Ɛsdras 8:33 - NYANMIƐN NDƐ'N 1998

³³ I le nnan'n su'n, e sunnzunnin jɛtɛ ufue'n nin sika ɔkwlɛ'n, nin kpongbo mun e Nyanmiɛn'n i sua'n nun nan y'a fa be y'a wlɛ i Mɛremɔt b'ɔ ti Nyanmiɛn nyrun jranfuɛ b'ɔ ti Iri i wa'n i sa nun. Ɔ yoli Fine i wa Eleazar, ɔ nin Zozie b'ɔ ti Levifuɛ'n i wa Zozabad, nin Binii i wa Nɔadia be nyrun.

Ɛsdras 8:33 ပူးပေါင်းရင်းမြစ်များ

Ɛsdras 10:23

Levifuɛ nga be o be nun'm be yɛ: Zozabad, Simɛi, ɔ nin Kelaza bɔ be flɛ i ekun kɛ Kɛlita'n, ɔ nin Pɛtakza, nin Zida, ɔ nin Eliezɛr.

Ɛsdras 2:40

Zozie nin Kadmiɛl bɔ be ti Levifuɛ'm be awlo'n nunfuɛ'm be nannan yɛlɛ Ɔdavia, awlo sɔ'm be nunfuɛ'm be ti sran ableso-nin-nnan.

Ɛsdras 8:25

Be nyrun lɛ n sunnzunnin Nyanmiɛn i sua'n i su cɛlɛ'n nga be mannin toe su. N sunnzunnin jɛtɛ ufue nin sika ɔkwlɛ, ɔ nin kpongbo nga famiɛn'n nin i afɔtuɛ manfuɛ nin i mma'm be mannin'n. N sunnzunnin nga Izraɛlfuɛ bɔ be o lɛ'n be mannin'n wie.

Ɛsdras 8:26

N fali ninnge nga be o yɛ mun n fa wlali bé sa nun: jɛtɛ ufue tɔnun ablaɔn, ninnge nga be fa jɛtɛ ufue kpakpa yɛ be yoli'n tɔnun nsan, sika ɔkwlɛ tɔnun nsan,

Ɛsdras 8:29

Amun `fa sie kpa, sɛ amun ju Zerizalɛm, amun `sunnzun i Nyanmiɛn nyrun jranfuɛ kpɛnngbɛn mun, nin Levifuɛ mun, nin Izraɛl awlobo kpɛnngbɛn'm be nyrun. Amun `sunnzun i Anannganman i sua'n nun lɔ sua ba'm be nun.»

Ɛsdras 8:30

Yɛ Nyanmiɛn nyrun jranfuɛ nin Levifuɛ'm be fali ninnge sɔ'm bɔ be sunnzunnin'n, i jɛtɛ ufue o, i sika ɔkwlɛ o, i kpongbo mun o, be fali be kɛ be ´fa kɔ Zerizalɛm, Nyanmiɛn i sua'n nun.

Ɛsdras 8:34

Be kali ninnge'n kwlaa, be sunnzunnin be nan b'a klɛ be kilo'n fluwa kun nun.

Neemi 10:10

Levifuɛ mun yɛ: Azania i wa Zozie, Binii b'ɔ ti Enadad i osu nunfuɛ'n, Kadmiɛl, ɔ nin be niaan Sɛbania, Ɔdiza, Kɛlita, Pɛlaza, Anan, Mise, Rɛɔb, Asabia, Zakir, Serebia, Sɛbania, Ɔdiza, Bani, nin Bɛnini.

Neemi 10:5

Atis, Sɛbania, Malik,

Neemi 10:9

Maazia, Bilgai ɔ nin Sɛmaɛza. Be kwlaa be ti Nyanmiɛn nyrun jranfuɛ.

Neemi 3:21

Akɔz i wa Iri i wa liɛ Mɛremɔt dili i junman liɛ'n Zabai i sa su lɛ, ɔ dili i Eliasib i awlo'n i anuan'n nin i awieliɛ'n be afiɛn lɛ.

Neemi 3:24

Enadad i wa Binii wo i sa su lɛ. Kan ɔ dili i junman liɛ'n ɔ fɛ i Azaria i sua'n wun lɛ lele ju talɛ'n i cɔnjɔ'n su lɛ.

Neemi 3:4

Akɔz i wa Iri i klun ba Mɛremɔt ɔ mantan be lɛ. Mɛsezabeɛl i wa Berekia i klun ba Mɛsilam kusu mantan Mɛremɔt lɛ, yɛ Baana i wa Zadɔk nin Mɛsilam be yia.

Neemi 8:7

I sin Levifuɛ mun, nin Zozie, Bani, Serebia, Zamɛn, Akib, Sabɛtai, Ɔdiza, Maazeza, Kɛlita, Azaria, Zozabad, Anan, ɔ nin Pɛlaza, be tuli Nyanmiɛn i mmla'n bo kleli sran mun. Be jin nglo yɛ be tie-ɔ.