Ndɛ Nga Nyanmiɛn I Nuan Ijɔfuɛ Aze Kannin'n 2:3 - NYANMIƐN NDƐ'N 1998

³ ‹?Laa, kɛ Anannganman i sua'n i klanman fa ti ju'n, amun nun'n, wan yɛ ɔ wunnin i bɔ i wla tɛ o su-ɔ? ?Yɛ kɛ amun wun i ndɛ'n, ɔ ti sɛ? ?Kɛ amun nian'n, i klanman'n ɔ'a kpɛ-man su yɛ ɔ o lɛ-ɔ ?

Ndɛ Nga Nyanmiɛn I Nuan Ijɔfuɛ Aze Kannin'n 2:3 ပူးပေါင်းရင်းမြစ်များ

1 Be Nyoliɛ 22:5

Sa ti bɔ David yoli sɔ'n, yɛlɛ kɛ i waan: «Mín wa Salomɔn tɛ yo gbanflɛn kan, i akunndan'n nian tin-man. Yɛ kusu sua nga be ´kplan man Anannganman'n, ɔ fata kɛ ɔ yo klanman kpa, nan mɛnmɛn'm be nunfuɛ'm be kwlaa be kannvun i i klanman nin i dan b'ɔ ´yo'n ti. I sɔ'n ti, n ´kunndɛ i wun ninnge mun n ´sie.» Ɔ man David kunndɛli ninnge sunman kpa sieli nan ɔ'a wu.

Ɛsdras 3:11

Nyanmiɛn i ayɛ yilɛ nin i manmanlɛ jue ng'ɔ o yɛ'n, be ´to'n wuun be ´sɔ su. Be se kɛ: «Anannganman ti kpa, afin i klun-ufue'n ng'ɔ yo Izraɛlfuɛ mun'n wo lɛ tititi.» Nzrafuɛ'm be kpannin kekle kpa, afin be klun ti jɔwa, be manmannin Anannganman i sua'n i bo ase bɔ be su wla'n ti.

Ɛsdras 3:12

Nyanmiɛn nyrun jranfuɛ, nin Levifuɛ, nin awlobo kpɛnngbɛn bɔ be ti kaklaakla, bɔ be wunnin Nyanmiɛn sua laa liɛ'n, bé sunman be o lɛ, kɛ be wunnin sua'n i bo ase bɔ be su wla'n, be tikeli bé ti be sunnin kekle kpa. Kɛ ɔ ´yo sɔ'n, wuun sran sunman kpa be ´kpan be klun b'ɔ ti jɔwa'n ti.

Ezai 64:10

Sua bɔ i nun yɛ é si'm be su wɔ laa'n, e sua klanman beblebe sɔ'n, sin dili. Lika sɔ'n bɔ e go nun e klo-mɛn i'n, ɔ'a kaci sua'n nvuɛn.

Ezekiɛl 7:20

Be fali be ninnge kpakpa mun fa dili tutre. Be yoli amuɛn bɔ be ti tete like'n, bɔ be ti sroesroe kpa'n. I sɔ'n ti n wa yo man bé nyin ´tu i sɔ ninnge'm be su.

Ndɛ Nga Nyanmiɛn I Nuan Ijɔfuɛ Aze Kannin'n 2:9

Ɔ man min sua nga i klanman ´tra klikli liɛ'n. Kpɛkuun m ´man amun fɔundi lika nga nun wa. M bɔbɔ min Anannganman b'ɔ n sie mɛn wunmuan'n, min yɛ n fua kle amun-ɔn.› »