Ndɛ Nga Nyanmiɛn I Nuan Ijɔfuɛ Aze Kannin'n 1:1 - NYANMIƐN NDƐ'N 1998

¹ Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Ndɛ Nga Nyanmiɛn I Nuan Ijɔfuɛ Aze Kannin'n 1:1 ပူးပေါင်းရင်းမြစ်များ

1 Famiɛn Mun 10:15

Nga b'ɔ fɛ i sika ɔkwlɛ atɛ yofuɛ bé sa nun'n, ɔ nin lapo nga mɛn uflɛ nun famiɛn'm be tannin'n, ɔ nin sika nga mɛn siefuɛ'm be de'n, i kwlakwla ng'ɔ o lɛ'n, be ka wla-man nun.

1 Famiɛn Mun 14:18

Yɛ be sieli i-ɔ. Izraɛlfuɛ'm be kwlaa be yoli i sɛ'n kɛ Anannganman fa wlali Asiza b'ɔ ti i sufuɛ'n nin i nuan ijɔfuɛ'n i nuan kɛ ɔ kan'n sa.

2 Famiɛn Mun 14:25

Izraɛl nvle'n nun lika nga be kpɔfuɛ'm be fali'n, b'ɔ fɛ i Amat wun lɛ lele fa ju jenvie b'ɔ ti njin nzue klakla'n i nuan'n, Zeroboam deli i ngba. Ɔ man ndɛ nga Anannganman b'ɔ ti Izraɛl Nyanmiɛn'n fa wlali Zonas b'ɔ ti i sufuɛ'n i nuan kɛ ɔ kan'n, ndɛ sɔ'n kpɛnnin su. Zonas fin Gat-Efɛr, i si yɛlɛ Amitai.

1 Be Nyoliɛ 3:17

Zekɔnias bɔ be trɛli i ɔli Babilɔni'n i mma mun yɛlɛ Sealtiɛl, nin

1 Be Nyoliɛ 3:19

Pɛdaza i mma mun yɛlɛ Zorobabɛl, ɔ nin Simɛi. Zorobabɛl wa yasua mun yɛlɛ Mɛsilam nin Anania. Ɔ wuli ba bla kun. Be flɛ i kɛ Sɛlɔmit.

Ɛsdras 1:8

Famiɛn'n man Mitrɛdat b'ɔ ti bɔlɛ siefuɛ'n ɔ yili be fiteli nan ɔ'a fa be ɔ'a man Sɛsbazar b'ɔ ti Zida kpɛnngbɛn'n.

Ɛsdras 10:18

Nyanmiɛn nyrun jranfuɛ nga be jali nvle nun bla mun yɛ: Maazeza, Eliezɛr, Zarib, ɔ nin Gɛdalia. Be wie ti Zozadak i wa Zozie i mma mun, be wie kusu ti i niaan mun.

Ɛsdras 2:2

Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

Ɛsdras 2:63

Nvle'n i Siefuɛ'n waan nán be di like ng'ɔ ti Nyanmiɛn liɛ klonglo'n wie, san Nyanmiɛn nyrun jranfuɛ kun ɔ ´dun mmua fa i ninnge nga be fa si Nyanmiɛn i klun sa ɔ ´fa usa Nyanmiɛn i nun ka.

Ɛsdras 3:2

Zozadak i wa Zozie, ɔ nin i niaan Nyanmiɛn nyrun jranfuɛ mun, be nin Sealtiɛl i wa Zorobabɛl nin i niaan mun be bo yoli kun kɛ be ´kplan Izraɛl Nyanmiɛn sɔwlɛ'n. Be waan be ´kplan nan be ´yi tɛ nga be yrɛ i nnɛn'n kɔlikɔli'n i su kɛ Moiz b'ɔ ti Nyanmiɛn i sran'n i mmla fluwa'n waan be yo'n sa.

Ɛsdras 3:8

Kɛ be sali be sin Zerizalɛm bɔ lɛ yɛ Nyanmiɛn i sua'n wo'n, be afuɛ nnyɔn i anglo nnyɔn su'n, Sealtiɛl i wa Zorobabɛl nin Zozadak i wa Zozie, nin be niaan Nyanmiɛn nyrun jranfuɛ mun, ɔ nin Levifuɛ mun, ɔ nin be kwlaa nga be trali be lomuɛn bɔ be sali be sin'n, be boli junman'n bo. Be sieli Levifuɛ nga b'a di afuɛ ablaɔn annzɛ afuɛ ablaɔn ɔ'a tra'n kɛ be nian Anannganman i sua kplanlɛ junman'n su.

