Ndɛ Nga Nyanmiɛn I Nuan Ijɔfuɛ Aze Kannin'n 2:6 - NYANMIƐN NDƐ'N 1998

⁶ Afin, Anannganman b'ɔ sie mɛn wunmuan'n wan yoo: ‹Ɔ ka kaan n ´keje nyanmiɛn su lɔ nin asiɛ'n, n ´keje jenvie'n nin asiɛ'n .

Ndɛ Nga Nyanmiɛn I Nuan Ijɔfuɛ Aze Kannin'n 2:6 ပူးပေါင်းရင်းမြစ်များ

Zɔb I Nyrɛnnɛn Wunlɛ 9:6

Ɔ man asiɛ'n keje, kpɛkuun i bo'n ɔ taka-man kpa kun.

Jue Mun 18:7

Min nyrɛnnɛn blɛ sɔ nun'n, n kpan flɛli Anannganman'n. N flɛli min Nyanmiɛn'n, kpɛkuun ɔ o i sua'n nun lɔ ɔ tili min aniɛn'n. Ɔ sieli i su tili flɛlɛ bɔ n flɛli i'n.

Jue Mun 37:10

Ɔ ka kaan sa, be su wun-man klunwifuɛ'n kun. Sɛ a nian kan ɔ tran lɛ'n, a su wun-man sran .

Ezai 10:25

Afin ɔ cɛ kan-an, min ya nga n fɛli i amun wun'n, ɔ ´wie. Ɔ ´kaci tɔ be su, ɔ ´nunnun be mlɔnmlɔn.»

Ezai 13:13

I sɔ'n ti, min Anannganman bɔ n sie mɛn wunmuan'n, min ya dan bɔ m'an fa'n nin min anwlɛn bɔ fita min klun'n ti, n wa keje nyanmiɛn su lɔ'n, yɛ n ´keje asiɛ'n kusu.

Ezai 2:19

Anannganman i ya dan'n nin i nyrun b'ɔ yo sro'n ti'n, sran'm be wa wlu yɛbuɛ buɛ'm be nun, be ´fia kunman'm be nun asiɛ'n i bo lɔ, afin Anannganman ɔ wa jaso, ɔ ´wlanwlan asiɛ'n sufuɛ mun .

Ezai 29:17

?Amun si-man kɛ ɔ cɛ kan-an, Liban bo'n ɔ ´kaci kɛ lika bɔ be tali nun waka'n sa? ?Yɛ amun si-man kɛ lika bɔ be tali nun waka'n ɔ ´kaci bo ble?

Ezai 34:4

Nglo lɔ ninnge'm be kwlaa be ´kaci kɛ ndutre sa. Be ´nyɔnnyɔn nyanmiɛn'n b'ɔ la nglo lɔ plaii'n kɛ be nyɔnnyɔn fluwa'n sa, nzraama'm be ´gua kɛ vinyi annzɛ figie nnya bɔ ɔ'a wu b'ɔ su kpɔngbɔ gua'n sa .

Zeremi 33:14

«Anannganman waan: ‹Cɛn wie lele Izraɛl osu'n nin Zida osu'm bé wun ndɛ fɛ nga n kannin'n, n ´yiɛ i nuan.

Zeremi 51:33

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Be sili Babilɔni su danme. Be sili su danme kɛ lika wie bɔ ɔ cɛ kan be su wa bo ble nun'n sa.»

Ezekiɛl 38:19

«Min ya dan bɔ n fali'n ti'n, n tali nda kɛ cɛn sɔ'n asiɛ'n ɔ wa keje dan kpa Izraɛl mɛn'n nun.

Ezekiɛl 38:20

Yɛ n tali nda ekun kɛ jenvie'n nun jue mun nin anunman'm be ´usu min nyrun sa tututu. Blo nnɛn mun nin nnɛn nga be cuɛn bé wun ase mun, yɛ sran nga be o asiɛ'n su'n be kwlaa be ´usu sa tututu. Oka'm be ´utu. Kpɔlɛ'm bé nuan su'm be ´bu tɔ. Yɛ talɛ'm be ´bu tɔ.

Sa nga bé yôli'n 2:19

N ´yo abonuan sa nyanmiɛn'n su lɔ, yɛ n ´yi atrɛ asiɛ'n su wa. Be ´wun mmoja nin sin, ɔ nin sin wɛnsrɛn dan.

Hébreu 10:37

Afin be klɛli i kɛ: «Ɔ cɛ kan'n, ɔ ka bɔ kaan sa, sran nga be waan ɔ ´ba'n, ɔ su cɛ-man, ɔ ´ba.

Sa nglô yile 11:9

Sran wafa-wafa'n kwlaa nin be nga be fin nvle-nvle'n kwlaa nun, nin be nga be aniɛn'n ti fanunfanun'n, nin be nga be fin mɛnmɛn'n kwlaa nun'n, be ´wun be fuɛn'n cɛn ba nsan nin sin. Be su man-man atin kɛ be sie be.