Hébreu 1:2 - NYANMIƐN NDƐ'N 1998

² Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.

Nyanmien nde Ufle

² Sannge é bo é su ko men'n i bué nuan'n, o man i Wa'n ye o kan nde kléé yéo. I ye o man o yii men'n nin ninngé'n kwlaaa, ye o sé ke oh fah liké'n kwlaa men.

Hébreu 1:2 ပူးပေါင်းရင်းမြစ်များ

Bo Bolɛ 49:1

Zakɔb flɛli i mma mun, ɔ seli be kɛ: «An `yia man n kan sa nga ɔ wa ju amun su cɛn wie'n n kle amun.

Ezai 2:2

Cɛn wie lele'n, oka nga Anannganman i sua'n kplan su'n, ɔ wa taka oka'm be su, yɛ ɔ ´yo fleiin tra kpɔlɛ mun. Nvle-nvle'm be kwlaa be ´tu sa kpu be kɔ lɔ.

Ezai 44:24

Anannganman b'ɔ kpɔli amun ti'n, b'ɔ boli amun falɛ nan b'a wu amun'n, i waan: «Min Anannganman, min yɛ n yili ninnge'n kwlaa-a. Nyanmiɛn ng'ɔ la nglo lɔ plaii'n, sɛ ɔ ti bɛ'n, wuun n ´se kɛ min yɛ n tinngɛli nun-ɔn. Sɛ asiɛ'n ti tannin'n, wuun n ´se kɛ min yɛ n trɛli nun-ɔn.

Ezai 45:12

Min yɛ n yili asiɛ nin-ɔn. Min yɛ n yili i su sran mun-ɔn. Nyanmiɛn'n b'ɔ la nglo lɔ plaii'n, m bɔbɔ min yɛ n fali ń sa n tinngɛli nun-ɔn. Min yɛ n sie nzraama mun-ɔn.

Ezai 45:18

Anannganman yili nglo'n. Ɔ siesieli asiɛ'n i wafa'n, kpɛkuun yɛ ɔ yili-ɔ, yɛ ɔ man ɔ yoli cinnjinnjin-ɔn. Ɔ'a yi-mɛn i ngbɛn, ɔ yili kɛ be tran su. Ndɛ ng'ɔ kan'n yɛ: «Min yɛ n ti Anannganman nin-ɔn, uflɛ fi nun-man n sin.

Zeremi 30:24

Anannganman i ya dan ng'ɔ fali'n, ɔ ´yo i kwlaa ng'ɔ guguli kɛ ɔ ´yo'n kwlaa nan ɔ'a wie. Cɛn kun amun ´wun i sɔ'n i wlɛ.»

Zeremi 48:47

Anannganman wan yoo: ‹Sanngɛ cɛn wie lele n ´fa Moabfuɛ mun n ´sie be osu laa nun.› » Ndɛ nga Anannganman kɛnnin i nyrɛnnɛn ng'ɔ wa tɔ Moab su'n i awieliɛ'n yɛ.

Ezekiɛl 38:16

A wa kata min nvle Izraɛl'n i su kɛ aosin bɔ ɔ'a kata mɛn'n su'n sa. Gɔg, kɛ ɔ ´cɛ lele'n, n ´fa wɔ a ko tɔ min mɛn'n su kɛ ɔ ´yo nan nvle-nvle'm b'a si min'n ti, yɛ n fa wɔ n kle be kɛ min nzuɛn'n nin klɔ sran liɛ'n ti-man kun.»

Daniɛl 10:14

M bali kɛ n wa fa like ng'ɔ wa ju ɔ nvle'n su blɛ ng'ɔ ´ba lɔ'n nun'n n kle wɔ. Afin a wa wun aolia nun like uflɛ b'ɔ ti blɛ sɔ'n nun lɔ ndɛ.›

Daniɛl 2:28

Sanngɛ nglo lɔ, Nyanmiɛn kun wo lɔ i yɛ ɔ tike nvialiɛ nun sa'm be su-ɔ. Nannan Nɛbikadnɛzar, Nyanmiɛn sɔ'n yɛ ɔ su fa sa ng'ɔ wa ju blɛ ng'ɔ ´ba lɔ nun'n kle wɔ-ɔ. Kɛ a ´lafi'n, laliɛ nga a cɛnnin'n yɛ.

