Hébreu 1:3 - NYANMIƐN NDƐ'N 1998

³ I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Nyanmien nde Ufle

³ I ye o man é wun Nyanmien b'o yi i wun nglô nyannyannyan nion, o fa Nyanmien Kpli'n i wafa kwlaa ng'o ti'n, i nuan nun nde'n ye man ninngé'n kwlaa ô leo. Ke o yôli bo swran'm bé wun sa'n wiéli'n, o kô traan Nyanmien Kpli b'o ti Wléngbi'n i fama su nyanmien su lo.

Hébreu 1:3 ပူးပေါင်းရင်းမြစ်များ

1 Be Nyoliɛ 29:11

Anannganman, a ti dan , a kwla, a yo nyɛnmɛn, a o lɛ tititi, ɔ nyrun'n ti nyannyannyan. Nglo lɔ nin asiɛ'n su wa ninnge'n kwlaa be ti ɔ liɛ. Anannganman wɔ yɛ a ti famiɛn nin-ɔn. A o ninnge'n kwlaa ti su.

Zɔb I Nyrɛnnɛn Wunlɛ 37:22

Yɛ lika weiin kpa kun fin nglo lɔ lika liɛ'n nun ɔ ba. Lika weiin ng'ɔ sin yia Nyanmiɛn'n ɔ yo sro o!

Jue Mun 110:1

Jue nga ti David liɛ. I waan: Anannganman i nuan su ndɛ ng'ɔ kan kleli min Min'n yɛ. Ɔ seli i kɛ yo: «Tran ase mín fama su wa lele man n yi ɔ kpɔfuɛ'm be ase ɔ́ bo nan n `fa be yo ɔ́ ja siesiewlɛ .»

Jue Mun 75:3

Nyanmiɛn waan: «Kɛ jɔlɛ dilɛ blɛ nga n kleli'n ko ju'n, m ´bu ndɛ nanwlɛ nun.

Akunndanfuɛ'n 8:4

Famiɛn'n i nuan nun ndɛ'n yɛ ɔ ti ndɛ kwlaa i atabo nin-ɔn. ?Wan yɛ ɔ kwla se i kɛ: «Nguɛ yɛlɛ nga a ´yo i lɛ nin-ɔn?»

Saun Yolɛ 15:15

Man min nyrun jranfuɛ'n ɔ fa anunman'n kun `yi min kpatalɛ tɛ, kpɛkuun ɔ `fa kun'n yi tɛ nga be yrɛ i nnɛn'n kɔlikɔli'n. Kpɛkuun like nga be fa yo i sran su b'ɔ ti be wun aso bolɛ like'n, be `yo i yasua sɔ'n su nan i loliɛ i fiɛn'n ɔ `tu i wun.

Mise 5:4

I yɛ ɔ ´fa fɔundi ba-a. Sɛ Asiri sonja'm be wlu e mɛn'n nun'n nan bé ja tia é sua kpakpa'm be nun'n, e ´sunman e sonja kpɛnngbɛn kpanngban kpa kɛ be nin be be ko kun.

Matthieu 22:24

«Nja, Moiz waan: ‹Yasua kun b'ɔ nin i yi b'a wu-man ba'n, sɛ ɔ wu'n, man i niaan'n jɛ i angboti'n nan ɔ nin i be wu ba kɛ ɔ yo nan i niaan'n i osu'n ɔ'a nunnun-man'n ti .›

Marc 16:19

Kɛ e Min'n kannin ndɛ sɔ'n kleli be'n, Nyanmiɛn mɛnnin i su ɔli nyanmiɛn su lɔ, ɔ trannin ase i fama su .

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Jean 1:4

I sa nun yɛ nguan'n wo-ɔ, nguan sɔ'n ti kɛ wia'n sa, ɔ man sran'm be wun ase.

Sa nga bé yôli'n 2:33

Kɛ i si Nyanmiɛn mɛn i su sieli i fama su'n, ɔ fɛli i Wawɛ'n b'ɔ seli kɛ ɔ ´fa man'n ɔ fa mɛnnin i, yɛ ɔ fali like nga amun wun i bɔ an ti ngan yɛ'n mannin sran mun-ɔn.

Sa nga bé yôli'n 7:56

Yɛ ɔ seli kɛ: «An `nian, n wun nyanmiɛn su lɔ kɛ ɔ ti tikewa, yɛ i b'ɔ kacili Sran'n ɔ jin Nyanmiɛn fama su.»

Rɔmfuɛ Mun 1:16

Nyannzuɛn kun-man min Jasin fɛ'n bolɛ nun. Afin i yɛ ɔ ti fanngan nga Nyanmiɛn fa de sran nga be lafi i su'm be kwlaa-a, Zuif'm be yɛ be ti klikli-ɔ, i sin be nga mun.

Rɔmfuɛ Mun 8:34

?Wan yɛ ɔ kwla se kɛ b'a di fɔ-ɔ? Krist-Jésus yɛ ɔ wuli-ɔ, kusu ɔ cɛnnin, ɔ o Nyanmiɛn i fama su, ɔ kpɛtɛ i man ye.

2 Korɛntfuɛ Mun 4:4

Be liɛ'n, be lafi-man su yɛlɛ kɛ mɛn nga i min'n ɔ sacili be akunndan'n nan Krist b'ɔ fa Nyanmiɛn'n i wafa ng'ɔ ti'n i kwlaa i jasin fɛ'n, b'a wun-mɛn i wlɛ.

