Ndɛ Nga Nyanmiɛn I Nuan Ijɔfuɛ Aze Kannin'n 1:8 - NYANMIƐN NDƐ'N 1998

⁸ Amun `fu oka'm be su be `ko kpɛ waka be bla nan amun `wa kplan min sua'n. I liɛ nɛnnɛn nga amun ´di min'n, min klun ´jɔ su. M bɔbɔ min Anannganman'n yɛ n kan sɔ-ɔ.

Ndɛ Nga Nyanmiɛn I Nuan Ijɔfuɛ Aze Kannin'n 1:8 ပူးပေါင်းရင်းမြစ်များ

1 Famiɛn Mun 6:1

Kɛ Izraɛlfuɛ'm be fin Ezipt lɔ bali'n, i afuɛ ya nnan afuɛ ablaɔcuɛ su yɛ Salomɔn boli Anannganman i sua'n i kplanlɛ bo-ɔ. Afuɛ sɔ'n i anglo nnyɔn su yɛ be boli sua'n i junman'n i bo-ɔ. Be flɛ anglo sɔ'n kɛ Ziv. Kɛ ɔ ´yo sɔ'n, wuun Salomɔn yoli famiɛn ɔ'a di afuɛ nnan.

1 Famiɛn Mun 9:3

Anannganman seli i kɛ: «Aunnvuɛ srɛlɛ nga a srɛli'n, n tili. Sua bɔ a kplannin'n, m'an sie i ngunmin. N ´tran nun tititi. Mín nyin ´ta su yɛ n ´yo amun ye tititi.

1 Be Nyoliɛ 22:19

Ɔ man amun `nian nun su Anannganman amun Nyanmiɛn'n kpa sakpa. Amun `siesie amún wun nan amun `kplan Anannganman Nyanmiɛn'n i sua'n. Kɛ amun ko kplɛn i manmanlɛ sua sɔ'n, amun `fa i alaka'n nin i sulɛ ninnge mun fa sie nun.»

2 Be Nyoliɛ 7:16

Kɛ ɔ fin ndɛ'n, m'an fa sua nga, ɔ ti min liɛ, min dunman'n ɔ ´tran su titi. Min nyin su tu-man su le, yɛ ɔ ´yo min anwlɛn su like tititi.

Ɛsdras 3:7

Be fali sika mannin yɛbuɛ sɛfuɛ nin sua su bofuɛ mun. Be mannin Sidɔnfuɛ nin Tirfuɛ mun be ninnge diwa, nin nzan, ɔ nin ngo. Be waan be sua sɛdri waka jenvie nyin su Liban lɔ be ko guɛ i Zafo man be. Siris b'ɔ ti Pɛrs famiɛn'n yɛ ɔ mannin be atin kɛ be yo i sɔ-ɔ.

Ɛsdras 6:4

Man be sɛ yɛbuɛ yɛ be fa kplan-an. Sɛ be sie yɛbuɛ nyanman nsan'n, be `kplan waka nyanman kun sɔ trilili. Famiɛn'n i sika yɛ be fa kplan-an!

Ezipt Lɔ Tulɛ'n 29:43

Lika sɔ'n nun lɛ yɛ e nin Izraɛlfuɛ mun e ´yia-a, kpɛkuun lika'n ´yo min liɛ klonglo kɛ bɔ min nyrun nyannyan'n wo lɛ'n ti.

Ezai 60:13

Siprɛs waka mun nin pɛn waka mun, ɔ nin bui waka mun, b'ɔ man Liban mɛn'n ɔ lɛ nyrun'n, be ´fɛ i kwlaa sɔ'n be ba ɔ́ sin wa. Be ´fa yo min sua'n i klanman, yɛ n ´yo man min sua sɔ'n bɔ n tran nun'n, ɔ ´nyan nyrun.

Ezai 60:7

Be ´fa Kedar lɔ nnɛn'm be ´ba, be ´tian bé nuan wa, Nɛbazɔt lɔ bua nene'm be ´yo ɔ liɛ. Be ´fa nnɛn sɔ mun ´yi tɛ nga be yra be nnɛn'n kɔlikɔli'n. Be ´yi tɛ sɔ'm min sɔwlɛ'n su. Tɛ sɔ'm be wa jɔ min klun, yɛ n ´yi min nyrun nyannyan'n i nglo mín sua'n nun.

Ezai 66:11

I liɛ'n, fɔnvɔlɛ ng'ɔ ´fɔnvɔ amun'n, amun klun wa jɔ kɛ ba nɔnman bɔ i nin nyɔnflɛn nzue fɛfɛ b'ɔ nɔn'n ɔ jɔ i klun'n sa.

Ndɛ Nga Nyanmiɛn I Nuan Ijɔfuɛ Aze Kannin'n 1:7

Anannganman b'ɔ sie mɛn wunmuan'n waan: «Ajalɛ nga amu'an fa'n, amun `bu i akunndan be `nian.

Ndɛ Nga Nyanmiɛn I Nuan Ijɔfuɛ Aze Kannin'n 2:7

N ´keje aofuɛ'm be nun. Bé bo ninnge kpakpa'm be ´sɔn kpanngbangban. N ´yo man mín sua'n ´nyan nyrun ekun. M bɔbɔ min yɛ n kan sɔ-ɔ.

Ndɛ Nga Nyanmiɛn I Nuan Ijɔfuɛ Aze Kannin'n 2:9

Ɔ man min sua nga i klanman ´tra klikli liɛ'n. Kpɛkuun m ´man amun fɔundi lika nga nun wa. M bɔbɔ min Anannganman b'ɔ n sie mɛn wunmuan'n, min yɛ n fua kle amun-ɔn.› »