Ndɛ Nga Nyanmiɛn I Nuan Ijɔfuɛ Oze Kannin'n 3:5

Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.

Mise 4:1

Cɛn wie lele Anannganman i kpɔlɛ'n su sua'n, oka ndɛnndɛn kpa'm bé ti su lɔ yɛ be ´ko kplɛn i-ɔ. Kpɛkuun mɛn nunfuɛ'm be kwlaa be ti wa yia lɛ.

Kalɛ 24:14

Siɛn'n, n su sa mín sin n kɔ min mɛn'n nun, sanngɛ kwlaa nan m'an wɔ'n, bla nan n wa bo sa nga Izraɛlfuɛ'm be wa fa yo ɔ nvle'n cɛn kun'n su n kle wɔ.»

Matthieu 13:39

N kpɔfuɛ ng'ɔ guali awie ijre'n yɛlɛ mmusu'm be si Satan, awie i kpɛlɛ blɛ'n yɛlɛ mɛn'n i awieliɛ, awie i kpɛfuɛ mun yɛlɛ anz mun.

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Matthieu 21:38

Sanngɛ kɛ vinyi fie sunianfuɛ'm be wunnin i wa'n, be seli be wiengu kɛ: ‹I aja difuɛ'n yɛ, an bla man e kun i nan e fɛ i ninnge mun.›

Matthieu 26:63

Sanngɛ Jésus a uke-mɛn i nuan. Yɛ Nyanmiɛn nyrun jranfuɛ'm be su kpɛn'n seli i kɛ: «N ´srɛ wɔ, nian Nyanmiɛn b'ɔ lafi-man'n ti, sɛ a ti Krist Nyanmiɛn Wa'n, kan kle ye.»

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Matthieu 3:17

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

Marc 1:1

Jésus-Krist Nyanmiɛn Wa'n i jasin fɛ'n i bo bolɛ'n yɛ.

Marc 12:6

Ɔ man ɔ kɛ i wa yasua'n b'ɔ ti i anwlɛn su ba'n i kunngba cɛ. Ɔ sunmɛnnin i be wun lɔ ekun, ɔ seli kɛ: ‹Min wa'n liɛ'n, be wa bu i sran.›

Marc 12:7

Sanngɛ kɛ vinyi fie sunianfuɛ sɔ'm be wunnin i'n, be seli be wiengu kɛ: ‹I aja difuɛ'n yɛ, an `bla man e kun i nan i ninnge'm be yo e liɛ.›

Jean 1:10

Ɔ o mɛn'n nun lalaa, i yɛ Nyanmiɛn man ɔ yili mɛn nin-ɔn, sanngɛ mɛnfuɛ'm b'a si-mɛn i.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:3

I yɛ Nyanmiɛn man ɔ yili ninnge'n kwlaa-a, like fi nun-man lɛ bɔ nɛ́n i yɛ ɔ yili-ɔ.

Jean 13:3

Jésus bɔbɔ si weiin kɛ i Si fali like'n kwlaa wlɛli i sa nun, ɔ si kɛ ɔ fin i Si Nyanmiɛn wun lɔ, yɛ ɔ su wa kɔ lɔ ekun.

Jean 13:32

Yɛ sɛ n ti Nyanmiɛn yi i wun nglo'n, Nyanmiɛn bɔbɔ ɔ wa yi n sran wafa nga n ti'n i nglo wie, ɔ ´yo i sɔ icra'n.

Jean 15:15

N flɛ-man amun n sran kun, afin kanga'n si-man like nga i min'n yo'n. Sa ti bɔ n flɛ amun n janvuɛ'n yɛlɛ kɛ like nga n suɛnnin n Si sa nun'n, n kleli amun i kwlaa.

Jean 16:15

Like ng'ɔ ti n Si liɛ'n, i kwlaa ɔ ti n liɛ, i sɔ'n ti yɛ n seli kɛ min ndɛ'n yɛ ɔ ´kan kle amun nin-ɔn.»

Jean 17:2

Afin a fali sran'm be kwlaa wlɛli i sa nun kɛ ɔ `sie be nan ɔ `man be kwlaa nga a fa be mɛnnin i'n be anannganman nguan.

Jean 3:16

Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Jean 3:25

Akplowa kun tɔli Zan sɔnnzɔnfuɛ'm be nun wie be nin Zuif kun be afiɛn wunnzinlɛ wafa nga sran'm be wunnzin'n su.

