Ɛsdras 9:8 - NYANMIƐN NDƐ'N 1998

⁸ Yɛ ndɛ Anannganman e Nyanmiɛn, w'a si ye aunnvuɛ man e nvle nunfuɛ wie'm b'a nyan atin b'a sa be sin. W'a man e kpata kan kplanwlɛ wɔ lika kpa'n nun, w'a kpaja e nyrun man y'a wun atin'n, w'a man e nguan kan e kanga yolɛ'n nun,

Ɛsdras 9:8 ပူးပေါင်းရင်းမြစ်များ

2 Famiɛn Mun 19:4

Atrɛkpa-a, Anannganman ´ti nzowa nga Asiri famiɛn'n sunmannin i sufuɛ safunyrɛn'n kɛ ɔ wa kpɛ i bɔbɔ Nyanmiɛn b'ɔ lafi-man nin o! Sɛ ɔ nin i be ´kan o! Ɔ man srɛ Nyanmiɛn man be nga be ka lɛ'n mun.› »

Ɛsdras 9:9

afin e ti kanga, sanngɛ e Nyanmiɛn, w'a yi-man ye ase e kanga yolɛ'n nun. A fali wɔ aunnvuɛ silɛ'n wlali Pɛrs famiɛn'm be nun kɛ ɔ ´yo nan y'a wu-man, nan y'a kwla kplan wɔ bɔ a ti e Nyanmiɛn'n ɔ sua b'ɔ buli'n, nan y'a nyan fiawlɛ Zerizalɛm klɔ'n, ɔ nin Zida nvle nun'n ti.»

Neemi 1:11

Min Min, sie ɔ́ su tie min srɛlɛ'n ɔ nin ɔ sran nga be nyin yi wɔ'n be srɛlɛ'n. Man n nyan muae ndɛkɛn, yo man n nyan jranwlɛ bian sɔ'n i nyrun.» I blɛ sɔ nun'n, wuun n ti famiɛn'n i nzan sufuɛ.

Neemi 9:31

Sanngɛ wɔ aunnvuɛ silɛ dan'n ti w'a nunnun-man be, w'a yi-man be blo, afin a ti Nyanmiɛn kun b'ɔ si aunnvuɛ yɛ ɔ klun ti ufue.

Zɔb I Nyrɛnnɛn Wunlɛ 33:30

Ɔ yi i wie'n i nuan'n nun. Yɛ lika weiin b'ɔ man nguan'n, ɔ fa kpɛjɛ i nyrun.

Jue Mun 13:3

?Nan blɛ'n kwlakwla n ´ka kokolɛ su sa tititi? ?Nan blɛ'n kwlakwla n ´ka awlaboɛ'n nun sa tititi? ?Nan blɛ'n kwlakwla n kpɔfuɛ'n i sa'n ɔ ´kwla min sa tititi?

Jue Mun 13:4

Anannganman, min Nyanmiɛn, to ɔ́ nyin wa nan tɛ min su, uka min wunmiɛn'n su. Ɔ'a yo-man sɔ-ɔ, wie'n ɔ ´kun min,

Jue Mun 138:7

Sɛ bɔ nyrɛnnɛn tɔ mín su sɛ'n, wɔ man n ka nguan nun. Ya nga min kpɔfuɛ'm be fɛ i mín wun'n, a kɛn i ase, yɛ a de min.

Jue Mun 34:5

N flɛli Anannganman, ɔ tɛli min su. Anannganman man srɛ b'ɔ kun min'n ɔ'a wie .

Jue Mun 85:6

?Nan a ´ka é wun ya falɛ'n su sa tititi? ?A ´fa ɔ ya'n a ´gua akpasua nga be ´jaso su'n be su?

Nyanndra Mun 29:13

Yalɛfuɛ'n nin sran ng'ɔ yo yalɛfuɛ'm be tɛtɛ'n be ti kun. Be kun bɔ be ti'n yɛlɛ kɛ Anannganman yɛ man be nnyɔn'n be nyinma wun ase-ɔ.

Akunndanfuɛ'n 12:11

Ngwlɛlɛfuɛ'm be ndɛ'm be ti kɛ like ti piembie nga be fa kankan nnɛn mun'n sa. Nyanndra'm be ti kɛ kpɛngbɛ bɔ b'a fa bobo like wie nun kpa'n sa. Be kwlaa be fin Nyanmiɛn .

Ezai 1:9

Sɛ Anannganman b'ɔ sie mɛn wunmuan'n ɔ'a yaci-man e nun sran wie'm be lɛ'n, wuun e wieli nunnun kɛ Sodɔmfuɛ'm be sa, sɛ ɔ'a yaci-man be lɛ'n, wuun e wieli wu kɛ Gomɔrfuɛ'm be sa .

