Ndɛ Nga Nyanmiɛn I Nuan Ijɔfuɛ Aze Kannin'n 1:4 - NYANMIƐN NDƐ'N 1998

⁴ B'a wlawla bé sua liɛ'm be nun ninnge kpakpa mun, sanngɛ m bɔbɔ min Anannganman mín sua liɛ'n ɔ'a bubu. ?Kɛ be yo i sɔ lɛ'n, ɔ nin i fata?› »

Ndɛ Nga Nyanmiɛn I Nuan Ijɔfuɛ Aze Kannin'n 1:4 ပူးပေါင်းရင်းမြစ်များ

2 Samiɛl 7:2

Yɛ ɔ seli Nyanmiɛn nuan ijɔfuɛ Natan kɛ: «N la sɛdri waka sua nun, kpɛkuun Nyanmiɛn i alaka'n wo tannin sua nun.»

2 Famiɛn Mun 5:26

Elize seli i kɛ: «?Kɛ bian'n ´fin i kakaklolo'n nun ´jra, b'ɔ ´ko kpa wɔ atin'n, be waan min wawɛ'n nun-man lɔ? ?Tralɛ'n i falɛ wafa nga a ko fɛli i lɛ'n, i su-ɔ? Yɛ sika nga a ´fa to olivie fie, nin vinyi fie, nin bua, nin nannin, nin kanga yasua, ɔ nin kanga mmla mun'n, i falɛ wafa nga a ko fɛli i lɛ'n, ɔ ti kpa?

Jue Mun 102:14

A su tran-man diin sa. A ´si Siɔnfuɛ'm be aunnvuɛ, afin be aunnvuɛ silɛ blɛ'n ɔ'a ju lele be flɛ-mɛn i julɛ kun.

Jue Mun 74:7

Be yili ɔ sua'n nun sin, be suli i bo be yili i ase. Be yoli lika sɔ bɔ ɔ dunman'n wo su'n i finfin.

Akunndanfuɛ'n 3:3

Ɔ lɛ blɛ kun bɔ be fa kun sran-an, yɛ ɔ lɛ blɛ kun bɔ be fa sran be sie bɔ be kun-mɛn i-ɔ. Ɔ lɛ blɛ kun bɔ be fa kplan like-ɔ, yɛ ɔ lɛ blɛ kun bɔ be fa bubu like sɔ nin-ɔn.

Zeremi 22:14

A ko se kɛ: ‹N klo kɛ n ´kplan sua dan kun bɔ i nglo lɔ sua ba'm be ´yo dandan.› A kpɛkpɛ i fenɛtri, a fa sɛdri waka sɛsɛ talɛ wun sɛsɛsɛ kpɛn lɔ. A kɛn i ayre ɔkwlɛ youun.

Zeremi 26:18

«Ezekias b'ɔ ti Zida famiɛn'n i blɛ su'n, Mise b'ɔ fin Mɔresɛt'n ɔ kannin Nyanmiɛn nuan ndɛ kleli Zidafuɛ'm be kwlaa kɛ: ‹Anannganman b'ɔ sie mɛn wunmuan'n wan yoo: Siɔn ´yo kɛ asiɛ bɔ b'a funndan nun sa. Zerizalɛm ´kaci kɛ yɛbuɛ yɛ b'a tiɛn i nuan'n sa, yɛ oka nga Nyanmiɛn i sua'n wo su'n ɔ ´kaci bo.›

Zeremi 26:6

Sɛ amu'an tie-man, sa nga n fa yoli Silo'n, i kunngba'n yɛ n ´fa yo min sua nga-a. Yɛ n ´yo man mɛn'n nun nvle-nvle'm be kwlakwla be ´bo klɔ nga dunman be ´fa bo sannzan.»