Jean 5:26

Kɛ nguan'n wo i Si sa nun'n, ɔ man nguan sɔ'n wo i Wa'n sa nun wie.

Jean 5:27

Yɛ ɔ fa jɔlɛ dilɛ'n wlɛli i Wa'n sa nun, afin i yɛ ɔ kacili Sran-an.

Jean 9:29

E si kɛ Nyanmiɛn kan ndɛ kleli Moiz, sanngɛ bian nga liɛ'n, e si-mɛn i finwlɛ bɔbɔ.

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Sa nga bé yôli'n 2:17

‹Nyanmiɛn waan: An `nian, sa nga cɛn wie lele kɛ mɛn'n ɔ ´kɔ i bue nuan'n, m ma yo'n yɛ: N ´fa n Wawɛ'n man sran kwlaa. Amún mma yasua nin amun mma mmla'm be ´ijɔ min nuan, amun mma gbanflɛn'm be ´wun like aolia nun, yɛ amún si ngbɛn-ngbɛn'm be ´cɛn laliɛ.

Rɔmfuɛ Mun 1:4

yɛ i cɛnlɛ bɔ Nyanmiɛn Wawɛ'n cɛnnin i'n ɔ ti sa kekle b'ɔ yoli, ɔ man be si kɛ ɔ ti i Wa sakpa. Ɔ ti e Min Jésus-Krist.

Rɔmfuɛ Mun 8:17

E ti i wa, ɔ man like ng'ɔ se kɛ ɔ ´fa mɛn i sran mun'n, e ´nyan wie, yɛ kusu like ng'ɔ se kɛ ɔ ´fa man Krist'n, be ´bo e dunman nun wie, sanngɛ san nyrɛnnɛn kunngba ng'ɔ wunnin i'n, e ´wun wie nan e nin i y'a nyan nyrun.

1 Korɛntfuɛ Mun 2:7

Nyanmiɛn i ngwlɛlɛ b'ɔ yi-mɛn i nglo b'ɔ fiɛli i sran'm be nyrun'n, b'ɔ dun mmua sie mannin ye kɛ ɔ ba e nyrun nyan ka nan ɔ'a yi mɛn'n, i ndɛ yɛ e kan-an.

1 Korɛntfuɛ Mun 8:6

sanngɛ e liɛ'n, e Si Nyanmiɛn ti kunngba cɛ. I yɛ ɔ yili like'n kwlaa-a, i ti yɛ e o lɛ-ɔ. Yɛ e Min'n ti kunngba, yɛlɛ Jésus-Krist, i yɛ Nyanmiɛn man ɔ yili like'n kwlaa-a, i dunman nun yɛ man e o lɛ-ɔ .

Galasifuɛ Mun 4:4

Sanngɛ kɛ blɛ nga Nyanmiɛn sieli'n juli'n, ɔ sunmɛnnin i Wa'n, bla kun wuli i, ɔ dili mmla'n su.

Efɛzfuɛ Mun 1:10

Sa sɔ'n bɔ i waan ɔ ´yo'n, sɛ i cɛn'n ju'n, ɔ ´yo. Sa sɔ'n yɛlɛ kɛ ɔ ´kan sran'm be kwlaa nin asiɛ'n su like'n kwlaa nin nyanmiɛn su lɔ liɛ'n kwlaa bo nun, yɛ ɔ ´fa Krist sie bé su.

Efɛzfuɛ Mun 3:9

Yɛ sa nga be yo nan ɔ'a yo i klun su'n weiin, ɔ yo man n kle be. Nyanmiɛn b'ɔ yili ninnge'n kwlaa'n, lalafuɛ nun ɔ fiɛli i klun sa sɔ'n sran'm be nyrun.

Mmla'n 18:15

Anannganman amun Nyanmiɛn'n ɔ wa man amun i nuan ijɔfuɛ kun kɛ min sa b'ɔ ti amun nvle'n nunfuɛ. Amun `fa ndɛ ng'ɔ ´kan'n su.

Mmla'n 31:29

N si jrɛiin kɛ sɛ n wu'n, ɔ lɛ-man kɛ amun su saci-man. Amun ´yaci atin nga n kleli amun'n i lɛ, amun ´fa uflɛ. Amun ´yo sa tɛtɛ mun Anannganman i nyrun amun ´fa kun i ya. Ɔ man sa yalɛ'n kusu ´tɔ amún su le.»

