Ɛsdras 9:5 - NYANMIƐN NDƐ'N 1998

⁵ Nnɔsua tɛ yilɛ dɔ'n su'n, n fali min wun tralɛ titiwa mun, n fin min awlaboɛ'n nun n jasoli, nan m'an koto m'an man mín sa'n su nglo Anannganman min Nyanmiɛn'n i nyrun.

Ɛsdras 9:5 ပူးပေါင်းရင်းမြစ်များ

1 Famiɛn Mun 8:22

Salomɔn ko jrannin Anannganman i sɔwlɛ'n i nyrun lɛ, ɔ kpɛli i nyin Izraɛlfuɛ'm be kwlaa bɔ b'a yia'n bé su. Ɔ mannin i sa'm be su nglo.

1 Famiɛn Mun 8:38

sɛ ɔ nvle'n nunfuɛ'm be kpɔfuɛ'm be wa utu bé mɛn'n, sɛ sa kekle fanunfanun ju bé su'n, sɛ tukpacɛ fanunfanun yo be'n, sɛ i kwlaa sɔ nun be kwlaa be wun sa nga be yoli'n nan be srɛ wɔ kpa sakpa'n, yɛ sɛ be man bé sa'm be su nan be tinngɛ be sua nga i ndɛnman'n,

1 Famiɛn Mun 8:54

Kɛ Salomɔn ´srɛ aunnvuɛ srɛlɛ sɔ'n, wuun ɔ koto Nyanmiɛn sɔwlɛ'n i nyrun lɛ. Ɔ mannin i sa'n su nglo. Anannganman yɛ ɔ srɛli i sɔ nin-ɔn. Kɛ ɔ wieli srɛ'n, ɔ jasoli.

2 Be Nyoliɛ 6:13

Salomɔn fali aaba kplannin like kun bɔ be kwla jran su, ɔ fa sieli awlo klun'n i afiɛn. I bue'n kwlaa ti mɛtri nnyɔn nin sin, yɛ i nglo-nglo su'n ti mɛtri kun nin sin. Ɔ fuli su, yɛ ɔ kotoli Izraɛlfuɛ'm be kwlaa be nyrun lɛ. Ɔ mɛnnin i sa'm be su nglo yɛ ɔ seli kɛ:

Neemi 1:4

Kɛ n tili ndɛ sɔ'n, n trannin ase, n sunnin, n trannin awlaboɛ sɔ'n nun n dili le nnyɔn kun. N kpɛli srɛ nun, n srɛli Nyanmiɛn b'ɔ o nglo lɔ'n.

Jue Mun 141:2

Min srɛlɛ nga n srɛ'n, man ɔ yo ɔ nyrun kɛ ansans sa. Mín sa nga m man be su'n man ɔ yo ɔ nyrun kɛ nnɔsua nun tɛ bɔ be yi'n sa .

Jue Mun 143:6

M man mín sa'm be su nglo n kle wɔ. N de wɔ awuliɛ kpa kɛ asiɛ b'ɔ su srɛ nzue'n sa.

Jue Mun 95:6

An `bla wa man e koto, man e koto e ja bue'n su, man e koto e `utu e nyin ase Anannganman b'ɔ yili ye'n i bo.

Ezipt Lɔ Tulɛ'n 9:29

Moiz tɛli i su kɛ: «Kɛ n fin klɔ'n nun n ´fite cɛ'n, m ´manman mín sa'm bé su n ´srɛ Anannganman. Ngblannan'n nin nzraama'n be ´jran, kɛ ɔ ´yo nan w'a si kɛ asiɛ'n ti Anannganman liɛ'n ti.

Ezipt Lɔ Tulɛ'n 9:33

Moiz tuli i bo famiɛn'n i wun lɔ, ɔ fin klɔ'n nun fiteli. Ɔ ko mannin i sa'm bé su, ɔ srɛli Nyanmiɛn. Kpɛkuun fɔuun ngblannan'n ɔ'a tɛ-man kun, yɛ nzraama'n yacili gualɛ-ɔ. Nzue'n kusu kpɛli kpe.

Ezai 1:15

Kɛ amun man amún sa'm be su kɛ amun ´srɛ min'n, n kata min nyin kɛ ɔ ´yo nan m'an wun-man amun'n ti. Sɛ amun srɛ min bɔ lele'n, ɔ ti ngbɛn. N su sie-man min su. Afin sran'm be mmoja ase gualɛ'n yɛ ɔ ti amun junman-an.

Daniɛl 10:2

«I blɛ sɔ nun'n, m bɔbɔ min Daniɛl, n trannin sɛnvuɛ tranlɛ sɔ lele le mɔcuɛ klonglo nsan.

JÉSUS-CHRIST I DYASIN FE'N BO LUC KLELI'N 22:41

Nan ɔ'a yaci be lɛ ɔ'a ɔ i nyrun lɔ kaan, yɛ ɔ kotoli nan ɔ'a se Nyanmiɛn kɛ:

Sa nga bé yôli'n 21:5

sanngɛ kɛ e dili lɛ le nso'n, e tuli e bo lɛ. Be nin bé yi nin be mma'm be kwlaa be ko sunmannin ye lele be kpɛli klɔ'n. E kotoli jenvie'n nuan lɛ, e nin Nyanmiɛn e kokoli yalɛ.

Efɛzfuɛ Mun 3:14

I sɔ'n ti'n, n koto e Si'n i bo.