Ɛsdras 9:12 - NYANMIƐN NDƐ'N 1998

¹² I ti nán amun fa amun mma bla'm be man be mma yasua mun, yɛ nán amun ja be mma bla mun man amun mma yasua mun. Nán amun bu be anyanbeun nin be alaje bɔ be di'n i like. I liɛ'n, amun ´nyan fanngan, amun ´di mɛn nga nun ninnge kpakpa mun. Yɛ mɛn sɔ'n ´yo amun osu nunfuɛ'm be liɛ tititi.›

Ɛsdras 9:12 ပူးပေါင်းရင်းမြစ်များ

1 Be Nyoliɛ 28:8

I sɔ'n ti, e bɔ e ti Izraɛlfuɛ'n, bɔ e ti Anannganman i sran'n, y'a yia. E kwlakwla e nyrun wa'n, yɛ kɛ e o Anannganman b'ɔ ti ndɛ nga e kan'n i nyrun wa yɛ'n, amun `ta nda kɛ amun ´fa i mmla'n kwlaa su kpa. I liɛ'n, mɛn kpa ng'ɔ o yɛ'n ´yo amun liɛ, yɛ amun ´yaci man amun osu'n nunfuɛ mun, ɔ yo be liɛ tititi.

2 Be Nyoliɛ 19:2

Kɛ ɔ ´ba'n, Anani b'ɔ ti Nyanmiɛn nuan ijɔfuɛ'n i wa Zei bɛli i atin kpalɛ. Ɔ usali famiɛn Zozafat kɛ: «?Ɔ yo sɛ ti yɛ a ɔli klunwifuɛ'n nga i ukalɛ-ɔ? ?A klo be nga be kpɔ Anannganman'n? Ɔ sa nga a yoli i lɛ'n ti Anannganman ɔ'a fa ɔ́ wun ya,

Ɛsdras 9:2

afin b'a ja nvle sɔ'm be nun mmla mun. B'a ja wie b'a man be mma mun. Ɔ man b'a fa Nyanmiɛn i nvle b'a sanngan nvle sɔ'm be nun. Famiɛn i awlo lɔ sran dandan nin jɔlɛ difuɛ'm be yɛ be kleli be atin tɛ sɔ nin-ɔn .»

Ezipt Lɔ Tulɛ'n 23:32

Nán amun nin be tra aenguɛ, nán amun fa be amuɛn mun.

Nyanndra Mun 13:22

Klun-ufuefuɛ'n i osu aja'n ɔ ti i anunman'm be liɛ. Klunwifuɛ'm be ninnge'm be kaci sran kpa'n i liɛ.

Nyanndra Mun 20:7

Sran kun ng'ɔ ti sran kpa'n, bɔ i klun ti ufue'n, cɛn nga b'ɔ nun-man nun kun'n, i mma ng'ɔ yaci be i sin wa'n, be nanti muae su.

Ezai 1:19

Sɛ amun sie amun su amun tie ndɛ nga n kan n kle amun'n, amun ´di mɛn nga nun ninnge kpakpa mun.

Mmla'n 23:6

Sanngɛ Anannganman amun Nyanmiɛn'n, kɛ b'ɔ klo amun'n ti ɔ'a kplin-man Balaam su. Sannzan bɔ be waan Balaam ɔ bo'n, ɔ'a bo-man. Sanngɛ Anannganman amun Nyanmiɛn'n man ɔ yrɛli i nuan klanman mannin amun. Afin Anannganman amun Nyanmiɛn'n ɔ klo amun .

Mmla'n 23:7

Ɔ mɛn i ti'n, sɛ Amɔnfuɛ nin Moabfuɛ sɔ'm be wun ´jɔ be o, sɛ be ´di alaje o, nán man i sɔ'n ɔ mian amun sa nan kɛ ɔ ´yo-ɔ ɔ'a yo-ɔ.

Mmla'n 7:3

Nán amun nin nvle sɔ nunfuɛ mun amun ja amun afiɛn bla. Nán amun fa amún wa bla man bé wa yasua kɛ ɔ jɛ i. Yɛ nán amun ja bé sa nun bla man amún wa yasua.