Zeremi 33:10

Anannganman'n wan yoo: «Klɔ nga amun waan ɔ'a saci nan sran nin nnɛn fi nun-man su kun'n, Zida klɔ nin Zerizalɛm akpɔ mun bɔ amun waan b'a tɔ srolo man sran nin nnɛn fi nun-man be su kun'n, sran'm be wa bo sro lika sɔ'm be nun, be ´ti be ngan. Be wa ´to aklunjuɛ jue. Yasua annzɛ bla nga b'a ja be wun uflɛ uflɛ'n be ´to jue. Be bɔ be to jue ng'ɔ o yɛ'n, be ´ti be nɛn ekun. Be waan: ‹Man be manman Anannganman b'ɔ sie mɛn wunmuan'n, afin ɔ ti kpa yɛ i klun-ufue'n wo lɛ tititi.› Be nga be fa bo kun yolɛ i su tɛ nnɛn'n be fa ba Anannganman i sua'n nun'n, be ´ti be nɛn'n. Afin mɛn nga nun sran bɔ be trali be lomuɛn'n, n ´fa be m ´ba. N ´fa be n ´sie be osu laa'n nun.» Anannganman'n yɛ ɔ kan sɔ-ɔ.

Zeremi 33:12

Anannganman b'ɔ sie mɛn wunmuan'n wan yoo: «Lika nga ɔ'a nunnun bɔ sran nin nnɛn fi nun-man nun'n, nnɛn sunianfuɛ'm be wa nyan be lika bɔ i nun yɛ nnɛn'm be ´la-a. Be ´nyan wie lika sɔ'n i klɔ dandan'm be su kusu.

Zeremi 52:13

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Sran kpakpa'm bé sua mun'n, ɔ'a yaci-man wie lɛ.

Ngwlɛ Yilɛ 2:7

E Min'n ɔ'a bu-mɛn i bɔbɔ i sɔwlɛ'n i like kun. I bɔbɔ i tranwlɛ'n, ɔ'a niɛn-mɛn i lika kun. Ɔ fali Siɔn i sua nglanman mun mannin e kpɔfuɛ mun. Kpankpanlɛ nga be fa kpankpan Nyanmiɛn i sua dan nun'n, ɔ ti-man blɛblɛ. A wun i sa-a ɔ waan cɛn yɛ be su di-ɔ.

Ngwlɛ Yilɛ 4:1

Ɔoo! ?Kɛ ɔ o yɛ'n, sika ɔkwlɛ'n ɔ'a kpa? ?Kɛ ɔ o yɛ'n, sika ɔkwlɛ jrɛiin'n ɔ'a saci? ?Kɛ ɔ o yɛ'n, Nyanmiɛn i sua i nun yɛbuɛ'm be tru klɔ'n nun anngɔnda'm be kwlaa be su? Cuekee!

Ezekiɛl 24:21

‹Se Izraɛlfuɛ'm be kɛ: Anannganman seli min kɛ: Min tranwlɛ bɔ amun fa di amun nuan'n, bɔ amun wun i-ɔ, amun klun jɔ'n, bɔ amún wla o su'n n wa yo man ɔ yo fiɛn. Amun mma yasua mun nin amun mma bla nga be kali Zerizalɛm lɔ'n, be ´kun be.

Saun Yolɛ 19:25

I afuɛ nnun'n su'n mma liɛ'n, amun kwla di. Sɛ amun nian nga n kle amun'n su yo i sɔ'n, waka sɔ'm be ´su kpa titi. Min yɛ n ti Anannganman amun Nyanmiɛn nin-ɔn.

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .

Ndɛ Nga Nyanmiɛn I Nuan Ijɔfuɛ Aze Kannin'n 1:5

Anannganman b'ɔ sie mɛn'n wan yoo: «Ajalɛ nga amu'an fa'n, amun `bu i akunndan be `nian.

Ndɛ Nga Nyanmiɛn I Nuan Ijɔfuɛ Aze Kannin'n 1:9

Amun buli kɛ amun wa nyan aliɛ kpanngban, kpɛkuun amun nyannin kaan sa. Nga amun fa ɔli klɔ'n, kɛ n fitali su'n, ɔ bo sanndili. ?Ɔ yo sɛ ti yɛ ɔ yoli sɔ-ɔ?» Anannganman b'ɔ sie mɛn waan: «Mín sua'n ɔ'a bu kusu wuun amun su kplin bé nyin be si amún sua liɛ mun.

Matthieu 6:33

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

Filipfuɛ Mun 2:21

Be nga'm be liɛ'n, be bɔbɔ be ninnge'n yɛ ɔ lo be-ɔ, Krist-Jésus liɛ'n lo-man be.