Ɛsdras 9:2 - NYANMIƐN NDƐ'N 1998

² afin b'a ja nvle sɔ'm be nun mmla mun. B'a ja wie b'a man be mma mun. Ɔ man b'a fa Nyanmiɛn i nvle b'a sanngan nvle sɔ'm be nun. Famiɛn i awlo lɔ sran dandan nin jɔlɛ difuɛ'm be yɛ be kleli be atin tɛ sɔ nin-ɔn .»

Ɛsdras 9:2 ပူးပေါင်းရင်းမြစ်များ

Bo Bolɛ 6:2

Nyanmiɛn mma mun be wunnin kɛ sran'm bé wa bla sɔ'm be ti nglanman kpa nan b'a kunndɛ wie b'a ja.

1 Famiɛn Mun 11:1

Famiɛn Salomɔn jali nvle uflɛ'm be nun bla mun sa kakaka. Kɛ ɔ jali Ezipt famiɛn i wa bla'n, i sin ɔ wa jali Moab, nin Amɔn, nin Edɔm, nin Sidɔn, ɔ nin Ɛt mmla wie mun.

Ɛsdras 10:2

Yɛ Zɛiɛl i wa Sɛkania b'ɔ ti Elam awlo'n nunfuɛ'n, ɔ seli Ɛsdras kɛ: «Nvle nga be nin ye tran wa'n be nun bla nga e jali'n, ɔ ti fɔnlɛ yɛ e fɔnnin Anannganman wun-ɔn, sanngɛ Izraɛlfuɛ'm be ´kwla fin nun fite.

Ɛsdras 9:12

I ti nán amun fa amun mma bla'm be man be mma yasua mun, yɛ nán amun ja be mma bla mun man amun mma yasua mun. Nán amun bu be anyanbeun nin be alaje bɔ be di'n i like. I liɛ'n, amun ´nyan fanngan, amun ´di mɛn nga nun ninnge kpakpa mun. Yɛ mɛn sɔ'n ´yo amun osu nunfuɛ'm be liɛ tititi.›

Ɛsdras 9:14

yɛ e wa saci ɔ mmla mun ekun-ɔn? ?E ´fa e wun mantan nvle nga be ti tete bofuɛ mun ekun? ?Sɛ a fa ya'n, a ko nunnun-man ye mlɔnmlɔn siɛn ?

Neemi 13:17

N ijɔli Zida kpɛnngbɛn mun. Yɛ n usali be kɛ: «?Kɛlɛ amun si kɛ wunmiɛn-delɛ-cɛn'n i finfin nga amun yo'n ɔ ti sa tɛ dan yɛ amun yo-ɔ?

Neemi 13:28

Eliasib b'ɔ ti Nyanmiɛn nyrun jranfuɛ'm be su kpɛn'n, i wa Zozada i wa'm be nun kun i sia yɛlɛ Sanbalat b'ɔ fin Bɛt-Ɔrɔn'n. I ti n fuɛnnin i.

Ezipt Lɔ Tulɛ'n 19:6

Sanngɛ amun liɛ'n, amun wa yo min nyrun jranfuɛ'm be nvle. Amun nvle sɔ'n ´yo min liɛ klonglo.› Ndɛ nga a wa kan kle Izraɛlfuɛ mun'n yɛ ɔ o lɛ-ɔ .»

Ezipt Lɔ Tulɛ'n 34:16

I kunngba'n, kɛ ɔ ´yo nan amu'an fa-man lɔ bla amu'an man-man amun wa yasua mun, nan bla sɔ'm be kusu kɛ be ´sɔ be amuɛn mun'n, b'a cuɛn-man amun mma liɛ mun b'a wla-man amuɛn sɔ'm be sɔlɛ nun wie'n ti.

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Saun Yolɛ 21:15

Sɛ ɔ'a yo-man sɔ-ɔ, fiɛn ´wlu i awlo'n nun. N ti Anannganman, min yɛ n fɛli i n sieli i kɛ ɔ `di min nyrun jranlɛ junman nin-ɔn.»

Malasi 2:11

Zidafuɛ'm be fɔnnin Nyanmiɛn wun, be yoli sa tɛtɛ Izraɛl mɛn wunmuan'n nun, be yoli sa tɛtɛ Zerizalɛm lɔ. Yɛlɛ kɛ be yoli Anannganman i anwlɛn su like'n i finfin. Be jali nvle nun bla nga be sɔ amuɛn mun .

Malasi 2:15

?Anannganman ɔ'a fa-man amun, ɔ nin amún yi'm be wunnɛn'n, ɔ nin amun wawɛ'n ɔ'a yo-man sran wunmuan kun? ?Nguɛ ti-ɔ? ?Nán ba wulɛ ti-ɔ? Amun `nian amun wun kpa, nán amun yra amun gbanflɛn nun bla mun.

1 Korɛntfuɛ Mun 7:14

Afin Nyanmiɛn ɔ sɔ bian b'ɔ lafi-man Krist su'n nun i yi'n ti, yɛ ɔ sɔ bla b'ɔ lafi-man Krist su'n nun i wun'n b'ɔ ti e niaan'n ti. Ɔ man Nyanmiɛn ɔ sɔ be mma'm be nun. Sɛ ɔ ti-man sɔ'n, be mma'm be ´yo kɛ guasu ba sa.

2 Korɛntfuɛ Mun 6:14

Nán amun nin be nga be lafi-man Krist su'n, bɔ amun nzuɛn'n sɛ-man'n, an san nun. ?Nzu anuansɛ yɛ sran kpa nin sran tɛ'n be di-ɔ? ?Wia'n nin aosin'n be kwla tran lika wlɛ?

Mmla'n 14:2

Afin amun ti Anannganman amun Nyanmiɛn i sran mun klonglo. Anannganman niannin mɛn'n nun nvle'm be kwlaa be nun ɔ kpali amun kɛ amun yo i liɛ mlɔnmlɔn.

Mmla'n 7:6

Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

Zozie 22:15

Be ɔli Galaad mɛn'n nun lɔ wia afiliɛ lɔ Izraɛl akpasua'm bé sin nan b'a usa be sa,

Zozie 23:12

Sɛ amun kaci amún sin si i nan amun fa amun wun fa mantan nvle nga be tɛ o amun afiɛn'n, sɛ amun ja be mma mmla mun'n, sɛ amun sanngan be nun nan amun fa be sanngan amun nun'n,