Ezai 14:3

Izraɛlfuɛ mun, cɛn nga Anannganman yo nan amún wun jɔ amun fɔun'n, sɛ amun afɛ'n nin amun nyrɛnnɛn'm be wie'n, sɛ be yaci amun nun bɔ amun ti-man kanga kun'n,

Ezai 56:5

n ´klɛ be dunman'n min sua'n nun lɔ talɛ'n i lika kun su. I sɔ'n ti kpa tra kɛ b'a nyan ba bla mun nin ba yasua mun'n. M ´man be dunman kun b'ɔ ´ka lɛ tititi, sran fi su nunnun-mɛn i.»

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Zeremi 42:2

«E bali wɔ like srɛlɛ, i ti-ɔ, nian e nyrun. Srɛ Anannganman ɔ Nyanmiɛn'n man ye. Laa e sɔnnin kpa, sanngɛ e nga y'a ka'n yɛlɛ e kaan ng'ɔ bɔbɔ nyin ta e yɛ'n.

Zeremi 44:14

Sran kun sa su fin-man nun fite-man. Zidafuɛ'm be onga nga be waan be wa tran Ezipt wa nan sɛ ɔ yo-ɔ be ´sa bé sin be ´kɔ Zida'n, be su kwla sa-man bé sin, san be nun kaan sa yɛ be ´sa bé sin-ɔn.»

Ezekiɛl 14:22

san sran'm be wie'm be ´ka lɛ. Ba bla nin ba yasua mun, be ´to amun mɛn nga be trali amun ɔli nun'n be nun lɔ. Kɛ an ´wun wafa nga be nzuɛn'n fa ti'n nin be ninnge nga be yo'n, amun anwlɛn ´gua ase nyrɛnnɛn dan nga n fa yili Zerizalɛm su'n i nun .

Ndɛ Nga Nyanmiɛn I Nuan Ijɔfuɛ Oze Kannin'n 6:2

Wa nin le nnyɔn'n ɔ ´yo man e nyan nguan ekun, e ´tintin é sa ase i fanngan nun. Kpɛkuun i le nsan su'n, ɔ ´man ye su e ´yo juejue, e wa tran nguan nun i nyrun ekun .

Abakik 3:2

Anannganman, ɔ sa dandan nga a yoli be'n, be kannin bé wun ndɛ n tili. Ɔ man n sro wɔ. Blɛ'n kwlakwla, yo i sɔ sa mun ekun kle ye. Kannzɛ bɔ a fa ya'n, sanngɛ ɔli yi ɔ klun-ufue'n i nglo kle ye ekun.

Sofoni 3:12

Amun nvle'n nun sran nga n ´yaci be lɛ'n, yɛlɛ wɛtɛɛfuɛ mun nin yalɛfuɛ mun. Be liɛ'n be ´lafi min su, be ´fia min sin.

Zakari 10:4

Kpɛnngbɛn wafa'n kwlaa be ´fin min nvle'n nun. Be ´yo cinnjin kɛ yɛbuɛ b'ɔ tra sua'n i cɔnjɔ'm be ase'n sa, Be ´yo kɛ waka nga be kplan be bɔ be cici tannin sua'n bé wun'n sa.

Zakari 8:12

N ´yo man sran'm bé wun ´tɔ be fɔuun. Vinyi'm be ´su, fie'm be ´yo kpa, nzue'n ´tɔ. Nɛnnɛn nga n ´fa di Izraɛlfuɛ nga be kali'n, yɛ ɔ o lɛ-ɔ.

Zakari 8:6

Anannganman b'ɔ sie mɛn wunmuan'n wan yoo: «?Sɛ Izraɛlfuɛ nga be kali'n, be lafi su kɛ i sɔ sa'n kwla yo-man le'n, i sɔ'n ti m bɔbɔ n kwla m bu i sɔ wie ?»

Rɔmfuɛ Mun 9:27

Ezai kusu kannin Izraɛl i ndɛ, ɔ kpan seli kɛ: «Kannzɛ man Izraɛlfuɛ'm be trɛ kɛ jenvie nuan aunnyan sa'n, be nun kaan sa yɛ be ´ka lɛ, be sɔfuɛ yɛ be ´nyan bé ti-ɔ.

Sa nglô yile 3:12

Sran ng'ɔ kwla'n, n ´fɛ i n yo min Nyanmiɛn i sua'n i kuatrɛn'n kun, be su kaci-mɛn i. Min Nyanmiɛn i dunman'n nin min Nyanmiɛn i klɔ Zerizalɛm uflɛ b'ɔ fin i wun nyanmiɛn su lɔ jra'n i dunman'n, ɔ nin m bɔbɔ n dunman uflɛ'n, n ´fa be n ´klɛ i wun .

1 Samiɛl 14:27

Zonatan kusu, kɛ i si man sran'm be ´ta nda sɔ'n, ɔ'a wun-man nun, ɔ man ɔ fali waka b'ɔ o i sa nun'n i bue nuan'n fa kplannin awɛma'm be sua'n nun nan ɔ'a fa kɛn i nuan, kpɛkuun i nyinma su ɔ'a klo.

1 Samiɛl 14:29

Zonatan waan: «Mín si yoli e mɛn'n i tɛ. Amun bɔbɔ amun `nian kɛ min nyinma su ɔ'a klo-ɔ, awɛma nzue kan bɔ n dili'n ti.