Ɛsdras 4:2

Be wa toli Zorobabɛl nin Izraɛl awlobo kpɛnngbɛn mun nan b'a se be kɛ: «E klo kɛ e nin amun e ´kplan sua'n, afin Nyanmiɛn kunngba nga amun su i'n yɛ e su i-ɔ. Kɛ ɔ fin cɛn bɔ Ezar-Adɔn b'ɔ ti Asiri famiɛn'n ɔ fali ye bali wa'n, e yi tɛ e man Nyanmiɛn .»

Ɛsdras 4:24

Zerizalɛm lɔ Nyanmiɛn sua'n i kplanlɛ'n jrannin. Ɔ jrannin lele juli Dariis b'ɔ ti Pɛrs famiɛn'n i sielɛ'n i afuɛ nnyɔn'n su.

Ɛsdras 5:1

Yɛ Nyanmiɛn nuan ijɔfuɛ Aze ɔ nin Ido i wa Zakari be kannin Nyanmiɛn nuan su ndɛ kleli Zuif nga be o Zerizalɛm nin Zida lɔ'n.

Ɛsdras 5:3

Blɛ kunngba sɔ nun'n, Tatnai b'ɔ ti nzue i bue kun lɔ nvle siefuɛ'n, nin Setar-Bɔznai, nin be nga be nin be di junman kunngba'n, be wa toli be, be usali be kɛ: «?Wan yɛ ɔ mannin amun atin kɛ amun kplan sua nga-a?»

Ɛsdras 6:14

Zuif kpɛnngbɛn'm be kplannin sua'n ɔ wieli weiin. Nyanmiɛn nuan ijɔfuɛ Aze, ɔ nin Ido i wa Zakari be ndɛ nga Nyanmiɛn fa wlali be nuan'n, ɔ wlali be fanngan. Be wieli sua'n kplan kɛ Izraɛl Nyanmiɛn'n kannin'n sa. Be fali Siris nin Dariis, nin Artaksɛrksɛs bɔ be ti Pɛrs famiɛn'n bé nuan ndɛ'n su.

Neemi 12:1

Nyanmiɛn nyrun jranfuɛ nin Levifuɛ nga be nin Sealtiɛl i wa Zorobabɛl, ɔ nin Zozie be bali'n be yɛ: Sɛraza, Zeremi, Ɛsdras,

Neemi 12:10

Zozie wuli Zozakim, Zozakim wuli Zozada,

Neemi 5:14

Kɛ be sieli min siefuɛ Zida nvle nun'n, b'ɔ fɛ i Artaksɛrksɛs i famiɛn nga be sieli i'n i afuɛ ablaɔn'n su b'ɔ ´fa ju i afuɛ ablasan-nin-nnyɔn'n su'n, afuɛ blu-nin-nnyɔn sɔ nun'n, e nin min niaan mun y'a fa-man lapo sika y'a fa ta-man e wun le.

Neemi 7:7

Be nin be nga be o yɛ mun yɛ be ɔli-ɔ: Zorobabɛl, Zozie, Neemi, Azaria, Raamia, Nasamani, Mardose, Bilsan, Misperɛt, Bigvai, Nɛɔm, ɔ nin Baana. Izraɛlfuɛ'm be nun yasua'm be nuan'n yɛ:

Neemi 8:9

Kɛ sran'm be tili ndɛ sɔ'n, kpɛkuun be su sun. Yɛ Neemi b'ɔ ti siefuɛ'n, ɔ nin Ɛsdras b'ɔ ti Nyanmiɛn nyrun jranfuɛ bɔ i kunngba'n ti mmla klefuɛ'n, ɔ nin Levifuɛ nga be tuli mmla'n i bo'n be seli be kɛ: «Ndɛ cɛn'n ti Anannganman amun Nyanmiɛn i cɛn, man nyrun mlanlɛ nin sunlɛ'n wie.»

Ezipt Lɔ Tulɛ'n 4:13

Moiz waan: «N ´srɛ wɔ kpa ti-ɔ, min Min, sunman sran uflɛ.»

Ndɛ Nga Nyanmiɛn I Nuan Ijɔfuɛ Aze Kannin'n 1:12

Sealtiɛl wa Zorobabɛl nin Zozadak wa Zozie b'ɔ ti Nyanmiɛn nyrun jranfuɛ'm be su kpɛn'n, ɔ nin Izraɛlfuɛ'm be kwlaa be fali Anannganman be Nyanmiɛn'n i nuan su ndɛ ng'ɔ fa wlali i nuan ijɔfuɛ Aze nuan kɛ ɔ `kan kle be'n su. Ɔ man srɛ kunnin be Anannganman wun.

