Ɛsdras 9:11 - NYANMIƐN NDƐ'N 1998

¹¹ Ɔ mmla sɔ'n, a fa wlali ɔ́ nuan ijɔfuɛ'm bɔ be ti ɔ sufuɛ'n be nuan kɛ be kan kle ye. A kannin kɛ: ‹Mɛn nga amun ´wlu nun bɔ amun wa tran nun yɛ'n, ɔ ti fiɛn. Sran nga be tran nun'n be ninnge nga be yo'n be ti fiɛn, be yo tete like mun be fa wlu i kɔtɔkakɔtɔka'n kwlaa nun.

Ɛsdras 9:11 ပူးပေါင်းရင်းမြစ်များ

2 Famiɛn Mun 21:16

Sran nga b'a yo-man sa bɔ Manase kunnin be'n, be sɔnnin kpa. Sɛ e ´kwla se'n, sran sɔ'm be mmoja'n yili Zerizalɛm klɔ'n i bue kun lele fa kpɛn i bue kun lɔ . Sa tɛ ng'ɔ yoli b'ɔ fali Zidafuɛ mun yili nun'n, bɔ ɔ'a yo-man Anannganman fɛ i li wo i ngunmin.

2 Be Nyoliɛ 33:2

Ɔ yoli sa ng'ɔ yo-man Anannganman fɛ'n. Nvle nga Anannganman fuannin be nun sran mun'n, b'ɔ fali be lika'n mannin Izraɛl'n, Manase niannin be tete sa nga be yo be'n be su yoli wie.

Ɛsdras 6:21

Izraɛlfuɛ nga be trali be lomuɛn bɔ be sali be sin'n, be dili Delɛ-cɛn'n. Be niaan nga be yili bé wun mɛn nunfuɛ'm be sa tɛtɛ bɔ be yo be i nun'n, be kusu be dili wie, afin be nin be nga mun bé bo yoli kun be suli Anannganman b'ɔ ti Izraɛl Nyanmiɛn'n.

Ɛsdras 9:1

I sin Izraɛl famiɛn i awlo lɔ sran dandan'm be wa seli min kɛ: «Nyanmiɛn nyrun jranfuɛ mun, nin Levifuɛ mun, nin Izraɛlfuɛ'm be nin nvle nga be tran mɛn nga nun wa'n, ngbaciɛ ɔ'a tran-man be afiɛn, afin tete like nga Kanaanfuɛ nin Ɛtfuɛ, nin Ferezfuɛ, nin Zɛbisfuɛ, nin Amɔnfuɛ, nin Moabfuɛ, nin Eziptfuɛ, nin Amɔrfuɛ'm be yo'n i wie yɛ be yo-ɔ,

Ɛsdras 9:10

«?E Nyanmiɛn, e ´kɛn sɛ yɛ e ´kle wɔ-ɔ? E yili ɔ mmla'm be blo.

Zeremi 26:5

Amun `sie amún su min sufuɛ bɔ yɛlɛ min nuan ijɔfuɛ bɔ n sunmannin be amun sin'n be ndɛ bɔ be kan'n i bo. N sɔtɔli be sunmanlɛ nan andɛ sa-a, sanngɛ amun waan nán amun yɛ amun ko tie-ɔ.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Mmla'n 12:31

Nán amun su Anannganman amun Nyanmiɛn'n kɛ be fa sɔ be amuɛn'm be sa. Afin tete sa nga Anannganman klo-mɛn i'n yɛ be yo man be amuɛn mun-ɔn. Be yi be mma yasua nin bla mun sin nun be fa yi sraka man be amuɛn sɔ mun bɔbɔ.

Mmla'n 18:12

Sran nga be yo i sɔ sa'n, wuun b'a bo tete Anannganman nyrun. I sɔ tete sa'm be ti yɛ Anannganman amun Nyanmiɛn'n ɔ ´fa nvle nga'm be mɛn'n ´man amun nin-ɔn.