Kolɔsfuɛ Mun 3:1

I sɔ'n ti'n, sɛ amun nin Krist yɛ an cɛnnin'n, an `kunndɛ nyanmiɛn su lɔ ninnge mun, Krist ti Nyanmiɛn i fama su lɔ .

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 1:13

?Yɛ anz'm be nun onin yɛ ɔ seli i kɛ: «Tran ase n fama su, lele m man n yi ɔ kpɔfuɛ'm be ase ɔ bo nan n fa be yo ɔ ja siesiewlɛ-ɔ ?»

Hébreu 10:12

Krist liɛ'n, kpalɛ kunngba nga ɔ sɔli i'n, ɔ kpɛ i kwlaa ti, ɔ man be kunndɛ-man uflɛ kun. I sin ɔ ko trannin Nyanmiɛn i fama su.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Hébreu 4:14

E lɛ Nyanmiɛn nyrun jranfuɛ'm be su kpɛn kpa kun, ɔ ɔli lele juli Nyanmiɛn bɔbɔ nyrun lɔ: yɛlɛ Jésus Nyanmiɛn Wa'n. I sɔ'n ti'n, like nga e lafi su'n, man e lafi su kpa.

Hébreu 7:27

Ɔ nin Nyanmiɛn nyrun jranfuɛ dandan nga mun be ti-man kun, ɔ yo-man sa tɛ fi, ɔ man ɔ bo-man wɛ sɔ-man Nyanmiɛn i bɔbɔ ti nan ɔ'a sɔ i sran'm bé ti kɛ be nga'm be yo i cɛn'n kwlaa'n sa. Kɛ ɔ fɛ i wun mannin'n, ɔ sɔli Nyanmiɛn kpɛ kunngba ɔ wieli .

Hébreu 8:1

An `nian ndɛ nga e kan'n i nun nanndoliɛ'n yɛ: e lɛ Nyanmiɛn nyrun jranfuɛ'm be su kpɛn kun b'ɔ ti Nyanmiɛn Kpli b'ɔ ti Wlengbi'n i bia'n i fama su nyanmiɛn su lɔ .

Hébreu 9:16

Sɛ sran kun sie aja'n, san ɔ ´wu nan b'a wun aja sɔ'n i wlɛ sakpa.

Hébreu 9:26

afin sɛ ɔ ti kɛ ɔ yoli sɔ'n, wuun kɛ ɔ fin mɛn'n i bo bolɛ nun'n, ɔ ´wun nyrɛnnɛn tititi. Sanngɛ siɛn'n bɔ y'a ju mɛn'n i bue nuan'n, ɔ yili i wun nglo kpɛ kunngba nan i wun b'ɔ fa sɔli Nyanmiɛn'n ti'n, sa tɛ'n `wie.

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.

1 Piɛr 3:22

Ɔ ɔli nyanmiɛn su lɔ, ɔ o Nyanmiɛn i sa fama su, ɔ sie anz mun, nin lɔ kpɛnngbɛn mun, ɔ nin be ngblewa-ngblewa mun.

2 Piɛr 1:16

Nanwlɛ, kɛ e ´kan e Min Jésus-Krist i balɛ'n, nin i kwlalɛ b'ɔ kwla'n i ndɛ kle amun'n, ɔ ti-man kɛ ngua bɔ be fa bé ti nun ngwlɛlɛ fa di'n, yɛ e di kleli amun-ɔn. Sanngɛ e bɔbɔ e wunnin i nyrun ng'ɔ lɛ i'n nin e nyinma.

2 Piɛr 1:17

I le kunngba nga e Si Nyanmiɛn ´mɛnmɛn i b'ɔ ´yi i ayɛ'n, e bɔbɔ e wo i bo. Ɔ tili i nɛn b'ɔ fin lika'n b'ɔ kpaja nyannyan'n nun'n, ɔ seli kɛ: «Min anwlɛn su ba'n yɛ, i su yɛ n wla'n kwlaa wo-ɔ.»

1 Jean 1:7

Sɛ sa nga e yo'n e yo i weinwein kɛ i bɔbɔ yo sa weinwein sa'n, e nin amun di anuansɛ, yɛ i Wa Jésus i mmoja'n man é wun sa tɛ kwlaa ´wie.

1 Jean 3:5

Afin an si kɛ Krist bali sa tɛ'n i nuan nnya bulɛ, yɛ sa tɛ kaan sa bɔn-mɛn i wun.

Jude 1:25

e Nyanmiɛn kunngba b'ɔ ti e Defuɛ'n, e Min Jésus-Krist ti, man be yi i ayɛ, be mɛnmɛn i yɛlɛ kɛ ɔ ti famiɛn, ɔ ti kpli, yɛ ɔ kwla sa'n kwlaa yo. Kɛ ɔ fin lalaa'n, be mɛnmɛn i sɔ, kɛ ɔ fin ndɛ'n man be mɛnmɛn i tititi. Man ɔ yo sɔ!

Sa nglô yile 3:21

Sran ng'ɔ kwla'n, min nin i e ´tran m bia'n su kɛ n kwlali bɔ min nin min Si e tran i bia'n su'n sa.

Sa nglô yile 4:11

«E Min Nyanmiɛn, kɛ be ´yi wɔ ayɛ be ´manman wɔ bɔ be se kɛ a kwla sa'n kwlaa yo'n i su-ɔ, afin wɔ yɛ a yili like'n kwlaa-a, a klo kɛ a ´yi be ti yɛ a yili be-ɔ, yɛ ɔ ti yɛ be o lɛ-ɔ .»