Ndɛ Nga Nyanmiɛn I Nuan Ijɔfuɛ Aze Kannin'n 1:14

Anannganman'n mannin Zorobabɛl b'ɔ sie Zida'n nin Zozie b'ɔ ti Nyanmiɛn nyrun jranfuɛ'm be su kpɛn'n, ɔ nin Izraɛlfuɛ'm be kwlaa be wunmiɛn kɛ laa'n sa nan be kwlaa b'a bo be Nyanmiɛn'n b'ɔ sie mɛn'n wunmuan'n i sua'n i kplanlɛ bo

Ndɛ Nga Nyanmiɛn I Nuan Ijɔfuɛ Aze Kannin'n 1:15

afuɛ kunngba sɔ'n i anglo nsiɛn'n i le ablaɔn-nin-nnan su.

Ndɛ Nga Nyanmiɛn I Nuan Ijɔfuɛ Aze Kannin'n 1:2

«Anannganman wan yoo: ‹Sran'm be waan: Anannganman i sua'n kplanlɛ blɛ'n nian ju-man.

Ndɛ Nga Nyanmiɛn I Nuan Ijɔfuɛ Aze Kannin'n 2:10

Kɛ Dariis trannin famiɛn bia su'n, i afuɛ nnyɔn i anglo ngwlan'n, i le ablaɔn-nin-nnan su'n, Anannganman b'ɔ sie mɛn'n wunmuan'n, ɔ kannin ndɛ kleli Aze b'ɔ ti i nuan ijɔfuɛ'n.

Ndɛ Nga Nyanmiɛn I Nuan Ijɔfuɛ Aze Kannin'n 2:20

Le kunngba sɔ'n nun, anglo'n i le ablaɔn-nin-nnan'n su'n, Anannganman kannin ndɛ kleli Aze ekun. Ɔ seli i kɛ yoo:

Ndɛ Nga Nyanmiɛn I Nuan Ijɔfuɛ Aze Kannin'n 2:21

«Kan kle Zorobabɛl b'ɔ sie Zida'n kɛ: ‹N ´keje nyanmiɛn ng'ɔ la nglo lɔ plaii nin asiɛ'n .

Ndɛ Nga Nyanmiɛn I Nuan Ijɔfuɛ Aze Kannin'n 2:4

I ti Zorobabɛl, mian ɔ́ nyin, Zozadak wa Zozie, wɔ bɔ a ti min nyrun jranfuɛ'm bé su kpɛn'n, tra wɔ anwlɛn! Amun kwlaa nga amun wo Izraɛl mɛn'n nun'n, amun `tra amun anwlɛn yɛ amun `di junman'n, afin m bɔbɔ min Anannganman bɔ n sie mɛn wunmuan'n, n jin amún sin. M bɔbɔ min yɛ n fua n kle amun sɔ-ɔ.

Zakari 1:1

Kɛ be sieli Dariis famiɛn'n i afuɛ nnyɔn'n i anglo mɔcuɛ'n su'n Anannganman'n kannin ndɛ kleli Zakari, Ido i wa Berekia i wa liɛ'n,

Zakari 3:1

Anannganman'n fali Nyanmiɛn nyrun jranfuɛ'm bé su kpɛn Zozie kleli min. Ɔ nin Anannganman i anz'm be jinjin lɛ. Satan kusu jin i sa fama su, ɔ kunndɛ kɛ ɔ ´sɛnmɛn i.

Malasi 1:8

Anannganman b'ɔ sie mɛn wunmuan'n usa kɛ yoo: «?Kɛ amun fa nnɛn nga be nyinma ti siwa, wie kusu-ɔ nga bé ja ti buwa, wie kusu-ɔ nga be kwla-man nanti'n be fa man min'n, ɔ ti kpa? ?Sɛ amun fɛ i sɔ nnɛn be man amun sran ng'ɔ sie amun'n, i klun ´jɔ su? ?Ɔ ´nian amun nyrun?

JÉSUS-CHRIST I DYASIN FE'N BO LUC KLELI'N 3:27

Zɔda ti Zɔanan wa, Zɔanan ti Reza wa, Reza ti Zorobabɛl wa, Zorobabɛl ti Salatiɛl wa, Salatiɛl ti Neri wa,