛ sɔ'n yɛ be klɛli nin-ɔn.

JÉSUS-CHRIST I DYASIN FE'N BO LUC KLELI'N 1:69

Yɛ ɔ'a fɛ i sran David awlofuɛ kun b'ɔ kwla de ye'n ɔ'a man ye.

JÉSUS-CHRIST I DYASIN FE'N BO LUC KLELI'N 24:19

Yɛ ɔ usali be kɛ: «?Nguɛ sa-a?» Yɛ be seli i kɛ: «Sa nga be yoli Jésus b'ɔ fin Nazarɛt'n, i ndɛ yɛ e kan-an. Ɔ ti Nyanmiɛn nuan ijɔfuɛ b'ɔ yo sa kekleekle b'ɔ si ijɔ kpa Nyanmiɛn nin sran'm be nyrun.

Jean 15:27

Amun kusu, amun ´kan min ndɛ wie, afin kɛ ɔ fin i bo bolɛ nun'n, min nin amun yɛ e wo-ɔ.»

Sa nga bé yôli'n 1:22

kɛ Zan yoli e Min Jésus batɛm bɔ e wlan-wlan-an be ko sunman e titi lele fa juli cɛn nga Nyanmiɛn fɛli i e afiɛn'n, man ɔ yo be nun kun.»

Sa nga bé yôli'n 2:22

Izraɛlfuɛ mun, an `tie ndɛ nga kpa! Amun bɔbɔ an si kɛ Jésus b'ɔ fin Nazarɛt'n ɔ ti sran kun bɔ Nyanmiɛn man ɔ yoli sa kekleekle mun nin abonuan sa mun, yɛ ɔ yili atrɛ amun nyrun wa b'ɔ kle kɛ Nyanmiɛn jin i sin.

Sa nga bé yôli'n 4:12

I kunngba cɛ yɛ ɔ kwla de sran-an yɛlɛ kɛ Nyanmiɛn a sie-man sran uflɛ fi mɛn'n nun wa bɔ i dunman nun e kwla fite nun-ɔn.»

Rɔmfuɛ Mun 11:14

N yo i sɔ nan min nvlefuɛ'm be fa bé nyin ci amun nan be nun wie'm be nyan bé ti.

Rɔmfuɛ Mun 2:3

?Amun bɔ an bu sran fɔ i sɔ sa'n ti'n bɔ sanngɛ an yo sa kunngba'n, an bu kɛ Nyanmiɛn su bu-man amun fɔ wie?

1 Korɛntfuɛ Mun 1:21

Nyanmiɛn wun kɛ ɔ ti kpa kɛ ɔ fa sinnzin ndɛ sɔ'n de be nga be fa su'n, afin Nyanmiɛn b'ɔ si sa kwlaa'n, ɔ wun kɛ sran'm be nin be ngwlɛlɛ bɔ be si i'n, b'a si-mɛn i.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.

1 Timote 1:15

Ndɛ nga ti nanwlɛ weiin, sɛ be fa su'n ɔ ti kpa, yɛlɛ kɛ Krist-Jésus bali mɛn'n nun sa tɛ yofuɛ mun bɔ n ti be nun klikli'n be delɛ.

Tite 2:11

Afin Nyanmiɛn a yi ye nga ɔ yo sran b'ɔ man sran'm be kwlaa be kwla nyan bé ti'n i nglo.

Hébreu 1:1

Lalafuɛ nun Nyanmiɛn man i nuan ijɔfuɛ'm be bobo i ndɛ'm be su wafa-wafa kleli e nannan mun.

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Hébreu 1:2

Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

Hébreu 4:1

Man e nian é wun kpa, afin Nyanmiɛn seli kɛ e ´ju wunmiɛn delɛ lika ng'ɔ siesie mannin ye'n nun. I sɔ'n ti, nán man ɔ yo kɛ amun nun wie ɔ'a ju-man lika sɔ'n nun lɔ wie.

Hébreu 4:11

I sɔ'n ti, man e mian é nyin nan e wlu wunmiɛn delɛ lika sɔ'n nun nan sran fi a yo-man nyin kekle i su nan ɔ'a wlu-man lika sɔ'n nun kɛ be liɛ'n sa-a.

Hébreu 5:9

Kɛ ɔ yoli sran wafa nga Nyanmiɛn klo kɛ ɔ `yo'n, ɔ man be kwlaa nga bé nyin yi i'n, be ´nyan bé ti mlɔnmlɔn,

Hébreu 9:28

I kunngba'n, kɛ ɔ ´yo nan Krist a fa sran kpanngban bé wun sa'n, i kusu fɛ i wun sɔli Nyanmiɛn kpɛ kunngba. Balɛ nga ɔ wa ba ekun'n, nán sa tɛ'n ti-ɔ, sanngɛ ɔ ´ba be nga bé nyin tɛ i sin'n be delɛ .

1 Jean 1:1

Nguan Ndɛ b'ɔ o lɛ anannganman'n i ndɛ yɛ e ´klɛ blɛ amun yɛ nin-ɔn. E tili, e bɔbɔ e wunnin i nin e nyinma, e niɛnnin i, e kɛnnin i.

Jude 1:17

Sanngɛ n sran kpa mun, amun liɛ'n, an `bu ndɛ nga be nga e Min Jésus-Krist sunmannin be'n be kan kleli amun'n, i akunndan.

Sa nglô yile 7:10

Be kpan kekle kpa be se kɛ: «E Nyanmiɛn b'ɔ ti bia'n su'n, nin Bua Gbanflɛn'n, be ti yɛ e nyannin é ti-ɔ.»