Ndɛ Nga Nyanmiɛn I Nuan Ijɔfuɛ Aze Kannin'n 2:5 - NYANMIƐN NDƐ'N 1998

⁵ Aenguɛ nga kɛ amun fin Ezipt be ´ba bɔ e trali'n, i su yɛ e tɛ wo-ɔ. E nin amun e o nun titi. Nán srɛ kun amun.›

Ndɛ Nga Nyanmiɛn I Nuan Ijɔfuɛ Aze Kannin'n 2:5 ပူးပေါင်းရင်းမြစ်များ

2 Be Nyoliɛ 20:17

Nán amun yɛ amun wa kun alɛ nga-a. Amun li amun ko jranjran, kpɛkuun amun ka amun osu nun lɛ, yɛ amun wa wun delɛ nga Anannganman ´de amun'n. Zidafuɛ mun nin Zerizalɛmfuɛ mun, nán amun sro, nán srɛ kun amun. Ainman'n, amun `ko bu be nyrun, Anannganman ´jran amún sin.› »

Neemi 9:20

A fali ɔ Wawɛ'n mannin be kɛ ɔ kle be ngwlɛlɛ. W'a yaci-man ɔ mani'n be fa manlɛ le. A mannin be nzue kɛ be nɔn.

Neemi 9:30

A dili bé wun amlin afuɛ kpanngban. Ɔ Wawɛ'n suli ɔ́ nuan ijɔfuɛ'm be bo kɛ be `kpɛn bé wla, sanngɛ b'a sie-man bé su be nuan bo. A fali be wlali aofuɛ'm bé sa nun.

Ezipt Lɔ Tulɛ'n 19:4

‹Amun wunnin sa nga n yoli Eziptfuɛ mun'n yɛ amun wunnin wafa nga n fa fali amun m bali mín wun wa'n. Kɛ anunman nyin fa lolo i mma mun, kɛ n kusu n lololi amun sɔ-ɔ.

Ezipt Lɔ Tulɛ'n 19:6

Sanngɛ amun liɛ'n, amun wa yo min nyrun jranfuɛ'm be nvle. Amun nvle sɔ'n ´yo min liɛ klonglo.› Ndɛ nga a wa kan kle Izraɛlfuɛ mun'n yɛ ɔ o lɛ-ɔ .»

Ezipt Lɔ Tulɛ'n 24:3

Moiz ko kannin ndɛ nga Anannganman kan kleli i'n i kwlaa nin like nga i waan be `yo'n kleli nvlefuɛ mun. Bé kwlaa be kɛnnin i likawlɛ kɛ: «E ´fa Anannganman i mmla'm be kwlaa be su.»

Ezipt Lɔ Tulɛ'n 24:8

Moiz fali mmoja'n kpɛntɛn-kpɛntɛnnin Izraɛlfuɛ'm bé su, kpɛkuun i waan: «Mmoja ng'ɔ o yɛ'n, o ti aenguɛ nga Anannganman nin amun trali'n blɛ b'ɔ ´man amun mmla nga'm be kwlaa'n, i nzɔliɛ .»

Ezipt Lɔ Tulɛ'n 34:10

Anannganman seli Moiz kɛ: «Nian, e nin amun e wa tra aenguɛ. Nvlefuɛ'm be kwlaa be nyrun'n, n wa yo abonuan sa bɔ be nian wun-mɛn i asiɛ wunmuan'n su wa, ɔ nin mɛn'm be kwlaa be nun le'n. Izraɛlfuɛ nga a o be afiɛn yɛ'n be kwlaa, be ´wun min Anannganman min sa nuan junman mun. Wɔ yɛ n ´fa wɔ n ´di junman sroesroe sɔ mun-ɔn.

Ezipt Lɔ Tulɛ'n 34:8

Moiz kɛnnin i wun ase ndɛndɛ, ɔ kotoli yɛ ɔ utuli i nyin ase.

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 41:13

N ti Anannganman amun Nyanmiɛn, n sɔ amún sa. Min yɛ n se amun kɛ: «Nán srɛ kun amun nan n ´uka amun nin-ɔn.»

Zakari 4:6

Nan ɔ'a yiyi nun ɔ'a kle min. Yɛ ɔ seli min kɛ yoo: «Ndɛ nga Anannganman'n kan kle Zorobabɛl'n yɛ. I waan: ‹Nán kɛ ɔ wue kekle'n ti-ɔ, yɛ nan kɛ ɔ wunmiɛn dan'n ti, yɛ a kwla di junman nin-ɔn, sanngɛ min Wawɛ'n ti yɛ man a kwla di-ɔ.

Zakari 8:13

Zidafuɛ mun nin Izraɛlfuɛ mun, kɛ laa an bo sanndili nvle'm be nun bɔ be fa wunnin kɛ sannzan o amun su'n, kɛ n wa de amun, siɛn'n, be ´wun kɛ an ti muaefuɛ. Nán srɛ kun amun, an `tra amun anwlɛn !»

Zakari 8:15

Siɛn'n, m'an fa akunndan uflɛ. N wa yo Zerizalɛmfuɛ mun nin Zida osu wunmuan'n be kpa. I ti nán srɛ kun amun kun.

Matthieu 28:5

Sanngɛ anz'n seli bla'm be kɛ: «Amun liɛ'n, nán srɛ kun amun, afin n si kɛ an su kunndɛ Jésus bɔ be boboli i waka'n su'n.

Sa nga bé yôli'n 27:24

‹Pɔl, nán man srɛ kun wɔ, afin kannzɛ ɔ yo sɛɛ, san a ´ju Sezar nyrun lɔ. Nian, ɔ ti be nga a nin be o mmeli'n nun'n be kwlaa, Nyanmiɛn man be ´nyan bé ti.›

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Zozie 8:1

Anannganman seli Zozie kɛ: «Nán srɛ kun wɔ, nán ɔ klun titi wɔ. A nin wɔ alɛ kunfuɛ'm be kwlaa amun nin Aifuɛ'm be `ko kun. Nian, Ai famiɛn nin i sran mun, nin i klɔ'n nin i nvle'n, n fa be wlali ɔ sa nun.

Sa nglô yile 1:17

Kɛ n wunnin i'n, n finnin ase i bo lɛ, yɛ n kacili kɛ fuɛn sa. Ɔ fɛ i sa fama'n fuali min wun yɛ ɔ seli kɛ: «Nán srɛ kun wɔ ! Min yɛ n ti like'n kwlaa i klikli nin i awieliɛ nin-ɔn.

1 Samiɛl 12:20

Samiɛl seli be kɛ: «Nán srɛ kun amun. N si kɛ amu'an yo sa tɛ dan, sanngɛ nán amun kaci amún sin si Anannganman. Amun `nian nun `su i kɛ ɔ fata'n sa.