Mmla'n 4:30

Kɛ sa nga n kannin be ndɛ'n be ´ju amún su, bɔ nyrɛnnɛn ´tɔ amun su'n, amun ´sa amun sin Anannganman amun Nyanmiɛn'n i sin. Amun ´fɛ i ndɛ'm bé su.

Hébreu 1:5

?Afin anz'm be nun onin yɛ Nyanmiɛn seli i kɛ: «A ti n wa, ndɛkɛn m'an kaci ɔ si-ɔ?» ?Yɛ be nun onin ekun yɛ ɔ kɛn i ndɛ kɛ: «N ´yo i si, yɛ i kusu ɔ ´yo n wa-a ?»

Hébreu 1:8

Sanngɛ ɔ kɛnnin i Wa'n i ndɛ kɛ: «Nyanmiɛn, ɔ bia'n wo lɛ tititi,» yɛ: «Sielɛ nga a sie sran mun'n, a sie be kpa.

Hébreu 11:3

Nyanmiɛn su bɔ e lafi ti yɛ e si kɛ i nuan nun ndɛ'n yɛ ɔ fa yili mɛn nin-ɔn, ɔ man ɔ fa like nga be wun-mɛn i'n yɛ ɔ fa yili like nga e wun be yɛ nin-ɔn.

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.

Hébreu 3:6

Krist kusu, kɛ ɔ ti i Wa'n, ɔ niɛn i bɔbɔ Nyanmiɛn i awlo'n su kpa sɔ. Sɛ e tra ye anwlɛn e jran kekle e lafi like nga é wla o su kɛ e ´nyɛn i'n su kpa'n, e ti i awlo.

Hébreu 4:14

E lɛ Nyanmiɛn nyrun jranfuɛ'm be su kpɛn kpa kun, ɔ ɔli lele juli Nyanmiɛn bɔbɔ nyrun lɔ: yɛlɛ Jésus Nyanmiɛn Wa'n. I sɔ'n ti'n, like nga e lafi su'n, man e lafi su kpa.

Hébreu 5:8

Kannzɛ ɔ ti i Wa'n, ɔ wunnin nyrɛnnɛn, ɔ man i ainyiɛ'n i nyin fiteli dan.

Hébreu 7:28

Be nian mmla'n su be fa sran'm bɔ be kwla yo-man like fi'n sieli Nyanmiɛn nyrun jranfuɛ dan, sanngɛ kɛ mmla'n wo lɛ lele'n, ndɛ nga Nyanmiɛn wa ta nda kannin'n ti ɔ fɛli i Wa'n b'ɔ ti kpa lele guɛ i ti nin i bo'n sieli i nyrun jranfuɛ'm be su kpɛn .

Hébreu 7:3

Be si-mɛn i si, nin i nin, ɔ nin i nannan, y'a kɛnngɛn-mɛn i ndɛ kɛ be wuli i yɛ ɔ wuli. Ɔ ti kɛ Nyanmiɛn Wa'n sa, ɔ man ɔ ´kɛ i Nyanmiɛn nyrun jranlɛ'n su tititi.

Hébreu 9:26

afin sɛ ɔ ti kɛ ɔ yoli sɔ'n, wuun kɛ ɔ fin mɛn'n i bo bolɛ nun'n, ɔ ´wun nyrɛnnɛn tititi. Sanngɛ siɛn'n bɔ y'a ju mɛn'n i bue nuan'n, ɔ yili i wun nglo kpɛ kunngba nan i wun b'ɔ fa sɔli Nyanmiɛn'n ti'n, sa tɛ'n `wie.

1 Piɛr 1:20

Nyanmiɛn dun mmua fɛ i sieli i sin nan ɔ'a yi mɛn'n, yɛ amun ti'n, kɛ y'a ju mɛn'n i bue nuan'n, ɔ'a yi i nglo.

2 Piɛr 3:3

Man an si kpa kɛ cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´yo sa nga be klun klo'n, yɛ be ´sri amun ,

Jude 1:18

Be seli amun kɛ: «Cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´to amun mma, yɛ Nyanmiɛn bɔ be sro-mɛn'n ti, be ´yo sa nga be klun klo'n.»